箴言 第 2 章

1

(THR) Góa ê kiáⁿ, lí nā sêng-siū góa ê ōe, Chûn góa ê bēng-lēng tī sim-lāi;

(BCL) 我的子，你若承受我的話，存我的命令佇心內，

2

(THR) Hō͘ lí àⁿ hī-khang thiaⁿ tì-hūi, Choan-sim kiû chhang-miâ;

(BCL) 互你俯耳孔聽智慧，專心求聰明，

3

(THR) Kiû tit-tio̍h bêng-lí, Tōa-siaⁿ kiû chhang-miâ;

(BCL) 求得著明理，大聲求聰明，

4

(THR) Nā chhē i chhin-chhiūⁿ chhē gûn, Chhiau-chhē i chhin-chhiūⁿ chhiau-chhē khǹg-ba̍t ê pó-pòe;

(BCL) 若尋伊，親像尋銀，搜尋伊，親像搜尋囥密的寶貝，

5

(THR) Lí chiū bêng-pe̍k kèng-ùi Iâ-hô-hoa ê sū, Chhē-tio̍h bat Siōng-tè ê lí.

(BCL) 你就明白敬畏耶和華的事，尋著識上帝的理。

6

(THR) In-ūi Iâ-hô-hoa siúⁿ-sù tì-hūi, Chai-bat kap chhang-miâ lóng tùi I ê chhùi chhut.

(BCL) 因為，耶和華賞賜智慧；知識及聰明攏對伊的嘴出。

7

(THR) I kā chèng-tı̍t ê lâng chek-chū chin ê tì-hūi, Kā kiâⁿ-chòe toan-chiàⁿ ê lâng chòe tîn-pâi.

(BCL) 伊給正直的人積聚真的智慧，給行做端正的人做盾牌，

8

(THR) Thang pó-siú kong-pêng ê lō͘, Pó-hō͘ sèng-tô͘ ê lō͘.

(BCL) 通保守公平的路，保護聖徒的路。

9

(THR) Lí chiū bêng-pe̍k kong-gī phòaⁿ-tòan, Chèng-tı̍t kap it-chhè ê hó-lō͘.

(BCL) 你就明白公義、判斷、正直及一切的好路。

10

(THR) In-ūi tì-hūi beh jı̍p lí ê sim, Tì-sek chòe lí ê sîn-hûn só͘ hoaⁿ-hí--ê.

(BCL) 因為智慧欲入你的心；智識做你的神魂所歡喜的。

11

(THR) Kè-e̍k beh pó-hō͘ lí, Chhang-miâ beh pó-siú lí.

(BCL) 計劃欲保護你；聰明欲保守你，

12

(THR) Beh hō͘ lí siám-pī pháiⁿ-lō͘, Thoat-lī kóng hêng-ge̍k ê lâng.

(BCL) 欲互你閃避歹路，脫離講橫逆的人。

13

(THR) Hit-hō lâng pàng-sak chèng-tı̍t ê lō͘, Kiâⁿ o͘-àm ê lō͘.

(BCL) 彼號人放拺正直的路，行黑暗的路，

14

(THR) In hoaⁿ-hí chòe-pháiⁿ, Ì-ài pháiⁿ-lâng ê hêng-ge̍k.

(BCL) 歡喜做歹，意愛歹人的橫逆，

15

(THR) In ê lō͘ oan-khiau, In ê só͘-kiâⁿ hêng-ge̍k.

(BCL) 的路彎曲，的所行橫逆。

16

(THR) Beh hō͘ lí siám-pī îm-hū, Chiū-sī kóng thiám-mī ōe ê kī-lú.

(BCL) 欲互你閃避淫婦，就是講諂媚話的妓女。

17

(THR) I khì-sak siàu-liân ê sî ê phit-phòe, Bōe kì-tit i ê Siōng-tè ê iok.

(BCL) 伊棄拺少年的時的匹配，記得伊的上帝的約。

18

(THR) In-ūi i ê chhù ǹg tī sí-bô, I ê lō͘ thàu im-hú.

(BCL) 因為伊的厝向佇死無；伊的路透陰府。

19

(THR) Kìⁿ-nā kàu i hia--ê, bô chı̍t-ê tò-tńg, Iā bōe-ōe jı̍p o̍ah-miā ê lō͘.

(BCL) 見若到伊遐者，無一個倒轉，亦會入活命的路。

20

(THR) Tì-hūi beh hō͘ lí kiâⁿ hó-lâng ê lō͘, Siú gī-lâng ê lō͘.

(BCL) 智慧欲互你行好人的路，守義人的路。

21

(THR) In-ūi chèng-tı̍t ê lâng beh khiā-khí tōe-bīn, Ôan-chôan ê lâng iā beh lâu tī-hia.

(BCL) 因為正直的人欲徛起地面；完全的人亦欲留佇遐。

22

(THR) To̍k-to̍k pháiⁿ-lâng beh tùi tōe-bīn chián-tû, kan-chà ê lâng beh tùi hia pu̍ih-chhut.

(BCL) 獨獨歹人欲對地面剪除；奸詐的人，欲對遐拔出。

Bible Color Mark

• 台語漢字羅馬本
• 巴克禮全羅