啟示錄 第 13 章 - 台語漢字羅馬本

1

我閣看見一隻獸對海裡起來，有十支角七個頭，許個角戴十頂王帽，頭殼頂有謗瀆的名。

2

我所看見的獸，親像豹，伊的腳親像熊的腳，嘴親像獅的嘴。龍用伊的才能、伊的座位，及大權互伊。

3

我亦看見許個頭殼的一個，親像受到死，伊致到死的傷得著醫好。通世界奇怪來隨彼隻獸，

4

閣拜龍──因為伊曾用權互獸，亦拜獸，講：「是誰親像獸啊？閣是誰會及伊交戰啊？」

5

閣有一個嘴互伊講大事及謗瀆的話，閣有互伊權來行代誌四十二月日。

6

伊就開嘴，講出謗瀆上帝的話，來謗瀆伊的名及伊的會幕，及許個佇天裡的。

7

閣有互伊權通及聖徒交戰，來卡贏；閣有互伊權來治理逐種族、逐號百姓、逐號腔口、逐邦國。

8

徛起地面上的人，的名無記佇活命冊的，攏欲拜獸，此個冊就是對創造世間的時受的羊羔者。

9

凡若有耳孔的，著聽！

10

若有掠人的，亦欲互人掠；用刀人的，亦欲受刀。聖徒的吞及信在佇此個。

11

我閣看見別隻獸對地裡起來，有二支角親像羊羔，伊的講話親像龍。

12

閣將頭一隻獸的權，攏行佇伊的面前，閣互地及徛起地上的人拜頭一隻獸，就是彼隻抵著致到死的傷閣得著醫好的。

13

閣行大神蹟，甚至佇人的面前，互火降落地。

14

閣對伊所得著行佇獸的面前諸個神蹟，來迷惑徛起地上的人，給徛起地上的人講：「著給彼隻抵著刀傷猶原活的獸做相。」

15

閣有權互伊，通用活氣入佇獸的相，互獸的相會講話，亦互見若無拜獸的相的抵著。

16

伊亦互眾人，無論大細、好額喪鄉、自由的、做奴僕的，攏受蓋印的記號，或是佇正手抑是佇頭額。

17

人若無彼個蓋印的記號、就是獸的名抑是伊的名數額，就得著買賣。

18

智識在佇這：有聰明的，著算獸的數額；因為是人的數額，伊的數額就是六百六十六。