啟示錄 第 14 章 - 台語漢字羅馬本

1

我閣看，看見羊羔徛佇郇山，及伊佇的有十四萬四千人，攏有羊羔的名及伊的父的名寫佇的頭額。

2

我聽見對天有聲，親像多多條水的聲亦親像雷大鳴的聲，閣我所聽的聲有親像彈琴的彈的琴。

3

佇座位前，亦佇四個活物及長老的面前，所吟的親像新的詩；彼個詩無人會學習，獨獨對地上受買出的十四萬四千人會若定。

4

諸個人是呣曾染著女色的，是貞潔的人。諸個人是隨羊羔，無論叨落去。諸個人是對人的中間受買出，做起頭熟的果子獻互上帝及羊羔的。

5

的嘴無白賊；是無瑕疵的。

6

我閣看見別個天使飛佇天中，有永遠的福音通傳互佇地裡的人，亦互逐邦國、逐種族、逐號腔口，逐樣百姓。

7

伊大聲講：「著敬畏上帝，將榮光歸互伊！因為伊審判的時到啦。亦著拜彼個創造天、地、海，以及諸個水泉的。」

8

閣有別個天使是第二個，隨佇後面講：「倒壞啊！倒壞啊！大的巴比倫就是互萬邦飲伊淫亂、惹著受氣的酒的。」

9

閣有別個天使第三個，隨，大聲講：「若有拜獸及伊的相，以及受蓋印的記號佇頭額抑是佇伊的手裡的，

10

伊也欲飲上帝大受氣的酒；就是無透的，斟佇伊受氣的酒杯。閣欲佇聖天使的面前及羊羔的面前，受著火及硫磺的苦楚。

11

受苦楚的煙淐上高，代代無息。閣拜獸及伊的相，以及受伊的名蓋印的記號的，日暝無通得著安息。」

12

聖徒的吞是在佇此個；這就是守上帝的誡及守耶穌的信的。

13

我聽見對天有聲講：「你著寫伊：今以後，佇主來死的死人有福氣！」聖神講：「是啦，互息的著磨來安息，所做的工也隨。」

14

我閣看，看見有白的雲，有親像人子的坐佇雲的頂面，頭殼戴金的冕旒，手抬利的鍥仔。

15

閣有別個天使對殿裡出來，對彼個坐佇雲的頂面的大聲叫講：「著伸出你的鍥仔來割；因為收割的時已經到，是地上的五穀已經熟啦。」

16

坐佇雲裡的，就伊的鍥仔佇地裡，地上的五穀就收割。

17

閣有別個天使對天裡的殿出來，伊也抬利的鍥仔。

18

閣有別個天使對祭壇出來，就是有權通治理火的，大聲對抬利鍥仔的叫講：「伸出你利的鍥仔，收地上歸球的葡萄，因為葡萄到水啦！」

19

天使就伊的鍥仔佇地裡，來收地上的葡萄，落上帝大受氣的酒窟。

20

彼個酒窟佇城外受踏，就有血對酒窟出，高到抵著馬咬韁，遠約略六百里。