約翰福音 第 17 章

1

(THR) Iâ-so͘ kóng chiah-ê, chiū kia̍h ba̍k ǹg thiⁿ, kóng, Pē ah, sî kàu lah; gōan lí êng-kng lí ê Kiáⁿ, thang hō͘ Kiáⁿ êng-kng lí;

(BCL) 耶穌講諸個，就抬目向天，講：「父啊，時到啦，願你榮光你的子，通互子榮光你；

2

(THR) . chhin-chhiūⁿ lí bat hō͘ Kiáⁿ ū kôan tī-lí kìⁿ ū jio̍k-thé ê, beh hō͘ I chiong éng-o̍ah siúⁿ-sù kìⁿ-nā lí só͘ hō͘ I ê lâng.

(BCL) 親像你曾互子有權治理見有肉體的，欲互伊將永活賞賜見若你所互伊的人。

3

(THR) . Chit ê éng-o̍ah, chiū-sī bat lí to̍k-it chin ê Siōng-tè, kap lí só͘ chhe ê Iâ-so͘ Ki-tok.

(BCL) 此個永活，就是識你──獨一真的上帝，及你所差的耶穌基督。

4

(THR) . Góa í-keng êng-kng lí tī tōe-chiūⁿ; chiū-sī lí só͘ kau-tāi góa kiâⁿ ê kang, góa í-keng chiâⁿ i.

(BCL) 我已經榮光你佇地上，就是你所交代我行的工，我已經成伊。

5

(THR) . Pē ah, taⁿ tio̍h hō͘ góa kap lí saⁿ-kap ū êng-kng, chiū-sī bē ū sè-kan í-chêng góa kap lí saⁿ-kap ū ê êng-kng.

(BCL) 父啊，今著互我及你相及有榮光，就是未有世間以前，我及你相及有的榮光。

6

(THR) . Lí só͘ siúⁿ-sù góa chhut tī sè-kan ê lâng, góa í-keng ēng lí ê miâ tùi in hián-bêng; in pún sī lí ê, lí ēng in siúⁿ-sù góa; in ia̍h í-keng siú lí ê tō-lí.

(BCL) 「你所賞賜我出佇世間的人，我已經用你的名對顯明。本是你的，你用賞賜我，亦已經守你的道理。

7

(THR) . Taⁿ in chai kìⁿ-nā lí só͘ hō͘ góa ê, lóng sī tùi lí lâi;

(BCL) 今知，見若你所互我的，攏是對你來；

8

(THR) . in-ūi lí só͘ hō͘ góa ê ōe, góa í-keng hō͘ in; in sêng-siū i, ia̍h khak-sı̍t chai góa tùi lí chhut, koh sìn lí chhe góa.

(BCL) 因為你所互我的話，我已經互，承受伊，亦確實知，我對你出，閣信你差我。

9

(THR) . Góa ūi-tio̍h in kiû; m̄ sī ūi-tio̍h sè-kan kiû, chiū-sī ūi-tio̍h lí só͘ hō͘ góa ê lâng; in-ūi in sī lí ê.

(BCL) 我為著求，呣是為著世間求，就是為著你所互我的人，因為是你的。

10

(THR) . Kìⁿ-nā góa ê, chiū-sī lí ê; lí ê, chiū-sī góa ê; koh góa tī in ū tit-tio̍h êng-kng.

(BCL) 見若我的，就是你的；你的就是我的，閣我佇有得著榮光。

11

(THR) . Taⁿ liáu-āu góa bô tī sè-kan; in tī sè-kan, góa kui tī lí. Sèng ê Pē ah, gōan lí tī lí ê miâ, chiū-sī lí só͘ hō͘ góa ê, lâi pó-siú in, hō͘ in chòe chı̍t-ê, chhin-chhiūⁿ lán chı̍t iūⁿ.

(BCL) 今了後，我無佇世間，佇世間；我歸佇你。聖的父啊，願你佇你的名就是你所互我的來保守，互做一個親像咱一樣。

12

(THR) . Góa kap in tī-teh ê sî, bat tī lí ê miâ, chiū-sī lí só͘ hō͘ góa ê, lâi pó-siú in; góa ia̍h ū chiàu-kò͘ in, kî-tiong bô chı̍t-ê tîm-lûn; chí ū hit ê tîm-lûn ê lâng nā-tiāⁿ, hō͘ sèng-keng tit-tio̍h èng-giām.

