詩篇 第 13 章 - 台語漢字羅馬本

1

〔大衛的詩，交互樂官。〕耶和華啊，你記得我欲偌久啊？到永遠嗎？你掩面呣看我欲偌久啊？

2

我的心神想來想去，我的心通日憂苦，欲到偌久啊？我的對敵高升贏過我，欲到偌久啊？

3

耶和華──我的上帝啊，求你看顧我，聽我！互我的目睭光明，驚了我睏到死；

4

驚了我的對敵講：我卡贏伊；驚了我的仇讎佇我搖泏的時來歡喜。

5

總是我倚靠你的慈愛；我的心因為你的拯救來快樂。

6

我欲唱歌謳咾耶和華，因為伊用大恩款待我。