以賽亞書 第 56 章

1

(THR) Iâ-hô-hoa án-ni kóng, Lín tio̍h siú kong-pêng, kiâⁿ kong-gī; in-ūi Góa ê kiù-un í-keng kūn, Góa ê kong-gī beh hián-bêng.

(BCL) 耶和華按呢講：恁著守公平，行公義；因為我的救恩已經近，我的公義欲顯明。

2

(THR) Lâng án-ni kiâⁿ, sè-kan lâng án-ni chhî-siú i, siú an-hioh-jı̍t bô kan-hōan-tio̍h, kìm-chí ka-kī ê chhiú bô chòe pháiⁿ; hit-hō lâng ū hok-khì.

(BCL) 人按呢行、世間人按呢持守伊，守安息日無干犯著；禁止家己的手無做歹；彼號人有福氣。

3

(THR) Kap Iâ-hô-hoa liân-ha̍p ê gōa-pang lâng bo̍h-tit kóng, Iâ-hô-hoa tek-khak chiong góa kap I ê peh-sìⁿ pun-lī; thài-kàm ia̍h bo̍h-tit kóng, Khòaⁿ ah, góa sī ko͘-tâ ê chhiū.

(BCL) 及耶和華聯合的外邦人莫得講：耶和華的確將我及伊的百姓分離。太監亦莫得講：看啊，我是枯焦的樹。

4

(THR) In-ūi lūn-kàu kìⁿ-nā siú Góa chiah ê an-hioh-jı̍t, kéng Góa só͘ hoaⁿ-hí ê sū, kap chhî-siú Góa ê iok ê thài-kàm, Iâ-hô-hoa án-ni kóng,

(BCL) 因為論到見若守我諸個安息日，揀我所歡喜的事，及持守我的約的太監，耶和華按呢講：

5

(THR) Chiah ê lâng, Góa beh hō͘ in tī Góa ê chhù, tī Góa ê chhiûⁿ-ûi-lāi, ū kì-hō ū miâ-jī, pí ū kiáⁿ cha-bó͘-kiáⁿ khah-hó; Góa beh hō͘ i éng-óan ê miâ bōe-ōe chián-tû.

(BCL) 諸個人我欲互佇我的厝，佇我的牆圍內，有記號有名字，比有子查某子卡好。我欲互伊永遠的名，會剪除。

6

(THR) Iáu-ū hiah-ê kap Iâ-hô-hoa liân-ha̍p ê gōa-pang lâng, beh ho̍k-sāi I, beh thiàⁿ Iâ-hô-hoa ê miâ, beh chòe I ê lô͘-po̍k, kìⁿ-nā siú an-hioh-jı̍t bô kan-hōan, koh chhî-siú Góa ê iok ê lâng;

(BCL) 猶有許個及耶和華聯合的外邦人，欲服事伊，欲疼耶和華的名，欲做伊的奴僕──見若守安息日無干犯，閣持守我的約的人。

7

(THR) Góa beh chhōa in kàu Góa ê sèng-soaⁿ, hō͘ in tī kî-tó Góa ê chhù lâi hoaⁿ-hí; in ê sio-chè kap lé-mı̍h, tī Góa ê tôaⁿ-téng, tek-khak tit-tio̍h chiap-la̍p; in-ūi Góa ê chhù beh chheng-chòe bān peh-sìⁿ kî-tó ê chhù.

(BCL) 我欲導到我的聖山，互佇祈禱我的厝來歡喜。的燒祭及禮物，佇我的壇頂的確得著接納，因為我的厝欲稱做萬百姓祈禱的厝。

8

(THR) Chú Iâ-hô-hoa, chiū-sī chio-chı̍p Í-sek-lia̍t siū kóaⁿ-sòaⁿ--ê, kóng, Hiah-ê siū chio-chı̍p ê lâng í-gōa, Góa iáu beh chio-chı̍p pa̍t-lâng lâi kui-óa i.

(BCL) 主耶和華，就是招集以色列受趕散者，講：許個受招集的人以外，我猶欲招集別人來歸倚伊。

9

(THR) Soaⁿ-iá chiah ê siù lóng tio̍h lâi thun-chia̍h, chhiū-nâ-lāi chiah ê siù, ia̍h tio̍h án-ni.

(BCL) 山野諸個獸攏著來吞食！樹林內諸個獸亦著按呢。

10

(THR) I ê siú-bāng--ê sī chhiⁿ-mî, lóng bô tì-sek, lóng sī é-káu, bōe pūi ê káu, to̍k-to̍k bîn-bāng, tó-teh, ài khùn.

(BCL) 伊的守望者是睛暝，攏無智識，攏是啞口，吠的狗；獨獨眠夢，倒，愛睏。

11

(THR) Chiah ê káu tham-chia̍h, m̄-chai pá; chiah ê bo̍k-chiá bōe-ōe bêng-pe̍k, ta̍k-lâng kiâⁿ ka-kī ê phian-lō͘, ta̍k-ê tùi kok hong-biān kiû ka-kī ê lī-ek.

(BCL) 諸個狗貪食，呣知飽。諸個牧者會明白──逐人行家己的偏路，逐個對各方面求家己的利益。

12

(THR) In kóng, Lâi lah, góa khì phâng-chiú, lán lim kāu-chiú kàu-pá; bîn-á-jı̍t beh chhin-chhiūⁿ kin-á-jı̍t, ke̍k-tōa bô-pí.

(BCL) 講：來啦！我去捧酒，咱飲厚酒到飽；明仔日欲親像今仔日，極大無比。

Bible Color Mark

• 台語漢字羅馬本
• 巴克禮全羅