詩篇 第 106 章

1

(THR) Lín tio̍h o-ló Iâ-hô-hoa. Lín tio̍h kám-siā Iâ-hô-hoa; in-ūi I sī hó; I ê chû-ài éng-óan tī--teh.

(BCL) 恁著謳咾耶和華！恁著感謝耶和華，因為伊是好；伊的慈愛永遠佇！

2

(THR) Chī-chūi ōe kóng-khí Iâ-hô-hoa ê tōa kôan-lêng? Chī-chūi ōe piáu-bêng I it-chhè ê miâ-siaⁿ?

(BCL) 是誰會講起耶和華的大權能？是誰會表明伊一切的名聲？

3

(THR) Kìⁿ-nā chun-siú kong-pêng, siông-siông kiâⁿ kong-gī--ê; Chit-hō lâng chiū ū hok-khì.

(BCL) 見若遵守公平，常常行公義者，此號人就有福氣！

4

(THR) Iâ-hô-hoa ah, Lí ēng un-hūi Khóan-thāi Lí ê peh-sìⁿ, kiû Lí ia̍h ēng che kì-liām góa; Ēng Lí ê kiù-un lîm-kàu góa.

(BCL) 耶和華啊，你用恩惠款待你的百姓；求你亦用這記念我，用你的救恩臨到我，

5

(THR) Hō͘ góa khòaⁿ-kìⁿ Lí kéng ê peh-sìⁿ ê hok-khì, Hoaⁿ-hí Lí ê kok ê khòai-lo̍k, Kap Lí ê sán-gia̍p saⁿ-kap êng-kng.

(BCL) 互我看見你揀的百姓的福氣，歡喜你的國的快樂，及你的產業相及榮光。

6

(THR) Góan kap góan ê chó͘-kong pîⁿ-pîⁿ hōan-chōe, Góan chok-gia̍t, kiâⁿ pháiⁿ.

(BCL) 阮及阮的祖公平平犯罪；阮作孽，行歹。

7

(THR) Góan ê chó͘-kong tī Ai-kı̍p bô bêng-pe̍k Lí ê kî-sū; Bô kì-liām Lí hong-sēng ê chû-ài; Hóan-tńg tī hit ê hái, chiū-sī tī Âng-hái, kiâⁿ pōe-ge̍k.

(BCL) 阮的祖公佇埃及無明白你的奇事，無記念你豐盛的慈愛，反轉佇彼個海就是佇紅海行悖逆。

8

(THR) Nā-sī I in-ūi ka-kī ê miâ chín-kiù in, Ūi-tio̍h beh hián-bêng I ê tōa kôan-lêng.

(BCL) 若是伊因為家己的名拯救，為著欲顯明伊的大權能，

9

(THR) Koh hoah Âng-hái, hái chiū ta; I chhōa in keng-kè chhim ê só͘-chāi, ná chhin-chhiūⁿ keng-kè khòng-iá.

(BCL) 閣喝紅海，海就乾；伊導經過深的所在，那親像經過曠野。

10

(THR) I kiù in thoat-lī òan-hūn in ê lâng ê chhiú, Tùi tùi-te̍k ê chhiú-tiong kiù-sio̍k in.

(BCL) 伊救脫離怨恨的人的手，對對敵的手中救贖。

11

(THR) Chúi im-ba̍t in ê tùi-te̍k; In chiū bô lâu chı̍t-ê.

(BCL) 水淹密的對敵，就無留一個。

12

(THR) Hit-tia̍p in chiah sìn I ê ōe; Chhiùⁿ-koa o-ló I.

(BCL) 彼霎，才信伊的話，唱歌謳咾伊。

13

(THR) In khòai-khòai bōe-kì-tit I ê só͘-chòe; Bô thèng-hāu I ê chí-kàu;

(BCL) 快快記得伊的所做，無聽候伊的指教，

14

(THR) Hóan-tńg tī khòng-iá tōa khí tham-chia̍h; Tī pha-hng ê só͘-chāi chhì Siōng-tè.

(BCL) 反轉佇曠野大起貪食，佇拋荒的所在試上帝。

15

(THR) I chiong in só͘ kiû--ê hō͘--in, Chóng-sī hō͘ in ê sîn-hûn soe-lám.

(BCL) 伊將所求的互，總是互的神魂衰膦。

16

(THR) In koh tī iâⁿ-tiong òan-tò͘ Mô͘-se, Kap Iâ-hô-hoa ê sèng ê A-lûn.

