詩篇 第 78 章

1

(THR) A-sat kà-sī ê si.1) Góa ê peh-sìⁿ ah, lín tio̍h thiaⁿ góa ê kà-sī, Àⁿ hī-khang thiaⁿ góa ê chhùi ê ōe.

(BCL) 〔亞薩教示的詩。〕我的百姓啊，恁著聽我的教示，俯耳孔聽我的嘴的話。

2

(THR) Góa beh khui-chhùi siat phì-jū, Góa beh kóng-chhut kó͘-chá ún-ba̍t ê ōe,

(BCL) 我欲開嘴設譬喻；我欲講出古早隱密的話，

3

(THR) Chiū-sī góan só͘ thiaⁿ-kìⁿ, só͘ chai ê; Ia̍h sī góan ê chó͘-kong thôan hō͘ góan--ê.

(BCL) 就是阮所聽見、所知的，亦是阮的祖公傳互阮的。

4

(THR) Góan bô beh chiong chiah ê sū tùi in ê kiáⁿ-sun ún-môa; Beh chiong Iâ-hô-hoa ê miâ-siaⁿ kap I ê kôan-lêng, í-kı̍p I só͘ kiâⁿ kî-biāu ê sū, Thôan hō͘ āu sè-tāi.

(BCL) 阮無欲將諸個事對的子孫隱瞞，欲將耶和華的名聲及伊的權能，以及伊所行奇妙的事，傳互後世代。

5

(THR) In-ūi I tī Ngá-kok lı̍p kan-chèng ê ōe, tī Í-sek-lia̍t siat lu̍t-hoat; Sī I bēng-lēng lán ê chó͘-kong ê, thang thôan hō͘ in ê kiáⁿ-sun.

(BCL) 因為，伊佇雅各立干證的話，佇以色列設律法；是伊命令咱的祖公的，通傳互的子孫，

6

(THR) Hō͘ āu-tāi, chiū-sī tit-beh chhut-sì ê kiáⁿ-sun chai; In ia̍h beh khí-lâi thôan hō͘ in ê kiáⁿ-sun;

(BCL) 互後代就是得欲出世的子孫知；亦欲起來傳互的子孫，

7

(THR) Hō͘ in ê ǹg-bāng chāi-tī Siōng-tè, Bô bōe-kì-tit Chôan-lêng--ê ê só͘ chòe, Sī beh chun-siú I ê kài-bēng.

(BCL) 互的向望在佇上帝，無記得全能者的所做，是欲遵守伊的誡命。

8

(THR) Bián-tit chhin-chhiūⁿ in ê chó͘-kong, Sī ngī-sim pōe-ge̍k ê sè-tāi, Sī chûn-sim bô sì-chiàⁿ ê sè-tāi, In ǹg Siōng-tè ê sim bô kian-kò͘.

(BCL) 免得親像的祖公，是硬心悖逆的世代，是存心無四正的世代，向上帝的心，無堅固。

9

(THR) Í-hoat-liân ê kiáⁿ-sun kia̍h ke-si kap keng-chìⁿ, Lîm-tīn ê jı̍t, o̍at-tńg-sin thè-āu.

(BCL) 以法蓮的子孫抬家私，及弓箭，臨陣的日越轉身退後。

10

(THR) In bô chun-siú Siōng-tè ê iok, M̄-khéng chiàu I ê lu̍t-hoat lâi kiâⁿ.

(BCL) 無遵守上帝的約，呣肯照伊的律法來行；

11

(THR) Koh bōe-kì-tit I só͘-kiâⁿ-ê, Kap I só͘ hō͘ in khòaⁿ kî-biāu ê sū.

(BCL) 閣記得伊所行的及伊所互看奇妙的事。

12

(THR) I tī Ai-kı̍p tōe, Só-an ê chhân, Tī in chó͘-kong ê ba̍k-chiu chêng, kiâⁿ kî-īⁿ ê sū.

(BCL) 伊佇埃及地，瑣安的田，佇祖公的目睭前行奇異的事。

13

(THR) I pun-khui hái, hō͘ in kè--khì; Koh hō͘ chúi khiā--khí-lâi, chhin-chhiūⁿ thô͘-tui.