(BCL) 我及佇的時，曾佇你的名，就是你所互我的來保守，我亦有照顧；其中無一個沈淪，只有彼個沈淪的人若定，互聖經得著應驗。

13

(THR) . Taⁿ góa chiū-kūn lí; góa iáu tiàm sè-kan kóng chiah ê ōe, beh hō͘ in ū góa ê hoaⁿ-hí móa-móa tī in ê sim-lāi.

(BCL) 今我就近你，我猶世間講諸個話，欲互有我的歡喜滿滿佇的心內。

14

(THR) . Góa í-keng chiong lí ê tō-lí hō͘ in; sè-kan òan-hūn in, in-ūi in bô sio̍k sè-kan, chhin-chhiūⁿ góa bô sio̍k sè-kan.

(BCL) 我已經將你的道理互。世間怨恨；因為無屬世間，親像我無屬世間。

15

(THR) . Góa m̄ sī kiû lí hō͘ in chhut sè-kan, chiū-sī pó-siú in thoat-lī pháiⁿ-ê.

(BCL) 我呣是求你互出世間，就是保守脫離歹的。

16

(THR) . In bô sio̍k sè-kan, chhin-chhiūⁿ góa bô sio̍k sè-kan.

(BCL) 無屬世間，親像我無屬世間。

17

(THR) . Gōan lí ēng chin-lí hō͘ in chiâⁿ-sèng; lí ê tō-lí chiū-sī chin-lí.

(BCL) 願你用真理互成聖；你的道理就是真理。

18

(THR) . Chhin-chhiūⁿ lí chhe góa jı̍p sè-kan, góa ia̍h ū chhe in jı̍p sè-kan.

(BCL) 親像你差我入世間，我亦有差入世間。

19

(THR) . Góa ūi-tio̍h in lâi chòe sèng, hō͘ in ia̍h tùi chin-lí lâi chiâⁿ-sèng.

(BCL) 我為著來做聖，互亦對真理來成聖。

20

(THR) . Góa m̄ nā ūi-tio̍h chiah ê lâng kiû, ia̍h ūi-tio̍h tùi in ê ōe lâi sìn góa ê lâng kiû;

(BCL) 「我呣若為著諸個人求，亦為著對的話來信我的人求，

21

(THR) . hō͘ in lóng chòe chı̍t-ê; chhin-chhiūⁿ Pē, lí tiàm-tī góa, góa tiàm-tī lí, hō͘ in ia̍h án-ni tiàm-tī lán; chiū hō͘ sè-kan sìn lí chhe góa.

(BCL) 互攏做一個。親像父，你佇我，我佇你，互亦按呢佇咱，就互世間信你差我。

22

(THR) . Lí só͘ hō͘ góa ê êng-kng, góa í-keng hō͘ in; hō͘ in chòe chı̍t-ê, chhin-chhiūⁿ lán ê chòe chı̍t-ê;

(BCL) 你所互我的榮光，我已經互，互做一個，親像咱的做一個。

23

(THR) . góa tiàm-tī in, lí tiàm-tī góa, hō͘ in ōe ôan-chôan lâi chòe chı̍t-ê; hō͘ sè-kan chai lí chhe góa, ia̍h chai lí thiàⁿ in chhin-chhiūⁿ thiàⁿ góa chı̍t iūⁿ.

(BCL) 我踮佇，你踮佇我，互會完全來做一個，互世間知你差我，亦知你疼親像疼我一樣。

24

(THR) . Pē ah, lí só͘ hō͘ góa ê, góa ài in tī góa só͘ tī-teh ê só͘-chāi, ia̍h kap góa saⁿ-kap tī hia; hō͘ in khòaⁿ-kìⁿ lí só͘ siúⁿ-sù góa ê êng-kng; in-ūi chhòng-chō sè-kan í-chêng lí í-keng thiàⁿ góa.

(BCL) 父啊，你所互我的，我愛佇我所佇的所在，亦及我相及佇遐，互看見你所賞賜我的榮光；因為創造世間以前，你已經疼我。

25

(THR) . Gī ê Pē ah, sè-kan bē bat lí; to̍k-to̍k góa ū bat lí; chiah ê lâng ia̍h bat lí ū chhe góa;

(BCL) 義的父啊，世間未識你，獨獨我有識你；諸個人亦識你有差我。

26

(THR) . góa bat ēng lí ê miâ chí-sī in, koh beh chí-sī in; hō͘ lí thiàⁿ góa ê thiàⁿ-thàng tiàm-tī in, góa ia̍h tiàm-tī in.

(BCL) 我曾用你的名指示，閣欲指示，互你疼我的疼痛佇，我亦佇。」

Bible Color Mark

• 台語漢字羅馬本
• 巴克禮全羅