申命記 第 19 章

1

(THR) Iâ-hô-hoa lí ê Siōng-tè chiong-lâi chián-tû hiah ê kok, chiū-sī Iâ-hô-hoa lí ê Siōng-tè ēng in ê tōe siúⁿ-sù lí ê, lí sêng-chiap in, lâi khiā-khí in ê siâⁿ, kap in ê chhù;

(BCL) 「耶和華──你的上帝將來剪除許個國，就是耶和華──你的上帝用的地賞賜你的，你承接來徛起的城及的厝，

2

(THR) hit-sî lí chiū tio̍h tī Iâ-hô-hoa lí Siōng-tè siúⁿ-sù lí chòe-gia̍p ê tōe, kā i hun-piat saⁿ ê siâⁿ.

(BCL) 彼時你就著佇耶和華──你上帝賞賜你做業的地給伊分別三個城。

3

(THR) Tio̍h chiong Iâ-hô-hoa lí Siōng-tè só͘ siúⁿ-sù lí sêng-chiap kài-lāi ê tōe, hun-chòe saⁿ-khu, koh kā i khui lō͘, hō͘ hiah ê thâi-lâng-ê lóng thang cháu-khì hia.

(BCL) 著將耶和華──你上帝所賞賜你承接界內的地分做三區；閣給伊開路，互許個人的，攏通走去遐。

4

(THR) Thâi-sí-lâng-ê cháu-khì hia, chiū thang tit-tio̍h o̍ah, hit ê lē chiū-sī án-ni; kìⁿ-nā pêng-sò͘ bô kiat-òan chhò-gō͘ lâi thâi-sí i ê chhù-piⁿ;

(BCL) 「死人的走去遐就通得著活，彼個例就是按呢：見若平素無結怨，錯誤來死伊的厝邊，

5

(THR) chiū-sī chhin-chhiūⁿ lâng kap i ê chhù-piⁿ khì chhiū-nâ, beh chhò chhiū-ba̍k, chhiú kia̍h pó͘-thâu chı̍t-ē chhò, beh chhò hit ê chhiū, pó͘-thâu-bah lut-khì, siong-tio̍h i ê chhù-piⁿ tì-kàu sí, chit ê lâng tio̍h cháu kàu hiah ê siâⁿ ê chı̍t-ê, chiū thang o̍ah-teh;

(BCL) 就是親像人及伊的厝邊去樹林欲剉樹木，手抬斧頭一下剉，欲剉彼個樹，斧頭肉去，傷著伊的厝邊，致到死，此個人著走到許個城的一個，就通活，

6

(THR) bián-tit pò-jîn-bēng-ê, tng i sim-hé to̍h ê sî, tui-jip thâi-lâng ê lâng, in-ūi lō͘ chin-hn̄g jip-tio̍h chiū thâi-sí i; kî-sı̍t i m̄ eng-kai sí, in-ūi pêng-sî i bô òan-hūn i.

(BCL) 免得報人命的，當伊心火的時追人的人，因為路真遠著，就死伊；其實伊呣應該死，因為平時伊無怨恨伊。

7

(THR) Só͘-í góa bēng-lēng lí kóng, Tio̍h kā i hun-piat saⁿ ê siâⁿ.

(BCL) 所以我命令你講，著給伊分別三個城。

8

(THR) Iâ-hô-hoa lí ê Siōng-tè, nā chiàu I tùi lí ê lia̍t-chó͘ só͘ chiù-chōa-ê, khui-khoah lí ê kéng-kài, chiong só͘ èng-ún siúⁿ-sù lí ê lia̍t-chó͘ ê chôan-tōe hō͘ lí;

(BCL) 耶和華──你的上帝若照伊對你的列祖所咒誓的開闊你的境界，將所應允賞賜你的列祖的全地互你，

9

(THR) góa kin-á-jı̍t só͘ bēng-lēng lí it-chhè ê kài-bēng, lí nā chip-siú lâi kiâⁿ i, thiàⁿ Iâ-hô-hoa lí ê Siōng-tè, siông-siông kiâⁿ I hiah ê tō-lō͘, chiū tī chit saⁿ ê siâⁿ í-gōa, tio̍h koh ūi ka-kī ke-siat saⁿ ê siâⁿ;

(BCL) 我今仔日所命令你一切的誡命你若執守來行伊，疼耶和華──你的上帝，常常行伊許個道路，就佇此三個城以外，著閣為家己加設三個城，

10

(THR) bián-tit bô-chōe ê huih lâu tī Iâ-hô-hoa lí Siōng-tè só͘ siúⁿ-sù lí chòe-gia̍p ê tōe, tì-kàu lâu-huih ê chōe kui tī lí.