(BCL) 閣佇營中怨妒摩西，及耶和華的聖的亞倫。

17

(THR) Tōe chiū khui, thun Tāi-tan, Iám-ba̍t A-pí-lân ê tóng.

(BCL) 地就開，吞大坍，掩密亞比蘭的黨。

18

(THR) Ū hé tī in ê tóng-tiong hoat-khí, Ū hé-iām sio-bia̍t hiah ê pháiⁿ-lâng.

(BCL) 有火佇的黨中發起；有火焰燒滅許個歹人。

19

(THR) In tī Hô-lia̍t chō gû-á, Phak-pài só͘ chù ê siōng.

(BCL) 佇何烈造牛仔，仆拜所鑄的像。

20

(THR) Án-ni chiong in ê êng-kng, Ōaⁿ chòe chia̍h-chháu ê gû-á siōng.

(BCL) 按呢將的榮光換做食草的牛仔像，

21

(THR) Bōe-kì-tit kiù in ê Siōng-tè, Bat kiâⁿ tōa ê tāi-chì tī Ai-kı̍p--ê;

(BCL) 記得救的上帝，曾行大的代誌佇埃及者，

22

(THR) Kiâⁿ kî-sū tī Hâm ê tōe, Kiâⁿ thang kiaⁿ ê sū tī Âng-hái.

(BCL) 行奇事佇含的地，行通驚的事佇紅海。

23

(THR) Só͘-í I kóng beh bia̍t-bô in, Nā m̄-sī ū I só͘ kéng ê Mô͘-se, tng koat-lia̍t ê sî, khiā I ê bīn-chêng, Bán-hôe I ê siū-khì, kiaⁿ-liáu I bia̍t-bô in.

(BCL) 所以，伊講欲滅無；若呣是有伊所揀的摩西當決裂的時徛伊的面前，挽回伊的受氣，驚了伊滅無。

24

(THR) In koh khòaⁿ-khin hit ê hó ê tōe, M̄-sìn I ê ōe.

(BCL) 閣看輕彼個好的地，呣信伊的話，

25

(THR) Tī in pò͘-pîⁿ-lāi hoat-chhut òan-hūn ê ōe, M̄-thiaⁿ Iâ-hô-hoa ê siaⁿ.

(BCL) 佇布棚內發出怨恨的話，呣聽耶和華的聲。

26

(THR) Só͘-í I tùi in kia̍h-khí chhiú chiù-chōa, Beh hō͘ in sí tī khòng-iá.

(BCL) 所以，伊對抬起手咒誓：欲互死佇曠野，

27

(THR) Hō͘ in ê hō͘-è sí tī lia̍t-kok ê tiong-kan, Sì-sòaⁿ tī ta̍k só͘-chāi.

(BCL) 互的後裔死佇列國的中間，四散佇逐所在。

28

(THR) In koh kap Pa-le̍k-pí-jíⁿ liân-ha̍p, Chia̍h chè-hiàn sí--ê ê mı̍h.

(BCL) 閣及巴力毗珥聯合，食祭獻死者的物。

29

(THR) In án-ni kiâⁿ, jiá I ê siū-khì; Chiū ū un-e̍k liû-hêng tī in tiong-kan.

(BCL) 按呢行，惹伊的受氣，就有瘟疫流行佇中間。

30

(THR) Hit-sî Hui-nî-hap khí--lâi, kiâⁿ hêng-ho̍at; Un-e̍k chiah soah.

(BCL) 彼時，非尼哈起來，行刑罰，瘟疫才息。

31

(THR) Chit-ê chiū kā i sǹg-chòe gī, Sè-sè tāi-tāi, tı̍t kàu éng-óan.

(BCL) 此個就給伊算做義，世世代代，直到永遠。

32

(THR) In tī Bí-lī-pa ê chúi, koh hō͘ Iâ-hô-hoa siū-khì, Sīm-chì Mô͘-se ūi-tio̍h in ê iân-kò͘ iā siū khui-sún;

(BCL) 佇米利巴的水閣互耶和華受氣，甚至摩西為著的緣故也受虧損，

33

(THR) Sī in-ūi in ngó͘-ge̍k I ê sîn, Tì-kàu Mô͘-se kóng-chhut sò-sèng ê ōe.

