箴言 第 28 章

1

(THR) Bô lâng tui-jip ê sî, pháiⁿ-lâng iā teh cháu; To̍k-to̍k gī-lâng hó-táⁿ chhin-chhiūⁿ sai.

(BCL) 無人追的時歹人也走；獨獨義人好膽親像獅。

2

(THR) In-ūi tōe-hng ū chōe-kòa, jîn-kun chiū chōe-chōe; Ū bêng-lí kap chai-bat ê lâng, kok chiū ōe tn̂g-tn̂g tī-teh.

(BCL) 因為地方有罪過，人君就多多；有明理及知識的人，國就會長長佇。

3

(THR) Chhiah-lâng khi-hū sòng-hiong lâng, Chhin-chhiūⁿ chòe tōa-chúi ê hō͘ sàu-bô ngó͘-kok.

(BCL) 赤人欺負喪鄉人，親像做大水的雨掃無五榖。

4

(THR) Pàng-sak lu̍t-hoat-ê o-ló pháiⁿ-lâng; Chóng-sī chip-siú lu̍t-hoat-ê kap pháiⁿ-lâng saⁿ-chiⁿ.

(BCL) 放拺律法的，謳咾歹人；總是執守律法的，及歹人相爭。

5

(THR) Pháiⁿ-lâng bô bêng-pe̍k kong-gī, Nā-sī chhē-kiû Iâ-hô-hoa-ê bô m̄ bêng-pe̍k.

(BCL) 歹人無明白公義；若是尋求耶和華的，無呣明白。

6

(THR) Sòng-hiong lâi kiâⁿ chèng-tı̍t, Iâⁿ-kè kiâⁿ tāi-chì kōai-phiah ê hó-gia̍h lâng.

(BCL) 喪鄉來行正直，贏過行代誌乖僻的好額人。

7

(THR) Kín-sīn siú lu̍t-hoat ê, sī tì-hūi ê kiáⁿ; Kap tham-chia̍h-ê chòe-phōaⁿ, sī lêng-jio̍k-tio̍h lāu-pē.

(BCL) 謹慎守律法的，是智慧的子；及貪食的做伴，是凌辱著老父。

8

(THR) Pàng tāng-lāi lâi hoat-châi ê, Sī kā hit ê lîn-bín sòng-hiong lâng-ê chek-chū.

(BCL) 放重利來發財的，是給彼個憐憫喪鄉人的積聚。

9

(THR) Hī-khang o̍at-cháu m̄-thiaⁿ lu̍t-hoat ê, Liân i ê kî-tó iā sī khó-ò͘ⁿ.

(BCL) 耳孔越走呣聽律法的，連伊的祈禱也是可惡。

10

(THR) Bê-he̍k chèng-tı̍t lâng kiâⁿ pháiⁿ-lō͘ ê, Beh po̍ah-lo̍h tī ka-kī ê hām-khiⁿ. To̍k-to̍k ôan-chôan ê lâng beh sêng-chiap hó ê gia̍p.

(BCL) 迷惑正直人行歹路的，欲跋落佇家己的陷坑；獨獨完全的人欲承接好的業。

11

(THR) Hó-gia̍h lâng ka-kī khòaⁿ-chòe tì-hūi, To̍k-to̍k chhang-miâ ê sòng-hiong lâng khòaⁿ i thàu-thàu.

(BCL) 好額人家己看做智慧，獨獨聰明的喪鄉人看伊透透。

12

(THR) Gī-lâng tek-chì ū tōa êng-kng; Pháiⁿ-lâng heng-khí, lâng chiū cháu khì bih.

(BCL) 義人得志，有大榮光；歹人興起，人就走去匿。

13

(THR) Jia-iám ka-kī ê chōe-ok ê, bōe heng-thong; To̍k-to̍k jīn-chōe lâi kóe-pìⁿ-ê, beh tit-tio̍h lîn-bín.

(BCL) 遮掩家己的罪惡的，亨通；獨獨認罪來改變的，欲得著憐憫。

14

(THR) Siông-siông chûn kiaⁿ-ùi ê, ū hok-khì; Ngī i ê sim ê lâng beh hām-lo̍h tī i ê chai-ē.