(BCL) 免得無罪的血流佇耶和華──你上帝所賞賜你做業的地，致到流血的罪歸佇你。

11

(THR) Chóng-sī lâng nā òan-hūn i ê chhù-piⁿ, bih-teh khí-lâi phah i, siong-hāi i kàu sí, chiū cháu kàu hiah ê siâⁿ ê chı̍t-ê;

(BCL) 「總是人若怨恨伊的厝邊，匿起來拍伊，傷害伊到死，就走到許個城的一個，

12

(THR) i ê siâⁿ ê tiúⁿ-ló chiū tio̍h chhe lâng, tùi hia tòa i chhut-lâi, kau tī pò-jîn-bēng ê lâng ê chhiú, hō͘ i sí;

(BCL) 伊的城的長老就著差人，對遐帶伊出來，交佇報人命的人的手，互伊死。

13

(THR) lí ê ba̍k-chiu m̄-thang khó-lîn i; tī Í-sek-lia̍t tiong tio̍h tû-khì bô-chōe ê huih, hō͘ lí thang tit-tio̍h hok-khì.

(BCL) 你的目睭呣通可憐伊，佇以色列中著除去無罪的血，互你通得著福氣。」

14

(THR) Tī Iâ-hô-hoa lí Siōng-tè só͘ siúⁿ-sù lí sêng-chiap ê tōe, m̄-thang î-sóa chhù-piⁿ ê kài-chí; hit-ê sī chêng ê lâng só͘ chhāi tī lí sòa-chiap ê gia̍p ê lāi-bīn ê.

(BCL) 「佇耶和華──你上帝所賞賜你承接的地，呣通移徙厝邊的界址，彼個是前的人所祀佇你續接的業的內面的。」

15

(THR) Kan-ta chı̍t-lâng bōe thang khí-lâi kan-chèng lâng sím-mı̍h pháiⁿ, sím-mı̍h chōe, chiū-sī i kìⁿ só͘ hōan ê chōe; tek-khak tio̍h pîn nn̄g ê kan-chèng ê lâng ê chhùi, á-sī saⁿ ê kan-chèng ê lâng ê chhùi, chiah thang tēng i ê àn.

(BCL) 「干單一人通起來干證人甚麼歹，甚麼罪，就是伊見所犯的罪，的確著憑二個干證的人的嘴，抑是三個干證的人的嘴才通定伊的案。

16

(THR) Nā ū lām-sám kan-chèng ê khí-lâi kong-kek bó͘ lâng, kan-chèng i kiâⁿ-pháiⁿ,

(BCL) 若有濫糝干證的起來攻擊某人，干證伊行歹，

17

(THR) chiū chit nn̄g-ê saⁿ-chìⁿ ê lâng tio̍h khiā tī Iâ-hô-hoa ê bīn-chêng, kap tng-sî ê chè-si, kap sím-phòaⁿ-koaⁿ ê bīn-chêng.

(BCL) 就此二個相諍的人著徛佇耶和華的面前，及當時的祭司，及審判官的面前，

18

(THR) Sím-phòaⁿ-koaⁿ tio̍h siông-sè chhâ-mn̄g; khòaⁿ ah, nā chòe kan-chèng ê lâng, kó-jiân sī ké kan-chèng, ēng ké kan-chèng beh hāi i ê hiaⁿ-tī,

(BCL) 審判官著詳細查問，看啊！若做干證的人果然是假干證，用假干證欲害伊的兄弟，

19

(THR) lín chiū tio̍h khóan-thāi i, chhin-chhiūⁿ i siūⁿ beh khóan-thāi i ê hiaⁿ-tī ê; án-ni tùi lín tiong-kan tû-khì hit ê pháiⁿ.

(BCL) 恁就著款待伊親像伊想欲款待伊的兄弟的。按呢，對恁中間除去彼個歹。

20

(THR) Kî-û ê lâng thiaⁿ-kìⁿ lóng beh kiaⁿ, chiū tī lín tiong-kan bô koh kiâⁿ chit hō pháiⁿ.

(BCL) 其餘的人聽見攏欲驚，就佇恁中間無閣行此號歹。

21

(THR) Lí ê ba̍k-chiu m̄-thang khó-lîn i, tio̍h ēng miā pê miā, ba̍k-chiu pê ba̍k-chiu, chhùi-khí pê chhùi-khí, chhiú pê chhiú, kha pê kha.

(BCL) 你的目睭呣通可憐伊，著用命賠命，目睭賠目睭，嘴齒賠嘴齒，手賠手，腳賠腳。」

Bible Color Mark

• 台語漢字羅馬本
• 巴克禮全羅