以西結書 第 25 章

1

(THR) Iâ-hô-hoa ê ōe lîm-kàu góa kóng,

(BCL) 耶和華的話臨到我講：

2

(THR) Jîn-chú ah, lí tio̍h bīn ǹg A-bûn cho̍k, soan-thôan kong-kek in, kóng, Lín tio̍h thiaⁿ Chú Iâ-hô-hoa ê ōe;

(BCL) 「人子啊，你著面向亞捫族宣傳，攻擊，

3

(THR) Chú Iâ-hô-hoa án-ni kóng, Góa ê sèng-só͘ siū phah lâ-sâm, Í-sek-lia̍t tōe tú-tio̍h pha-hng, Iû-tāi-ke hō͘ lâng lia̍h; hit-sî lí in-ūi chiah ê sū, ēng ōe kong-kek in kóng, Hō͘--chāi!

(BCL) 講：恁著聽主耶和華的話。主耶和華按呢講：我的聖所受拍垃墋，以色列地抵著拋荒，猶大家互人掠；彼時，你因為諸個事用話攻擊講：『呼哉！』。

4

(THR) Khòaⁿ ah, só͘-í Góa beh chiong lí kau hō͘ tang-hng ê lâng chòe-gia̍p; in beh tī lí ê só͘-chāi chat-iâⁿ khiā-khí, chia̍h lí ê ké-chí, lim lí ê leng.

(BCL) 看啊，所以我欲將你交互東方的人做業；欲佇你的所在紮營徛起，食你的果子，飲你的奶。

5

(THR) Góa beh hō͘ La̍h-pa chòe lo̍k-tô ê tiâu, hō͘ A-bûn cho̍k ê tōe chòe iûⁿ-kûn tó ê só͘-chāi; lín chiū chai Góa sī Iâ-hô-hoa.

(BCL) 我欲互拉巴做駱駝的　，互亞捫族的地做羊群倒的所在，恁就知我是耶和華。」

6

(THR) Chú Iâ-hô-hoa án-ni kóng, In-ūi lí tah-chhiú tǹg-kha, móa-sim biáu-sī, ǹg Í-sek-lia̍t tōe hoaⁿ-hí;

(BCL) 主耶和華按呢講：「因為你搭手頓腳，滿心藐視，向以色列地歡喜，

7

(THR) khòaⁿ ah, só͘-í Góa chhun Góa ê chhiú kong-kek lí, chiong lí kau hō͘ lia̍t-kok chhiúⁿ--khì; Góa beh tùi lia̍t-pang-tiong chián-tû lí, hō͘ lí tī bān-kok-tiong pāi-bô; Góa beh tû-bia̍t lí; lí chiū chai Góa sī Iâ-hô-hoa.

(BCL) 看啊，所以我伸我的手攻擊你，將你交互列國搶去。我欲對列邦中剪除你，互你佇萬國中敗無。我欲除滅你，你就知我是耶和華。」

8

(THR) Chú Iâ-hô-hoa án-ni kóng, In-ūi Mô͘-ap kap Se-jíⁿ ū teh kóng, Khòaⁿ ah, Iû-tāi-ke kap chèng-kok bô koh-iūⁿ;

(BCL) 主耶和華按呢講：「因為摩押及西珥有講：『看啊，猶大家及眾國無各樣』，

9

(THR) khòaⁿ ah, in-ūi án-ni, Góa beh khui Mô͘-ap ê pian-kài tùi chiah ê siâⁿ, tùi i pian-kài chiah ê siâⁿ, chòe i pún-kok ê êng-kng--ê, chiū-sī Pek-iâ-se-bo̍at, Pa-le̍k-bián, Ki-lia̍t-têng,

(BCL) 看啊，因為按呢我欲開摩押的邊界對諸個城，對伊邊界諸個城做伊本國的榮光的，就是伯耶西末、巴力免、基列亭，

10

(THR) hō͘ i kap A-bûn cho̍k lóng kau tī tang-hng ê peh-sìⁿ chòe-gia̍p, hō͘ A-bûn cho̍k bô koh siū kì-liām tī lia̍t-pang-tiong.

(BCL) 互伊及亞捫族攏交佇東方的百姓做業，互亞門族無閣受記念佇列邦中。

11

(THR) Góa iā beh sím-phòaⁿ Mô͘-ap; in chiū chai Góa sī Iâ-hô-hoa.

(BCL) 我也欲審判摩押，就知我是耶和華。」

12

(THR) Chú Iâ-hô-hoa án-ni kóng, In-ūi Í-tong ê só͘-kiâⁿ, chiū-sī kong-kek Iû-tāi-ke lâi pò-siû, tùi in ê pò-siû lâi hōan tāng-chōe;

(BCL) 主耶和華按呢講：「因為以東的所行，就是攻擊猶大家來報讎，對的報讎，來犯重罪，

13

(THR) só͘-í Chú Iâ-hô-hoa án-ni kóng, Góa beh chhun Góa ê chhiú kong-kek Í-tong, chián-tû in hia ê lâng kap cheng-siⁿ; hō͘ i pha-hng tùi Thê-bān; kàu Tí-tàn lâng lóng sí tī to-ē.

(BCL) 所以主耶和華按呢講：我欲伸我的手攻擊以東，剪除遐的人及精牲，互伊拋荒對提幔，到底但，人攏死佇刀下。

14

(THR) Koh Góa beh ēng Góa ê peh-sìⁿ Í-sek-lia̍t ê chhiú, lâi pò Góa ê kiû-siû tī Í-tong; in beh chiàu Góa ê siū-khì, chiàu Góa ê tōa siū-khì, lâi kiâⁿ tī Í-tong; chiū in beh chai Góa ê pò-siû; che sī Chú Iâ-hô-hoa kóng--ê.

(BCL) 閣我欲用我的百姓以色列的手來報我的仇讎佇以東；欲照我的受氣，照我的大受氣來行佇以東，就欲知我的報讎。這是主耶和華講的。」

15

(THR) Chú Iâ-hô-hoa án-ni kóng, In-ūi Hui-lī-sū lâng kiâⁿ pò-siû, chûn-sim biáu-sī lâi pò-siû, kiat sí-òan beh châu-bia̍t--in;

(BCL) 主耶和華按呢講：「因為非利士人行報讎，存心藐視來報讎，結死怨，欲剿滅，

16

(THR) só͘-í Chú Iâ-hô-hoa án-ni kóng, Khòaⁿ ah, Góa beh chhun Góa ê chhiú kong-kek Hui-lī-sū lâng; Góa beh chián-tû Ki-thê lâng, bia̍t-bô iân-hái só͘ chhun ê peh-sìⁿ.

(BCL) 所以主耶和華按呢講：看啊，我欲伸我的手攻擊非利士人，我欲剪除基提人，滅無沿海所剩的百姓。

17

(THR) Góa beh ēng tōa siū-khì ê chek-ho̍at, tùi in kiâⁿ tōa ê pò-siû; Góa tùi in pò-siû ê sî, in chiū chai Góa sī Iâ-hô-hoa.

(BCL) 我欲用大受氣的責罰，對行大的報讎。我對報讎的時，就知我是耶和華。」

Bible Color Mark

• 台語漢字羅馬本
• 巴克禮全羅