詩篇 第 79 章

1

(THR) A-sat ê si.1) Siōng-tè ah, gōa-pang-lâng chìn-jı̍p Lí ê sán-gia̍p, Phah lâ-sâm Lí ê sèng-tiān, Hō͘ Iâ-lō͘-sat-léng pìⁿ-chiâⁿ thô͘-tui.

(BCL) 〔亞薩的詩。〕上帝啊，外邦人進入你的產業，拍垃墋你的聖殿，互耶路撒冷變成土堆，

2

(THR) In chiong Lí ê lô͘-po̍k ê sin-si, kau hō͘ khong-tiong ê pe-chiáu, chòe chia̍h-mı̍h; Chiong Lí sèng ê peh-sìⁿ ê bah, kau hō͘ tōe-chiūⁿ ê iá-siù.

(BCL) 將你的奴僕的身屍交互空中的飛鳥做食物，將你聖的百姓的肉交互地上的野獸，

3

(THR) Tī Iâ-lō͘-sat-léng chiu-ûi, lâu in ê huih chhin-chhiūⁿ chúi; Ia̍h bô lâng bâi-chòng i.

(BCL) 佇耶路撒冷周圍流的血親像水，亦無人埋葬伊。

4

(THR) Góan hō͘ góan keh-piah kok só͘ lêng-jio̍k, Hō͘ góan sì-ûi ê lâng léng-chhiò ki-chhì.

(BCL) 阮互阮隔壁國所凌辱，互阮四圍的人冷笑譏刺。

5

(THR) Iâ-hô-hoa ah, Lí ê siū-khì beh jōa-kú, kàu éng-óan mah? Lí ê siū-khì beh chhin-chhiūⁿ hé to̍h mah?

(BCL) 耶和華啊，你的受氣欲偌久，到永遠嗎？你的受氣欲親像火嗎？

6

(THR) Gōan Lí chiong Lí ê siū-khì piàⁿ-lo̍h tī hiah ê m̄-bat Lí ê gōa-pang, Í-kı̍p hiah-ê bô kiû-kiò Lí ê miâ ê lia̍t-kok.

(BCL) 願你將你的受氣傾落佇許個呣識你的外邦，以及許個無求叫你的名的列國。

7

(THR) In-ūi in thun-chia̍h Ngá-kok, Hō͘ i khiā-khí ê só͘-chāi pha-hng.

(BCL) 因為吞食雅各，互伊徛起的所在拋荒。

8

(THR) Kiû Lí m̄-thang kì-tit góan ê chó͘-kong ê chōe, lâi tùi góan thó; Gōan Lí ê chû-pi kín-kín lîm-kàu góan; In-ūi góan lo̍h kàu ke̍k pi-bî ê tōe-ūi.

(BCL) 求你呣通記得阮的祖公的罪，來對阮討；願你的慈悲緊緊臨到阮，因為阮落到極卑微的地位。

9

(THR) Kiù góan ê Siōng-tè ah, kiû Lí in-ūi Lí ê miâ ê êng-kng pang-chān góan; In-ūi Lí ê miâ ê iân-kò͘ kiù góan, sià-bián góan ê chōe.

(BCL) 救阮的上帝啊，求你因為你的名的榮光幫助阮！因為你的名的緣故救阮，赦免阮的罪。

10

(THR) Siáⁿ-sū tì-kàu gōa-pang lâng kóng, In ê Siōng-tè tī toh-lo̍h? Gōan Lí sin Lí ê lô͘-po̍k lâu-huih ê oan, hō͘ gōa-pang lâng chai, Hō͘ góan chhin-ba̍k khòaⁿ-kìⁿ.

(BCL) 啥事致到外邦人講「的上帝佇叨落」？願你伸你的奴僕流血的冤，互外邦人知互阮親目看見。

11

(THR) Gōan siû-hōan ê thó͘-khùi thàu-kàu Lí ê bīn-chêng; Gōan Lí, chiàu Lí ê tōa kôan-lêng, pó-chûn hiah ê gí-tiāⁿ tio̍h-sí ê lâng.

(BCL) 願囚犯的吐氣透到你的面前；願你照你的大權能保存許個擬定著死的人。

12

(THR) Chú ah, gōan Lí chiong góan keh-piah kok só͘ lêng-jio̍k Lí ê lêng-jio̍k, Ke-thiⁿ chhit-pē, kui tī in ê sin-chiūⁿ.

(BCL) 主啊，願你將阮隔壁國所凌辱你的凌辱，加添七倍歸佇的身上。

13

(THR) Án-ni góan chòe Lí ê peh-sìⁿ, Lí ê chháu-tiûⁿ ê iûⁿ-ê, Beh kám-siā Lí kàu éng-óan; Beh o-ló Lí ê miâ kàu bān sè-tāi.

(BCL) 按呢，阮做你的百姓，你的草場的羊者，欲感謝你到永遠；欲謳咾你的名，到萬世代。

Bible Color Mark

• 台語漢字羅馬本
• 巴克禮全羅