啟示錄 第 11 章

1

(THR) Ū hō͘ góa chı̍t ki lô͘-tek chhin-chhiūⁿ kóaiⁿ-á, kóng, Lí khí-lâi, niû Siōng-tè ê tiān, kap chè-tôaⁿ, í-kı̍p tī hia kèng-pài ê lâng.

(BCL) 有互我一支蘆竹，親像枴仔；講：「你起來！量上帝的殿及祭壇，以及佇遐敬拜的人。

2

(THR) Tiān-gōa ê īⁿ pàng-hē teh, bo̍h-tit niû i; in-ūi í-keng hō͘ gōa-pang lâng; in beh thún-ta̍h sèng-siâⁿ, sì-cha̍p-jí ge̍h-jı̍t.

(BCL) 殿外的院放下莫得量伊，因為已經互外邦人；欲睭踏聖城四十二月日。

3

(THR) Góa beh siúⁿ-sù góa nn̄g ê kan-chèng ê, in beh chhēng môa-pò͘ thôan tō-lí, kiōng chı̍t-chheng nn̄g-pah la̍k-cha̍p jı̍t.

(BCL) 我欲賞賜我二個干證者，欲穿麻布，傳道理共一千二百六十日。」

4

(THR) Che chiū-sī hit ê nn̄g châng kaⁿ-ná chhiū, kap nn̄g ê teng-tâi, chiū-sī khiā tī chôan tōe ê Chú ê bīn-chêng ê.

(BCL) 這就是彼個二欉橄欖樹，及二個燈台，就是徛佇全地的主的面前的。

5

(THR) Nā ū lâng ài hāi in, chiū ū hé tùi in ê chhùi chhut-lâi, bia̍t in ê tùi-te̍k; nā ū lâng ài beh hāi in, tek-khak chhin-chhiūⁿ án-ni siū hāi-sí.

(BCL) 若有人愛害，就有火對的嘴出來，滅的對敵。若有人愛欲害，的確親像按呢受害死。

6

(THR) Chit nn̄g lâng ū kôan ōe koaiⁿ-ba̍t thiⁿ, tī in thôan tō-lí ê jı̍t, hō͘ i bô lo̍h hō͘; ia̍h ū kôan tī-lí chiah ê chúi, hō͘ i pìⁿ chòe huih; koh chiàu in só͘ ài, put-kóan sî thang ēng ta̍k iūⁿ ê chai-ē kong-kek tōe.

(BCL) 此二人有權會關密天，佇傳道理的日互伊無落雨；亦有權治理諸個水互伊變做血，閣照所愛，不管時通用逐樣的災禍攻擊地。

7

(THR) Kàu in kan-chèng bêng-pe̍k ê sî, tùi chhim-ian chiūⁿ-lâi ê siù beh kap in kau-chiàn, koh beh khah-iâⁿ lâi thâi in..

(BCL) 到干證明白的時，對深淵上來的獸欲及交戰，閣欲卡贏來。

8

(THR) In ê sin-si tó tī tōa siâⁿ ê koe-lō͘; chit ê siâⁿ phì-jū chheng chòe Só͘-to-má kap Ai-kı̍p, chiū-sī in ê Chú tèng sı̍p-jī-kè ê só͘-chāi.

(BCL) 的身屍倒佇大城的街路；此個城譬喻稱做所多瑪，及埃及，就是的主釘十字架的所在。

9

(THR) Koh tùi chiah ê peh-sìⁿ, chiah ê chong-cho̍k, chiah ê khiuⁿ-kháu, chiah ê pang-kok ê tiong-kan ū lâng saⁿ jı̍t pòaⁿ kú khòaⁿ in ê sin-si, koh m̄ chún bâi-chòng in ê sin-si tī bōng-nı̍h.

(BCL) 閣對諸個百姓、諸個宗族、諸個腔口、諸個邦國的中間有人三日半久看的身屍，閣呣准埋葬的身屍佇墓裡。

10

(THR) Khiā-khí tōe-bīn-chiūⁿ ê lâng chiū ūi-tio̍h in hoaⁿ-hí khòai-lo̍k, ēng mı̍h saⁿ-sàng; in-ūi chit nn̄g ê sian-ti bat khùn-khó͘ khiā-khí tōe-bīn-chiūⁿ ê lâng.

