詩篇 第 14 章 - 台語漢字羅馬本

1

〔大衛的詩，交互樂官。〕戇人心內講：無有上帝。趁邪惡，行可惡的事；無一人行好。

2

耶和華對天俯落看世間人，欲看有明理者，有尋求上帝者抑無。

3

攏歪斜，一概變做污穢；無人行好，連一個亦無。

4

做歹的人豈攏曉得嗎？吞食我的百姓，親像食餅，亦無求叫耶和華。

5

佇遐大大驚惶，因為上帝佇義人的族類中。

6

恁互喪鄉人的計謀變做見誚；總是耶和華做伊逃閃的所在。

7

願以色列的拯救對錫安出。耶和華救伊受掠的百姓倒轉來，彼時雅各欲快樂，以色列欲歡喜。