以西結書 第 24 章 - 台語漢字羅馬本

1

第九年十月初十日，耶和華的話閣臨到我講：

2

「人子啊，今仔日抵抵是巴比倫王就近耶路撒冷的日，你著將今仔日記伊的名，

3

著對此個悖逆的家設譬喻講，主耶和華按呢講：將鼎祀佇火裡，已經祀好，就傾水佇內面；

4

將肉塊，就是一切肥娞的肉塊、前腿後腿，攏拾下佇內面，揀好的骨疊互伊滿；

5

取羊群中第一好的，將柴疊佇鼎下，互鼎滾沖沖，通將骨　佇彼內面。

6

「主耶和華按呢講：有災禍啊！此個互人流血的城，就是生銹的鼎。伊的銹猶未除去，著將肉塊對彼中間一塊一塊提出來，無給伊拈鬮。

7

城中有受的人的血，傾佇光光的石磐頂，無傾佇地裡，通用土蓋。

8

此個城內所流的血，傾佇光光的石磐頂，無通遮蓋，是我互伊按呢，為著欲激大受氣行報應。

9

所以主耶和華按呢講：有災禍啊！此個互人流血的城，我亦欲疊大堆的火柴，

10

添柴互火真炎，將肉炤爛，將湯熬洘，互骨灰嚕去；

11

將鼎傾空祀佇的炭頂，互鼎熱互銅燒紅，鎔其中的污穢，除彼頂面的銹。

12

伊著磨厭倦，總是所生大大的銹猶原無落；伊的銹就若佇火裡亦除去。

13

佇你的污穢中有淫行，我曾清氣你，你猶久無清氣。所以你的污穢閣得著清氣，到我對你發出的大受氣息。

14

我──耶和華曾講伊，彼個事的確成，我也欲行伊，的確無反覆，的確無憐憫，亦無退悔。人欲照你的抬動照你的行做審判你。這是主耶和華講的。」

15

耶和華的話閣臨到我講：

16

「人子啊，看啊，我欲將你的目睭所意愛者忽然取去，總是你呣通悲哀啼哭，亦呣通流目屎，

17

獨獨通暗靜吐氣，呣通出聲，呣通辦理喪事；頭殼猶原著包頭巾，腳猶原著穿鞋，呣通掩你的嘴唇，也呣通食弔喪的餅。」

18

對按呢我將此個事早起時給百姓講，下昏我的某就死。隔早起我就趁命令來行。

19

百姓問我講：「你按呢做及阮有甚麼干涉，你豈可無給阮講？」

20

我應講：「耶和華的話臨到我講：

21

『你著給以西結家講，主耶和華按呢講：看啊，我欲拍垃墋我的聖所，就是恁的勢力所誇口，恁的目睭所意愛，恁的心所疼惜者，閣恁所留佇遐的子查某子欲倒佇刀下。

22

彼時，恁欲照我所行的來行，無掩恁的嘴唇，亦無食弔喪的餅。

23

恁的頭殼猶原包頭巾，腳欲穿鞋；無悲哀無啼哭。恁欲佇恁的罪惡中消滅，相對面吐氣。

24

以西結欲按呢做恁的兆頭；凡若伊所行的，恁亦欲按呢行。此個代誌若到，恁就知我是耶和華。』

25

「人子啊，當我除去所倚靠的，及所歡喜的榮光，的目睭所意愛者，的心所疼惜者就是的子兒。

26

彼日得著脫離的人豈無來你遮，互你親耳聽見此個事嗎？

27

當彼日，你的嘴就開，你就及得著脫離的人講話，無閣啞口。你欲按呢做的兆頭，就知我是耶和華。」