馬可福音 第 8 章 - 台語漢字羅馬本

1

當彼幾日，眾人閣大聚集，無甚麼通食。耶穌叫伊的學生來，給講：

2

「我可憐眾人；因為已經及我住三日，也無物通食。

3

我若互枵枵倒去厝：「佇路裡會厭倦，因為中間有的對遠遠來。」

4

學生應伊講：「佇此個曠野，對叨落會得著餅，互許個人食飽？」

5

耶穌問講：「恁有偌多餅？」講：「七個。」

6

就命令眾人坐佇地裡，提彼七個餅祝謝，來擘，交互伊的學生，互排列，就排列佇眾人的面前。

7

閣有淡薄細尾魚；已經祝謝，也教著排列。

8

人攏食到飽，拾所剩的餅碎七籃。

9

人額約略有四千。

10

就互四散，本身連鞭及學生搭船，到大瑪努大的境界。

11

法利賽人出去，就辯駁伊，對伊求一個出佇天裡的神蹟，是欲試伊。

12

耶穌心內大吐氣，講：「此世代啥事求神蹟啊？我實在給恁講，決斷無欲用神蹟互此世代。」

13

就離開，閣搭船去彼旁岸。

14

學生記得帶餅；船內只有一個餅，以外無別項的食物。

15

耶穌警戒講：「恁著謹慎，持防法利賽人的酵及希律的酵。」

16

學生相及議論講：「是咱無餅。」

17

耶穌知，就給講：「啥事因為無餅相及議論啊？恁猶久未知，未曉悟嗎？恁的心猶久鈍嗎？

18

恁有目睭，也無看？有耳孔，也無聽？也記得嗎？

19

我擘五個餅分互五千人，恁拾餅碎滿幾筐啊？」講：「十二。」

20

閣七個餅分互四千人，恁拾餅碎滿幾籃啊？」

21

講：「七籃。」就給講：「恁猶久未曉悟嗎？」

22

相及到伯賽大，有人導一個睛暝者就近伊，求伊摸伊。

23

耶穌牽睛暝人的手，導伊出鄉里外，呸涎佇伊二蕊目睭，用手按伊，問講：「你有看見甚麼無？」

24

伊抬頭看，講：「我看見人；因為看見親像樹，也行。」

25

閣用手按伊二蕊的目睭，伊注目看，就齊全好，看逐項物到明明。

26

耶穌教伊倒去兜，講：「此個鄉社你也莫得入。」

27

耶穌及學生出去，到該撒利亞腓立比屬許個鄉社；路裡問伊的學生講：「人講我是是誰？」

28

給伊講：「行洗禮的約翰；也有人講以利亞；閣有人講先知中的一個。」

29

伊閣問講：「若是恁講我是誰？」彼得應伊講：「你是基督。」

30

伊就禁戒，莫得將伊的事給人講。

31

就教示講：「人子的確著受多多苦楚，互諸個長老、祭司頭、經學士棄拺，閣受害死，過三日就復活。」

32

耶穌用此個話明明給講，彼得牽來責備伊。

33

若是伊越轉身，看伊的學生，就責備彼得講：「撒但，退去我的後面！因為你所想呣是上帝的事，是人的事。」

34

就叫眾人及伊的學生來，給講：「若有人愛隨我，就著看無家己，夯伊的十字架來隨我。

35

因為，見若愛救伊的生命的，欲失落伊；見若為著我及福音來失落伊的生命的，欲救伊。

36

人若得著全世界，來喪失伊的生命，有甚麼利益？

37

因為人欲出甚麼來對換伊的生命？

38

凡若佇此個姦淫有罪的世代，掠我及我的話做見誚的，人子用父的榮光，及諸個聖的天使來的時，也欲掠伊做見誚。」