(BCL) 是因為忤逆伊的神，致到摩西講出躁性的話。

34

(THR) Iâ-hô-hoa hoan-hù in châu-bia̍t hiah ê peh-sìⁿ; In bô thiaⁿ-thàn.

(BCL) 耶和華吩咐剿滅許個百姓，無聽趁，

35

(THR) Hóan-tńg kap gōa-pang lâng hūn-cha̍p, O̍h in ê só͘-chòe;

(BCL) 反轉及外邦人混雜，學的所做，

36

(THR) Ho̍k-sāi in ê ngó͘-siōng, Che sī chiâⁿ-chòe hāi in ê o̍ah-tauh.

(BCL) 服事的偶像，這是成做害的活罩，

37

(THR) Chiong in ê kiáⁿ cha-bó͘-kiáⁿ chè-sū kúi-sîn,

(BCL) 將的子查某子祭祀鬼神，

38

(THR) Lâu bô-chōe ê lâng ê huih, chiū-sī in ê kiáⁿ cha-bó͘-kiáⁿ ê huih, chiong in chè-sū Ka-lâm ê ngó͘-siōng; Hit ê tōe chiū hō͘ huih phah lâ-sâm.

(BCL) 流無罪的人的血，就是的子查某子的血，將祭祀迦南的偶像，彼個地就互血拍垃墋。

39

(THR) Án-ni in hō͘ ka-kī ê só͘-chòe phah lâ-sâm, Tī in ê só͘-kiâⁿ hōan-tio̍h îm-hēng.

(BCL) 按呢，互家己的所做拍垃墋，佇的所行犯著淫行。

40

(THR) Só͘-í Iâ-hô-hoa ê siū-khì tùi I ê peh-sìⁿ hoat-chhut, Iàm-ò͘ⁿ I ê sán-gia̍p.

(BCL) 所以，耶和華的受氣對伊的百姓發出，厭惡伊的產業，

41

(THR) Chiong in kau-tài gōa-pang lâng ê chhiú; Òan-hūn in ê lâng chiū kóan-hat in.

(BCL) 將交代外邦人的手；怨恨的人就管轄。

42

(THR) In ê tùi-te̍k iā ap-chè in, In chiū khut-ho̍k tī tùi-te̍k ê chhiú-ē.

(BCL) 的對敵也壓制，就屈服佇對敵的手下。

43

(THR) I chōe-chōe pái chín-kiù in; Chóng-sī in tī in ê kè-bô͘-tiong pōe-ge̍k I; In-ūi ka-kī ê chōe-ok kàng-chòe pi-chiān.

(BCL) 伊多多擺拯救，總是佇的計謀中悖逆伊；因為家己的罪惡降做卑賤。

44

(THR) Iáu-kú I thiaⁿ-kìⁿ in ai-kiò ê sî, chiū thé-thiap in ê gûi-kip;

(BCL) 猶久伊聽見哀叫的時，就體貼的危急，

45

(THR) Ūi-tio̍h in lâi kì-liām I ê iok, Chiàu I hong-sēng ê chû-ài hôe-sim tńg-ì.

(BCL) 為著來記念伊的約，照伊豐盛的慈愛回心轉意。

46

(THR) I iā hō͘ in tī lóng-chóng lia̍h in ê lâng ê bīn-chêng, Tit-tio̍h lîn-bín.

(BCL) 伊也互佇攏總掠的人的面前得著憐憫。

47

(THR) Iâ-hô-hoa góan ê Siōng-tè ah, kiû Lí chín-kiù góan, Tùi gōa-pang-tiong chū-chı̍p góan; Thang hō͘ góan chiok-siā Lí ê sèng-miâ, Lia̍h Lí ê siū o-ló chòe tāi-ia̍t.

(BCL) 耶和華──阮的上帝啊，求你拯救阮，對外邦中聚集阮，通互阮祝謝你的聖名，掠你的受謳咾做大悅。

48

(THR) Tio̍h o-ló Iâ-hô-hoa, Í-sek-lia̍t ê Siōng-tè, Tùi éng-óan kàu éng-óan. Gōan chèng peh-sìⁿ lóng kóng, A-bēng. Lín tio̍h o-ló Iâ-hô-hoa.

(BCL) 著謳咾耶和華──以色列的上帝，對永遠到永遠。願眾百姓攏講：阿們！恁著謳咾耶和華！

Bible Color Mark

• 台語漢字羅馬本
• 巴克禮全羅