約翰福音 第 16 章

1

(THR) Chiah ê sū góa í-keng kā lín kóng, hō͘ lín bián-tì tio̍h-tak.

(BCL) 「諸個事我已經給恁講，互恁免致著觸。

2

(THR) . Lâng beh kek lín chhut hōe-tn̂g; koh sî kàu, hōan-nā thâi lín ê lâng, ia̍h beh lia̍h che chòe ho̍k-sāi Siōng-tè.

(BCL) 人欲革恁出會堂，閣時到，凡若恁的人亦欲掠這做服事上帝。

3

(THR) . In beh kiâⁿ án-ni, in-ūi m̄ bat Pē kap góa.

(BCL) 欲行按呢，因為呣識父及我。

4

(THR) . To̍k-to̍k góa ū kā lín kóng chiah-ê, sī hō͘ lín kàu sî thang kì-tit góa bat kā lín kóng. Góa tùi khí-thâu bô kā lín kóng chiah-ê, sī in-ūi góa kap lín tī-teh.

(BCL) 獨獨我有給恁講諸個，是互恁到時通記得我曾給恁講。」「我對起頭無給恁講諸個，是因為我及恁佇。

5

(THR) . Taⁿ góa khì kui tī chhe góa ê; lín tiong-kan bô lâng mn̄g góa, kóng, Lí beh tá-lo̍h khì?

(BCL) 今我去歸佇差我的，恁中間無人問我，講：『你欲叨落去？』

6

(THR) . Kan-ta ūi-tio̍h góa ū kā lín kóng chiah-ê, lín í-keng móa-sim iu-būn lah.

(BCL) 干單為著我有給恁講諸個，恁已經滿心憂悶啦。

7

(THR) . Nā-sī góa chiong sı̍t-chêng kā lín kóng; Góa khì, sī chòe lín ê lī-ek; góa bô khì, Pó-hūi-su bô lâi chiū-kūn lín; nā khì, chiū beh chhe I chiū-kūn lín.

(BCL) 若是我將實情給恁講，我去，是做恁的利益；我無去，保惠師無來就近恁；若去，就欲差伊就近恁。

8

(THR) . I kàu, tek-khak ēng chōe, ēng gī, ēng sím-phòaⁿ, lâi chí-chèng sè-kan;

(BCL) 伊到，的確用罪、用義、用審判，來指正世間。

9

(THR) . ēng chōe, in-ūi in m̄ sìn-khò góa;

(BCL) 用罪，因為呣信靠我；

10

(THR) . ēng gī, in-ūi góa kui tī Pē, lín bô koh khòaⁿ-kìⁿ góa;

(BCL) 用義，因為我歸佇父，恁無閣看見我；

11

(THR) . ēng sím-phòaⁿ, in-ūi chit sè-kan ê jîn-kun í-keng siū sím-phòaⁿ.

(BCL) 用審判，因為此世間的人君已經受審判。

12

(THR) . Góa iáu ū chōe-chōe hāng beh kā lín kóng, to̍k-to̍k lín hiān-kim tng bōe khí.

(BCL) 「我猶有多多項欲給恁講，獨獨恁現今當起。

13

(THR) . Kàu chin-lí ê Sîn lâi, I beh chhōa lín jı̍p tī it-chhè ê chin-lí; in-ūi I m̄ sī beh pîn ka-kī lâi kóng; sī chiong I só͘ beh thiaⁿ-kìⁿ ê lâi kóng; koh beh ēng teh-beh lâi ê sū pò lín.

(BCL) 到真理的神來，伊欲導恁入佇一切的真理；因為伊呣是欲憑家己來講，是將伊所欲聽見的來講，閣欲用欲來的事報恁。

14

(THR) . I beh êng-kng góa; in-ūi I beh tùi góa só͘ ū ê niá-siū; lâi pò lín.

(BCL) 伊欲榮光我，因為伊欲對我所有的領受來報恁。

15

(THR) . Hōan-nā Pē só͘ ū ê lóng sī góa ê; só͘-í góa kóng, I beh tùi góa só͘ ū ê niá-siū, lâi pò lín.

(BCL) 凡若父所有的，攏是我的；所以我講，伊欲對我所有的領受來報恁。」

16

(THR) . Tiap-á kú lín bô khòaⁿ-kìⁿ góa; koh tiap-á kú, lín chiū beh khòaⁿ-kìⁿ góa.

(BCL) 「霎仔久，恁無看見我；閣霎仔久，恁就欲看見我。」

17

(THR) . Tùi án-ni I ê ha̍k-seng, ū-ê saⁿ-kap kóng, I tùi lán kóng, Tiap-á kú lín bô khòaⁿ-kìⁿ góa; koh tiap-á kú lín beh khòaⁿ-kìⁿ góa; koh kóng, In-ūi góa kui tī Pē, che sím-mı̍h ì-sù?

(BCL) 對按呢伊的學生有的相及講：「伊對咱講：『霎仔久，恁無看見我；閣霎仔久，恁欲看見我』；閣講：『因為我歸佇父。』這甚麼意思？」

18

(THR) . Só͘-í in kóng, I só͘ kóng ê tiap-á kú, sī sím-mı̍h ì-sù? Lán m̄ chai I teh kóng sím-mı̍h.

(BCL) 所以講：「伊所講的『霎仔久』是甚麼意思？咱呣知伊講甚麼。」

19

(THR) . Iâ-so͘ chai in ài mn̄g I, chiū kā in kóng, Góa kóng, Tiap-á kú lín bô khòaⁿ-kìⁿ góa, koh tiap-á kú lín beh khòaⁿ-kìⁿ góa, lín in-ūi chit-ê mn̄g-lâi mn̄g-khì mah?