(BCL) 伊分開海，互過去，閣互水豎起來，親像土堆。

14

(THR) I jı̍t--sî ēng hûn chhōa--in, Thong-mî ēng hé ê kng chhōa--in.

(BCL) 伊日時用雲導，通暝用火的光導。

15

(THR) I tī khòng-iá hō͘ chio̍h-pôaⁿ lı̍h-khui, Hō͘ in chōe-chōe chúi thang lim, chhin-chhiūⁿ tùi chhim-ian chhut.

(BCL) 伊佇曠野互石磐裂開，互多多水通飲，親像對深淵出。

16

(THR) I hō͘ chúi tùi chio̍h-pôaⁿ chhèng-chhut, Hō͘ chúi chhin-chhiūⁿ kang-hô lâu-lo̍h.

(BCL) 伊互水對石磐淐出，互水親像江河流落。

17

(THR) In iû-gôan ta̍uh-ta̍uh tek-chōe I; Tī ta-sò ê tōe pōe-ge̍k Chì-kôaiⁿ--ê.

(BCL) 猶原沓沓得罪伊，佇乾燥的地悖逆至高者。

18

(THR) In sim-lāi chhì Siōng-tè, Chiàu in ka-kī só͘-ài--ê kiû chia̍h-mı̍h.

(BCL) 心內試上帝，照家己所愛者求食物，

19

(THR) In lām-sám gī-lūn Siōng-tè, kóng, Chôan-lêng ê Chú tī khòng-iá kiám ōe pān-toh mah?

(BCL) 濫糝議論上帝講：全能的主佇曠野豈會辦桌嗎？

20

(THR) I bat phah chio̍h-pôaⁿ hō͘ chúi chhèng-chhut, Kang-hô móa--chhut-lâi; I iā ōe siúⁿ-sù bí-niû mah? I iā ōe kā I ê peh-sìⁿ pī-pān bah mah?

(BCL) 伊曾拍石磐，互水淐出，江河滿出來；伊也會賞賜米糧嗎？伊也會給伊的百姓備辦肉嗎？

21

(THR) Só͘-í Iâ-hô-hoa thiaⁿ-kìⁿ chiū siū-khì, Chiū ū iām-hé sio Ngá-kok ê ke, Siū-khì hoat-khí tī Í-sek-lia̍t cho̍k.

(BCL) 所以，耶和華聽見就受氣；就有炎火燒雅各的家；受氣發起佇以色列族；

22

(THR) In-ūi in m̄ sìn-ho̍k Siōng-tè, M̄ óa-khò I ê kiù-un.

(BCL) 因為呣信服上帝，呣倚靠伊的救恩。

23

(THR) Chóng-sī I chiū bēng-lēng tī téng-bīn ê kiong-chhong, Koh khui thiⁿ ê mn̂g;

(BCL) 總是伊就命令佇頂面的穹蒼，閣開天的門，

24

(THR) I kàng-lo̍h má-ná chhin-chhiūⁿ lo̍h hō͘, hō͘ in chia̍h; Chiong thiⁿ ê bí-niû siúⁿ-sù in.

(BCL) 伊降落嗎哪，親像落雨互食，將天的米糧賞賜。

25

(THR) Lâng chia̍h tōa-kôan-lêng--ê ê chia̍h-mı̍h; I siúⁿ-sù bí-niû hō͘ in pá-chiok.

(BCL) 人食大權能者的食物；伊賞賜米糧，互飽足。

26

(THR) I hō͘ tang-hong khí tī thiⁿ--nih; Ēng I ê kôan-lêng chhōa lâm-hong lâi.

(BCL) 伊互東風起佇天裡，用伊的權能導南風來。

27

(THR) I kàng-lo̍h bah tī in tiong-kan, chōe chhin-chhiūⁿ thô͘-hún, Koh pe-chiáu chōe chhin-chhiūⁿ hái-soa.

(BCL) 伊降落肉，佇中間，多親像土粉，閣飛鳥，多親像海沙，

28

(THR) Lo̍h tī in ê iâⁿ-tiong, Tī in khiā-khí ê só͘-chāi ê sì-ûi.

