撒母耳記上 第 19 章

1

(THR) Sò-lô tùi i ê kiáⁿ Iok-ná-tan kap chèng jîn-sîn kóng, Tio̍h thâi-sí Tāi-pı̍t; chóng-sī Sò-lô ê kiáⁿ Iok-ná-tan put-chí hoaⁿ-hí Tāi-pı̍t.

(BCL) 掃羅對伊的子約拿單及眾人臣講，著死大衛；總是掃羅的子約拿單不止歡喜大衛。

2

(THR) Iok-ná-tan kā Tāi-pı̍t kóng, Góa ê lāu-pē Sò-lô siūⁿ beh thâi lí; só͘-í bîn-á-chá-khí lí tio̍h sió-sim, kàu chı̍t-ê phian-phiah ê só͘-chāi, ka-kī bih.

(BCL) 約拿單給大衛講：「我的老父掃羅想欲你，所以明仔早起你著小心，到一個偏僻的所在，家己匿。

3

(THR) Góa beh khì lí só͘ bih ê chhân, khiā tī góa ê lāu-pē sin-piⁿ; góa kap góa ê lāu-pē gī-lūn lí ê sū, góa só͘ khòaⁿ-kìⁿ ê góa beh kā lí kóng.

(BCL) 我欲去你所匿的田，徛佇我的老父身邊，我及我的老父議論你的事。我所看見的我欲給你講。」

4

(THR) Iok-ná-tan tùi i ê lāu-pē Sò-lô lūn Tāi-pı̍t, thòe i kóng hó-ōe, kóng, Ông m̄-thang tek-chōe lí ê lô͘-po̍k Tāi-pı̍t, in-ūi i bē bat tek-chōe lí; i tùi lí só͘-kiâⁿ-ê, lóng sī hó;

(BCL) 約拿單對伊的老父掃羅論大衛替伊講好話，講：「王呣通得罪你的奴僕大衛；因為伊未曾得罪你，伊對你所行的攏是好。

5

(THR) in-ūi i bat piàⁿ-miā thâi-sí hit ê Hui-lī-sū lâng, Iâ-hô-hoa ūi Í-sek-lia̍t chèng-lâng tōa kiâⁿ chín-kiù; hit-sî lí khòaⁿ-kìⁿ, put-chí hoaⁿ-hí; taⁿ siáⁿ-sū bô iân-kò͘ beh thâi-sí Tāi-pı̍t, lâu bô-chōe ê lâng ê huih, lâi hōan-chōe ah?

(BCL) 因為伊曾拚命死彼個非利士人，耶和華為以色列眾人大行拯救；彼時你看見，不止歡喜，今啥事無緣故欲死大衛，流無罪的人的血，來犯罪啊？」

6

(THR) Sò-lô thiaⁿ Iok-ná-tan ê ōe; Sò-lô kí Iâ-hô-hoa ê o̍ah lâi chiù-chōa kóng, Góa bô beh hō͘ i sí.

(BCL) 掃羅聽約拿單的話，掃羅指耶和華的活來咒誓講：「我無欲互伊死。」

7

(THR) Iok-ná-tan kiò Tāi-pı̍t lâi; Iok-ná-tan chiong che it-chhè ê ōe kā i kóng; Iok-ná-tan chhōa Tāi-pı̍t khì kìⁿ Sò-lô; i iû-gôan khiā tī Sò-lô ê bīn-chêng.

(BCL) 約拿單叫大衛來，約拿單將這一切的話給伊講，約拿單導大衛去見掃羅。伊猶原徛佇掃羅的面前。

8

(THR) Í-āu koh ū kau-chiàn; Tāi-pı̍t chhut-khì kap Hui-lī-sū lâng kau-chiàn, tōa-tōa thâi-sí in; in chiū tī i ê bīn-chêng tô-cháu.

(BCL) 以後閣有交戰。大衛出去及非利士人交戰，大大死，就佇伊的面前逃走。

9

(THR) Sò-lô chē tī chhù-lāi, chhiú kia̍h chhiuⁿ; hit-sî tùi Iâ-hô-hoa hia lâi ê pháiⁿ-sîn koh lîm-kàu i; Tāi-pı̍t ēng chhiú tôaⁿ-khîm.

(BCL) （掃羅坐佇厝內手抬槍），彼時對耶和華遐來的歹神閣臨到伊，大衛用手彈琴。

10

(THR) Sò-lô beh ēng chhiuⁿ chhì Tāi-pı̍t, tèng i tī piah-nih; i chiū tùi Sò-lô ê bīn-chêng siám-khui; hit ki chhiuⁿ chha̍k-jı̍p piah. Hit-mî Tāi-pı̍t chiū cháu lâi siám-pī i.

(BCL) 掃羅欲用槍刺大衛，釘伊佇壁裡；伊就對掃羅的面前閃開，彼支槍鑿入壁。彼暝大衛就走，來閃避伊。

11

(THR) Sò-lô chhe lâng kàu Tāi-pı̍t ê chhù siú i, thèng-hāu thiⁿ-kng beh thâi i. Tāi-pı̍t ê bó͘ Bí-kah tùi i kóng, Lí kim-mî nā bô tô-miā, bîn-á-jı̍t lí beh siū-thâi.

