以西結書 第 23 章 - 台語漢字羅馬本

1

耶和華的話閣臨到我講：

2

「人子啊，有二個婦仁人，是像一個老母生者，

3

佇埃及行淫，就是佇少年的時行淫。佇遐的奶互人壓，閣佇遐人勒伊在室女的奶頭。

4

的名，大姊名阿荷拉，小妹名阿荷利巴。攏嫁互我，生子查某子。論到的名，阿荷拉就是撒瑪利亞，阿荷利巴就是耶路撒冷。

5

「阿荷拉嫁互我了後就行淫亂，戀愛伊相好的人，就是伊的隔壁國亞述人。

6

穿藍色的衫，做省長、做官員，攏是可愛的少年人，騎馬的勇士。

7

伊就及行淫，就是及伊所中意的亞述人，見若伊所戀愛者，就用一切的偶像，來拍垃墋家己。

8

伊亦無放拺伊，佇埃及慣練行的淫亂，因為伊猶少年的時，就有人及伊相及睏，勒伊在室女的奶，閣流出伊淫亂的事佇遐。

9

因為按呢，我將伊交佇伊相好的人的手，就是伊所戀愛的亞述人的手。

10

就露現伊的下體，用刀伊，掠伊的子查某子，互伊佇婦仁人中留臭名，因為對伊行審判。

11

「伊的小妹阿荷利巴看見按呢，就比伊閣卡放縱淫慾，行淫亂比伊的大姊卡傷重。

12

伊戀愛隔壁國的亞述人，就是穿極娞的衣服，做省長、做官員，騎馬的勇士，攏是可愛的少年人。

13

我看見伊受拍垃墋，姊妹仔二個行像路。

14

伊亦加添伊的淫行，因為伊看見人的像畫佇壁裡，就是用朱紅色所畫迦勒底人的像，

15

腰縖帶，頭殼包彩色的巾垂落來，看了親像軍長，照巴比倫人的形像；的本所在就是迦勒底。

16

伊一下看見就戀愛，差使者去迦勒底遐見。

17

巴比倫人就來及伊上愛情的眠床，行淫拍垃墋伊。伊受拍垃墋，以後心就及冷淡。

18

按呢，伊露現伊的淫行，閣露現伊的下體；我的心就及伊冷淡，親像前及伊的大姊冷淡一樣。

19

伊猶久閣卡淫行，記得伊少年佇埃及地行淫亂的日。

20

戀愛伊相好的人，身體勇精足，親像驢親像馬。

21

按呢，你就記得你少年的時的淫行。彼時，埃及人壓你的奶，憶著你少年的奶。」

22

阿荷利巴啊，主耶和華所以按呢講：「看啊，我欲激動你諸個相好的來攻擊你，就是你的心所冷淡者。我欲互伊四圍來攻擊你。

23

就是巴比倫人、迦勒底眾人，及比割、書亞、哥亞諸個族，亞述的眾人及來，省長、官員、軍長、有名聲的、騎馬的，攏是可愛的少年人。

24

欲帶軍器、戰車、運糧的車、導大隊的眾人來攻擊你。夯大牌小牌，頭盔，排陣佇你的四圍攻擊你。我欲將審判的事交代，欲用的律法審判你。

25

我欲用我的妒忌攻擊你；欲用大受氣辦你。欲割你的鼻及耳仔；你所剩的人欲倒佇刀下。欲掠你的子查某子；閣你所留者欲互火燒燎去。

26

欲剝你的衣服，搶你娞的寶物。

27

按呢，我欲互你的淫行及你佇埃及地慣練行的淫亂攏息，互你無閣抬目看，亦無閣紀念埃及。

28

因為主耶和華按呢講：看啊，我欲將你交佇你所怨恨的人的手，就是你的心及冷淡的人的手。

29

欲怨恨來辦你，搶提你一切勞碌來得著的，剩你一個赤身露體。你淫亂的下體，連你的淫行，及你的淫亂，攏欲露現。

30

你會抵著許個代誌；因為你隨外邦人來行淫，閣因為你對諸個偶像來染垃墋。

31

你有行你的大姊的路，所以我欲將伊的杯交佇你的手。」

32

主耶和華按呢講：你欲飲你的大姊所飲的杯；彼個杯深閣闊，貯真多，你就欲互人恥笑譏刺。

33

你欲大酒醉，大憂苦，飲恁大姊撒瑪利亞的杯，就是互人卬愕淒慘的杯。

34

你欲飲此個杯，飲到乾乾。閣咬破杯的坯，拆裂家己的奶；因為此個事我曾講伊。這是主耶和華講的。

35

所以主耶和華按呢講：「因為你記得我，將我佇你的尻脊後，今你著擔當你的淫亂及你放縱私慾的罪。」

36

耶和華閣對我講：「人子啊，你欲審問阿荷拉及阿荷利巴嗎？著指出所行可惡的事。

37

行淫，亦有血佇伊的手，閣及偶像行淫，亦互對我所生的子經過火互吞食。

38

此個以外，猶有對我按呢行，就是像日拍垃墋我的聖所，干犯我諸個安息日。

39

子獻互偶像，當彼日閣入我的聖所，來拍垃墋伊。看啊，佇我的厝內按呢行。

40

「閣恁差使者去請遠遠的人。使者到遐的時，看啊，就來。你為著洗身軀、畫目眉，用手飾家己妝飾，

41

坐佇娞的眠床，床前祀一塊桌，將我的香料我的香油排佇彼頂面。

42

及伊佇遐的有歸陣的人，安悅歡喜的聲，亦有粗俗人及酒漢對曠野相及來，將手環掛佇二個的手，將娞帽戴佇的頭殼。

43

「我論到此個老的淫婦有講：現在人猶欲及伊行淫，伊亦欲及人行淫。

44

人入去就近伊，親像就近娼妓，按呢就近二個淫婦，阿荷拉及阿荷利巴。

45

欲有義人，照審判淫婦的例，及流人的血的婦仁人的例，來審判；因為是淫婦，亦有血佇伊的手。」

46

主耶和華按呢講：「我欲導多多人來攻擊，互受來去，抵著搶奪。

47

許個人欲用石頭擲死，用刀劍死，閣死的子查某子，用火燒的厝宅。

48

按呢，我欲互境內無閣有淫行，通互一切的婦仁人受警戒，無學恁的淫行。

49

人欲照恁的淫行報應恁；恁也欲擔當諸個拜偶像的罪，恁就會知我是耶和華。」