(BCL) 常常存驚畏的，有福氣；硬伊的心的人，欲陷落佇伊的災禍。

15

(THR) Pō-gio̍k ê jîn-kun kóan-hat sòng-hiong ê peh-sìⁿ, Sī chhin-chhiūⁿ hm̄-hm̄-háu ê sai, kap chhē-chia̍h ê hîm.

(BCL) 暴虐的人君管轄喪鄉的百姓，是親像噤噤哮的獅，及尋食的熊。

16

(THR) Bû-ti ê jîn-kun chōe-chōe kiâⁿ pō-gio̍k; Òan-hūn tham-châi-ê beh chia̍h tn̂g hè-siū.

(BCL) 無知的人君多多行暴虐；怨恨貪財的，欲食長歲壽。

17

(THR) Tam-tng thâi-lâng ê chōe ê, Beh cháu-jı̍p chhim-khiⁿ, lâng m̄-thang chó͘-tòng i.

(BCL) 擔當人的罪的，欲走入深坑，人呣通阻擋伊。

18

(THR) Kiâⁿ tāi-chì chèng-tı̍t ê, beh tit-tio̍h chín-kiù; Kiâⁿ tāi-chì oan-khiau ê, beh lı̍p-khek po̍ah-tó.

(BCL) 行代誌正直的，欲得著拯救；行代誌彎曲的，欲立刻跋倒。

19

(THR) Chèng-choh i ê chhân-hn̂g ê, beh ū bí-niû kàu-gia̍h; Kau-pôe bô hē-lo̍h ê lâng, beh ke̍k sòng-hiong.

(BCL) 種作伊的田園的，欲有米糧夠額；交陪無下落的人，欲極喪鄉。

20

(THR) Sìn-sı̍t ê lâng beh tit-tio̍h chōe-chōe hok-khì; Siūⁿ beh kín hoat-châi ê, bōe bián-tit siū hêng-ho̍at.

(BCL) 信實的人欲得著多多福氣；想欲緊發財的，免得受刑罰。

21

(THR) Khòaⁿ chêng-biān ê, sī m̄ hó; In-ūi chı̍t-tè-á piáⁿ lâi hōan-hoat-ê, iā sī m̄-hó.

(BCL) 看情面的是呣好；因為一塊仔餅來犯法的，也是呣好。

22

(THR) Lâng pháiⁿ-ba̍k siūⁿ beh kín hoat-châi ê; Chóng-sī m̄-chai sòng-hiong beh lîm-kàu i.

(BCL) 人歹目想欲緊發財的，總是呣知喪鄉欲臨到伊。

23

(THR) Chek-tok lâng ê, āu-lâi tit-tio̍h lâng hoaⁿ-hí; Khah-chōe hit ê ēng chı̍h thiám-mī lâng ê.

(BCL) 責督人的，後來得著人歡喜，卡多彼個用舌諂媚人的。

24

(THR) Thau-the̍h lāu-pē á lāu-bú ê mı̍h, koh kóng, Che m̄-sī chōe, Chit-hō lâng sī kap chân-hāi ê lâng siâng-lūi.

(BCL) 偷提老父抑老母的物，閣講：這呣是罪，此號人是及殘害的人像類。

25

(THR) Tham-sim ê lâng khí saⁿ-chiⁿ; Nā-sī óa-khò Iâ-hô-hoa ê, beh tit-tio̍h hong-sēng.

(BCL) 貪心的人起相爭；若是倚靠耶和華的，欲得著豐盛。

26

(THR) Óa-khò ka-kī ê sim-su ê, sī gōng ê lâng; Chiàu tì-hūi lâi kiâⁿ ê, beh tit-tio̍h chín-kiù.

(BCL) 倚靠家己的心思的，是戇的人；照智慧來行的，欲得著拯救。

27

(THR) Chín-chè sòng-hiong ê, bô tì-kàu khiàm-kheh; Chóng-sī tìⁿ-chòe bô khòaⁿ-kìⁿ ê, beh chōe-chōe siū chiù-chó͘.

(BCL) 賑濟喪鄉的，無致到欠缺；總是佯做無看見的，欲多多受咒詛。

28

(THR) Pháiⁿ-lâng heng-khí, lâng chiū siám-bih; In nā pāi-bô, gī-lâng chiū ke-thiⁿ chōe-chōe.

(BCL) 歹人興起，人就閃匿；若敗無，義人就加添多多。

Bible Color Mark

• 台語漢字羅馬本
• 巴克禮全羅