(BCL) 徛起地面上的人就為著歡喜快樂，用物相送，因為此二個先知曾困苦徛起地面上的人。

11

(THR) Kè hit saⁿ jı̍t pòaⁿ, ū o̍ah ê khì, tùi Siōng-tè chhut ê, lâi jı̍p tī in; in chiū peh-khí-lâi khiā; khòaⁿ-kìⁿ in ê lâng tōa kiaⁿ.

(BCL) 過彼三日半，有活的氣對上帝出的來入佇，就絔起來徛；看見的人大驚。

12

(THR) In chiū thiaⁿ-kìⁿ tùi thiⁿ ū tōa siaⁿ, kā in kóng, Chiūⁿ lâi chia; in chiū chē hûn chiūⁿ thiⁿ, in ê tùi-te̍k ia̍h khòaⁿ-kìⁿ in.

(BCL) 就聽見對天有大聲，給講：「上來遮。」就坐雲上天，的對敵亦看見。

13

(THR) Tng hit sî, tōe ū tōa tín-tāng, siâⁿ tó cha̍p hūn ê chı̍t hūn; in-ūi tōe-tāng lâi sí ê lâng, ū chhit-chheng miâ; kî-û ê lóng kiaⁿ-hiâⁿ, lâi kui êng-kng hō͘ thiⁿ-nı̍h ê Siōng-tè.

(BCL) 當彼時，地有大振動，城倒十份的一份，因為地動來死的人有七千名；其餘的攏驚惶，來歸榮光互天裡的上帝。

14

(THR) Tē jī ê chai-ē í-keng kè-khì; tē saⁿ ê chai-ē kín-kín kàu.

(BCL) 第二個災禍已經過去，第三個災禍緊緊到。

15

(THR) Tē chhit ê thiⁿ-sài pûn hō-thâu, chiū tī thiⁿ-nı̍h ū chiah ê tōa ê siaⁿ, teh kóng, Sè-kan ê kok chiâⁿ-chòe lán ê Chú kap I ê Ki-tok ê kok; I beh chòe ông kàu tāi-tāi bô chīn.

(BCL) 第七個天使歕號頭，就佇天裡有諸個大的聲講：世間的國成做咱的主及伊的基督的國；伊欲做王到代代無盡。

16

(THR) Tī Siōng-tè ê bīn-chêng, chē tī in chō-ūi ê jī-cha̍p-sì ê tiúⁿ-ló, bīn phak-lo̍h-lâi pài Siōng-tè,

(BCL) 佇上帝的面前，坐佇座位的二十四個長老，面仆落來拜上帝，

17

(THR) kóng, Chú Siōng-tè ah, sī chôan-lêng ê, hiān-chāi tī-teh, chá tī-teh ê; góan kám-siā lí, in-ūi lí í-keng chiáng lí ê tōa kôan lâi chòe ông.

(BCL) 講：主上帝啊，是全能者──現在佇、早佇者，阮感謝你！因為你已經掌你的大權來做王。

18

(THR) Gōa-pang hoat-chhut siū-khì, lí ê siū-khì ia̍h lîm-kàu; sí ê lâng siū sím-phòaⁿ, koh lí ê lô͘-po̍k chiah ê sian-ti, kap chiah ê sèng ê, kap kèng-ùi lí ê miâ ê, bô lūn tōa sòe, lí ēng pò-siúⁿ hō͘ in; koh pāi-hōai tōe ê, lí ia̍h pāi-hōai in; hit ê sî kàu lah.

(BCL) 外邦發出受氣，你的受氣亦臨到；死的人受審判，閣你的奴僕諸個先知及諸個聖者，及敬畏你的名者，無論大細，你用報賞互。閣敗壞地的，你亦敗壞，彼個時到啦。

19

(THR) Siōng-tè ê tiān, tī thiⁿ-nı̍h ê, chiū khui; tī I ê tiān-lāi I ê iok-kūi khòaⁿ hiān-hiān; chiū ū sih-nà, kap siaⁿ, kap lûi tân, tōe-tāng, í-kı̍p tōa phauh.

(BCL) 上帝的殿佇天裡的就開，佇伊的殿內伊的約櫃看現現。就有閃爁、及聲、及雷鳴、地動、以及大雹。

Bible Color Mark

• 台語漢字羅馬本
• 巴克禮全羅