(BCL) 掃羅差人到大衛的厝守伊，聽候天光欲伊。大衛的某米甲對伊講：「你今暝若無逃命，明仔日你欲受。」

12

(THR) Bí-kah chiū tùi thang-á tūi Tāi-pı̍t lo̍h-khì; i chiū cháu-khì, lâi siám-pī.

(BCL) 米甲就對窗仔墜大衛落去，伊就走去，來閃避。

13

(THR) Bí-kah ēng ke-lāi ê ngó͘-siōng hē tī bîn-chhn̂g, thâu-khak khòa tī soaⁿ-iûⁿ-mn̂g ê chím-thâu, ēng phē khàm i.

(BCL) 米甲用家內的偶像下佇眠床，頭殼靠佇山羊毛的枕頭，用被蓋伊。

14

(THR) Sò-lô chhe lâng khì lia̍h Tāi-pı̍t; Bí-kah kóng, I phòa-pīⁿ.

(BCL) 掃羅差人去掠大衛，米甲講：「伊破病。」

15

(THR) Sò-lô koh chhe lâng khì khòaⁿ Tāi-pı̍t, kóng, Liân bîn-chhn̂g kng-lâi góa chia, góa thang thâi-sí i.

(BCL) 掃羅閣差人去看大衛，講：「連眠床扛來我遮，我通死伊。」

16

(THR) Sù-chiá jı̍p-khì, khòaⁿ-kìⁿ chhn̂g-nih ū ngó͘-siōng, thâu-khak khòa tī soaⁿ-iûⁿ-mn̂g ê chím-thâu.

(BCL) 使者入去，看見床裡有偶像，頭殼靠佇山羊毛的枕頭。

17

(THR) Sò-lô tùi Bí-kah kóng, Lí siáⁿ-sū án-ni phiàn góa, pàng góa ê tùi-te̍k tô-cháu ah? Bí-kah ìn kóng, I kā góa kóng, Lí pàng góa khì, góa kiám tio̍h thâi-sí lí mah?

(BCL) 掃羅對米甲講：「你啥事按呢騙我，放我的對敵逃走啊？」米甲應講：「伊給我講：『你放我去，我豈著死你嗎？』」

18

(THR) Tāi-pı̍t cháu-khì, tô-siám kàu La̍h-má, kìⁿ Sat-bó͘-jíⁿ, chiong Sò-lô tùi i só͘ kiâⁿ ê sū, lóng-chóng kā i kóng. I kap Sat-bó͘-jíⁿ chiū khì Ná-iok khiā-khí.

(BCL) 大衛走去，逃閃到拉瑪見撒母耳，將掃羅對伊所行的事攏總給伊講。伊及撒母耳就去拿約徛起。

19

(THR) Ū lâng kā Sò-lô kóng, Khòaⁿ ah, Tāi-pı̍t tī La̍h-má ê Ná-iok.

(BCL) 有人給掃羅講，看啊，大衛佇拉瑪的拿約。

20

(THR) Sò-lô chhe sù-chiá khì lia̍h Tāi-pı̍t; in khòaⁿ-kìⁿ chı̍t tīn sian-ti teh kóng sian-ti ōe, koh Sat-bó͘-jíⁿ khiā tī in tiong-kan kam(**kàm)-tok in, Siōng-tè ê Sîn lîm-kàu Sò-lô ê sù-chiá, in iā kóng sian-ti ōe.

(BCL) 掃羅差使者去掠大衛。看見一陣先知講先知話，閣撒母耳徛佇中間監督；上帝的神臨到掃羅的使者，也講先知話。

21

(THR) Ū lâng chiong chit ê sū kā Sò-lô kóng; i chiū chhe pa̍t ê sù-chiá khì; in iā kóng sian-ti ōe. Sò-lô tē-saⁿ pái chhe sù-chiá khì, in iā kóng sian-ti ōe.

(BCL) 有人將此個事給掃羅講，伊就差別個使者去，也講先知話。掃羅第三擺差使者去，也講先知話。

22

(THR) Āu-lâi i pún-sin iā khì La̍h-má; kàu Se-ko͘ ê tōa-chíⁿ hia, mn̄g lâng kóng, Sat-bó͘-jíⁿ kap Tāi-pı̍t tī toh-lo̍h? Ū lâng kā i kóng, Khòaⁿ ah, tī La̍h-má ê Ná-iok.

(BCL) 後來伊本身也去拉瑪，到西沽的大井遐，問人講：「撒母耳及大衛佇叨落？」有人給伊講：「看啊，佇拉瑪的拿約。」

23

(THR) I chiū khì La̍h-má ê Ná-iok; Siōng-tè ê Sîn iā lîm-kàu i; i ná-kiâⁿ ná-kóng sian-ti ōe, tı̍t-kàu La̍h-má ê Ná-iok.

(BCL) 伊就去拉瑪的拿約。上帝的神也臨到伊，伊愈行愈講先知話，直到拉瑪的拿約。

24

(THR) I chiū thǹg-saⁿ, tī Sat-bó͘-jíⁿ ê bīn-chêng kóng sian-ti ōe; thong-jı̍t thong-mî thǹg-theh tó-teh; tùi án-ni lâng teh kóng, Sò-lô iā lia̍t tī sian-ti tiong mah?

(BCL) 伊就褪衫，佇撒母耳的面前講先知話，通日通暝褪裼倒。對按呢人講：「掃羅也列佇先知中嗎？」

Bible Color Mark

• 台語漢字羅馬本
• 巴克禮全羅