(BCL) 落佇的營中，佇徛起的所在的四圍。

29

(THR) In chiū chia̍h kàu pá-pá; I chiàu in só͘-ài-ê hō͘ in.

(BCL) 就食到飽飽；伊照所愛的互。

30

(THR) In ê só͘-ài, iáu-bē pá-ià, In ê chia̍h-mı̍h iáu tī in ê chhùi-lāi ê sî,

(BCL) 的所愛猶未飽厭，的食物猶佇的嘴內的時，

31

(THR) Siōng-tè chiū tùi in hoat-khí siū-khì, Thâi-sí in tiong-kan ê hó-hàn lâng, Táⁿ-tó Í-sek-lia̍t ê siàu-liân lâng.

(BCL) 上帝就對發起受氣，死中間的好漢人，打倒以色列的少年人。

32

(THR) Sui-jiân án-ni, in iû-gôan koh hōan-chōe; Bô in-ūi I kî-kòai ê só͘-chòe lâi sìn I.

(BCL) 雖然按呢，猶原閣犯罪，無因為伊奇怪的所做來信伊。

33

(THR) Só͘-í I hō͘ in khang-khang kè-jı̍t; Hō͘ in le̍k-nî kiaⁿ-hiâⁿ.

(BCL) 所以，伊互空空過日，互歷年驚惶。

34

(THR) I thâi in ê sî, in chiah lâi kiû I; Chiū o̍at-tò-tńg chhiat-chhiat kiû Siōng-tè.

(BCL) 伊的時，才來求伊，就越倒轉，切切求上帝。

35

(THR) In ia̍h tui-liām Siōng-tè sī in ê chio̍h-pôaⁿ, Chì-kôaiⁿ ê Chôan-lêng-ê sī sio̍k-hôe in--ê.

(BCL) 亦追念上帝是的石磐，至高者全能者是贖回者。

36

(THR) Chóng-sī in ēng chhùi thiám-mī I, Ēng chı̍h tùi I kóng pe̍h-chha̍t.

(BCL) 總是，用嘴諂媚伊，用舌對伊講白賊。

37

(THR) In-ūi in bô kian-sim ì-hiòng I, Bô chīn-tiong siú I ê iok.

(BCL) 因為無堅心意向伊，無盡忠守伊的約。

38

(THR) Chóng-sī I ū lîn-bín, sià-bián in ê chōe-ok, bô bia̍t-bô in; Koh ta̍uh-ta̍uh siau I ê siū-khì, Bô it-chīn hoat-chhut I ê siū-khì.

(BCL) 總是伊有憐憫，赦免的罪惡，無滅無，閣沓沓消伊的受氣，無一盡發出伊的受氣。

39

(THR) I siūⁿ-tio̍h in put-kò sī hiat-khì, Sī chhe-kè--khì bô tò-tńg ê hong.

(BCL) 伊想著不過是血氣，是吹過去無倒轉的風。

40

(THR) In tī khòng-iá pōe-ge̍k I, Tī pha-hng ê só͘-chāi, hō͘ I iu-būn, kàu hiah chōe pái ah!

(BCL) 佇曠野悖逆伊，佇拋荒的所在，互伊憂悶到許多擺啊！

41

(THR) In chài-saⁿ chhì Siōng-tè, Tú-tak Í-sek-lia̍t ê Sèng--ê.

(BCL) 再三試上帝，抵觸以色列的聖者。

42

(THR) In bōe-kì-tit I ê kôan-lêng, Kap sio̍k-hôe in thoat-lī tùi-te̍k ê jı̍t;

(BCL) 記得伊的權能及贖回脫離對敵的日；

43

(THR) I cháiⁿ-iūⁿ tī Ai-kı̍p hián-chhut I ê sîn-jiah; Tī Só-an chhân, hián-chhut kî-sū;

(BCL) 伊怎樣佇埃及顯出伊的神蹟，佇瑣安田顯出奇事，

44

(THR) Chiong in ê kang-hô pìⁿ-chòe huih, In ê káng ia̍h sī án-ni, tì-kàu lóng bōe lim--tit.