(BCL) 耶穌知愛問伊，就給講：「我講『霎仔久，恁無看見我；閣霎仔久，恁欲看見我』，恁因為此個問來問去嗎？

20

(THR) . Góa sı̍t-sı̍t kā lín kóng, Lín beh thî-khàu ai-siong, sè-kan beh hoaⁿ-hí; lín beh iu-būn, nā-sī lín ê iu-būn beh pìⁿ-chòe hoaⁿ-hí.

(BCL) 我實實給恁講，恁欲啼哭、哀傷，世間欲歡喜；恁欲憂悶，若是恁的憂悶欲變做歡喜。

21

(THR) . Hū-jîn-lâng beh siⁿ kiáⁿ chiū iu-būn, in-ūi i ê sî kàu lah; eⁿ-á í-keng chhut-sì, bô koh kì-tit i ê khó͘-thàng, in-ūi hoaⁿ-hí ū lâng chhut-sì tī sè-kan.

(BCL) 婦仁人欲生子就憂悶，因為伊的時到啦；嬰仔已經出世，無閣記得伊的苦痛，因為歡喜有人出世佇世間。

22

(THR) . Chhin-chhiūⁿ án-ni, lín hiān-kim ia̍h ū iu-būn; chóng-sī góa beh koh kìⁿ-tio̍h lín, chiū lín ê sim beh hoaⁿ-hí, koh lín ê hoaⁿ-hí bô lâng kā lín chhiúⁿ-khì.

(BCL) 親像按呢，恁現今亦有憂悶，總是我欲閣見著恁，就恁的心欲歡喜；閣恁的歡喜無人給恁搶去。

23

(THR) . Tng hit jı̍t lín bô beh mn̄g góa sím-mı̍h. Góa sı̍t-sı̍t kā lín kóng, Lín kìⁿ-nā tùi Pē kiû ê, I chiū tī góa ê miâ beh hō͘ lín.

(BCL) 當彼日，恁無欲問我甚麼。我實實給恁講，恁見若對父求的，伊就佇我的名欲互恁。

24

(THR) . Lín kàu taⁿ bē bat tī góa ê miâ kiû sím-mı̍h; lín tio̍h kiû chiū ōe tit-tio̍h, hō͘ lín ê hoaⁿ-hí móa-móa.

(BCL) 恁到今未曾佇我的名求甚麼，恁著求，就會得著，互恁的歡喜滿滿。」

25

(THR) . Chiah ê sū góa ū ēng phì-jū kā lín kóng; sî kàu, góa bô beh koh ēng phì-jū kā lín kóng, chiū-sī ēng Pē bêng-bêng chí-sī lín.

(BCL) 「諸個事，我有用譬喻給恁講；時到，我無欲閣用譬喻給恁講，就是用父明明指示恁。

26

(THR) . Tng hit sî lín beh tī góa ê miâ kiû; góa bô kā lín kóng, Góa beh ūi-tio̍h lín kiû Pē;

(BCL) 當彼時，恁欲佇我的名求；我無給恁講，我欲為著恁求父。

27

(THR) . in-ūi Pē ka-kī thiàⁿ lín, sī ūi-tio̍h lín ū thiàⁿ góa, koh sìn góa tùi Pē chhut-lâi.

(BCL) 因為父家己疼恁；是為著恁有疼我，閣信我對父出來。

28

(THR) . Góa tùi Pē chhut-lâi, ia̍h jı̍p sè-kan; koh lī-khui sè-kan lâi kui tī Pē.

(BCL) 我對父出來，亦入世間；閣離開世間，來歸佇父。」

29

(THR) . I ê ha̍k-seng kóng, Taⁿ lí bêng-bêng kóng, m̄ sī ēng phì-jū.

(BCL) 伊的學生講：「今你明明講，呣是用譬喻。

30

(THR) . Taⁿ góan chai lí bô só͘ m̄ chai, m̄-bián lâng mn̄g lí; góan in-ūi án-ni sìn lí tùi Siōng-tè chhut.

(BCL) 今阮知你無所呣知，呣免人問你，阮因為按呢信你對上帝出。」

31

(THR) . Iâ-so͘ ìn kóng, Taⁿ lín sìn mah?

(BCL) 耶穌應講：「今恁信嗎？

32

(THR) . Sî beh kàu, ia̍h í-keng kàu lah, lín chiah-ê sì-sòaⁿ, ta̍k lâng kui i pún-sin ê só͘-chāi, lâu góa ka-kī tī-teh; chóng-sī góa m̄ sī ka-kī tī-teh, in-ūi Pē kap góa tī-teh.

(BCL) 時欲到，亦已經到啦，恁諸個四散，逐人歸伊本身的所在，留我家己佇；總是我呣是家己佇，因為父及我佇。

33

(THR) . Góa í-keng chiong chiah-ê kā lín kóng, hō͘ lín tiàm-tī góa ū pêng-an. Tī sè-kan lín ū khó͘-lān; to̍k-to̍k lín thang pàng-sim; góa í-keng khah-iâⁿ sè-kan.

(BCL) 我已經將諸個給恁講，互恁佇我有平安。佇世間，恁有苦難；獨獨恁通放心，我已經卡贏世間。」

Bible Color Mark

• 台語漢字羅馬本
• 巴克禮全羅