(BCL) 將的江河變做血，的港亦是按呢，致到攏飲得。

45

(THR) I hō͘ hô͘-sîn kui-tīn kàu in tiong-kan lâi cham in; Koh hō͘ chhân-kap-á lâi hāi in.

(BCL) 伊互蝴蠅歸陣到中間，來呫，閣互田蛤仔來害，

46

(THR) Chiong in ê thó͘-sán, kau hō͘ thâng-thōa; Chiong in lô-khó͘ lâi tit-tio̍h-ê kau hō͘ chháu-meh.

(BCL) 將的土產交互蟲，將勞苦來得著的交互草蜢。

47

(THR) I lo̍h-pha̍uh, húi-hōai in ê phû-tô-chhiū, Lo̍h-sng, húi-hōai in ê sng-châi-chhiū.

(BCL) 伊落雹毀壞的葡萄樹，落霜毀壞的桑材樹，

48

(THR) Koh chiong in ê cheng-siⁿ kau hō͘ pha̍uh, Chiong in kui-kûn ê cheng-siⁿ kau hō͘ sih-nà.

(BCL) 閣將的精牲交互雹，將歸群的精牲交互閃爁。

49

(THR) I hoat-chhut I ê tōa siū-khì, Í-kı̍p siū-khì, thòng-hūn, khó͘-lān, Kui-tīn kàng chai-ē ê sù-chiá lóng kàu tī in.

(BCL) 伊發出伊的大受氣，以及受氣、痛恨、苦難歸陣降災禍的使者，攏到佇。

50

(THR) I ūi-tio̍h ka-kī ê siū-khì pho͘-pîⁿ I ê lō͘; Hō͘ in ê sìⁿ-miā bōe bián-tit sí; Chiong in ê o̍ah-miā kau hō͘ un-e̍k.

(BCL) 伊為著家己的受氣舖平伊的路，互的生命免得死，將的活命交互瘟疫，

51

(THR) Tī Ai-kı̍p phah-sí it-chhè ê tōa-kiáⁿ, Tī Hâm ê pò͘-pîⁿ-tiong phah-sí in ê thâu-chiūⁿ-kiáⁿ.

(BCL) 佇埃及拍死一切的大子，佇含的布棚中拍死的頭上子。

52

(THR) Chóng-sī I chhōa-chhut ka-kī ê peh-sìⁿ, chhin-chhiūⁿ iûⁿ; Tī khòng-iá chhōa in chhin-chhiūⁿ iûⁿ-kûn.

(BCL) 總是伊導出家己的百姓親像羊，佇曠野導親像羊群。

53

(THR) I chhōa in an-ún, hō͘ in bô kiaⁿ-hiâⁿ; Hái chiū im-sí in ê tùi-te̍k.

(BCL) 伊導安穩，互無驚惶；海就淹死的對敵。

54

(THR) I koh chhōa in kàu sèng-tōe ê kau-kài; Kàu I chiàⁿ-chhiú só͘ tit-tio̍h chit ê soaⁿ.

(BCL) 伊閣導到聖地的交界，到伊正手所得著此個山。

55

(THR) I tī in ê bīn-chêng kóaⁿ-chhut lia̍t-pang-lâng; Ēng soh-á chiong gōa-pang-lâng ê tōe niû hō͘ in chòe-gia̍p; Hō͘ Í-sek-lia̍t ê chi-phài khiā-khí in ê pò͘-pîⁿ.

(BCL) 伊佇的面前趕出列邦人，用索仔將外邦人的地量互做業，互以色列的支派徛起的布棚。

56

(THR) In iû-gôan chhì chì-kôaiⁿ ê Siōng-tè, lâi pōe-ge̍k I; Bô siú I kan-chèng ê ōe.

(BCL) 猶原試至高的上帝，來悖逆伊，無守伊干證的話，

57

(THR) Sit-sìn pōe-ge̍k, bô koh-iūⁿ in ê chó͘-kong; Piàn-khóan chhin-chhiūⁿ keng péng-lìn-tńg.

(BCL) 失信悖逆，無各樣的祖公；變款親像弓反輪轉。

58

(THR) In-ūi in ēng in soaⁿ-thâu ê tôaⁿ, jiá-tio̍h I ê siū-khì; Ēng in tiau-khek ê ngó͘-siōng, hō͘ I thòng-hūn.

(BCL) 因為用山頭的壇惹著伊的受氣；用雕刻的偶像互伊痛恨。

59

(THR) Siōng-tè thiaⁿ-kìⁿ chiū siū-khì, Tōa iàm-ò͘ⁿ Í-sek-lia̍t.

(BCL) 上帝聽見就受氣，大厭惡以色列。

60

(THR) Sīm-chì khì-sak Sī-lô ê hōe-bō͘, Chiū-sī I tī lâng ê tiong-kan só͘ tah ê pò͘-pîⁿ.

(BCL) 甚至棄拺示羅的會幕，就是伊佇人的中間所搭的布棚；

61

(THR) Koh chiong I ê khùi-la̍t, kau hō͘ lâng chhiúⁿ--khì; Chiong I ê êng-kng kau tī tùi-te̍k ê chhiú.

(BCL) 閣將伊的氣力交互人搶去，將伊的榮光交佇對敵的手；

62

(THR) Ia̍h chiong I ê peh-sìⁿ kau hō͘ to-kiàm, Lâi siū-khì I ê ke-gia̍p.

(BCL) 亦將伊的百姓交互刀劍，來受氣伊的家業。

63

(THR) In ê siàu-liân lâng hō͘ hé sio-bia̍t, In ê chāi-sek-lú bô tit-tio̍h lâng ê hō-hí.

(BCL) 的少年人互火燒滅；的在室女無得著人的賀喜。

64

(THR) Chè-si tó tī to-ē, Chiú-kóaⁿ-lâng ia̍h bô thî-khàu.

(BCL) 祭司倒佇刀下，守寡人亦無啼哭。

65

(THR) Hit-sî Chú chhin-chhiūⁿ khùn ê lâng cheng-sîn; Chhin-chhiūⁿ ióng-béng ê lâng, lim-chiú teh hoah.

(BCL) 彼時，主親像睏的人精神，親像勇猛的人飲酒喝。

66

(THR) I phah-thè I ê tùi-te̍k; Hō͘ in éng-éng siū lêng-jio̍k.

(BCL) 伊拍退伊的對敵，互永永受凌辱；

67

(THR) Koh I khì-sak Iok-sek ê pò͘-pîⁿ, Bô kéng-sóan Í-hoat-liân ê chi-phài;

(BCL) 閣伊棄拺約瑟的布棚，無揀選以法蓮的支派，

68

(THR) Chóng-sī kéng Iû-tāi ê chi-phài, I só͘ ì-ài ê Sek-an soaⁿ.

(BCL) 總是揀猶大的支派──伊所意愛的錫安山；

69

(THR) Koh khí-chō I ê Sèng-só͘, kôaiⁿ chhin-chhiūⁿ thiⁿ, Koh chhin-chhiūⁿ I kiàn-lı̍p éng-éng tī-teh ê tōe.

(BCL) 閣起造伊的聖所，高親像天，閣親像伊建立永永佇的地；

70

(THR) Koh kéng I ê lô͘-po̍k Tāi-pı̍t, Chhōa i tùi iûⁿ-tiâu lâi.

(BCL) 閣揀伊的奴僕大衛，導伊對羊　來，

71

(THR) Hō͘ i bô koh tè hiah ê iûⁿ-bú, Beh hō͘ i iúⁿ-chhī I ê peh-sìⁿ Ngá-kok, kap I ê ke-gia̍p Í-sek-lia̍t,

(BCL) 互伊無閣隨許個羊母，欲互伊養飼伊的百姓雅各及伊的家業以色列。

72

(THR) I chiū chiàu i sim-lāi ê chèng-tı̍t iúⁿ-chhī in; Koh ēng i khiáu-biāu ê chhiú ín-chhōa in.

(BCL) 伊就照伊心內的正直養飼，閣用伊巧妙的手引導。

Bible Color Mark

• 台語漢字羅馬本
• 巴克禮全羅