以西結書 第 25 章 - 台語漢字羅馬本

1

耶和華的話臨到我講：

2

「人子啊，你著面向亞捫族宣傳，攻擊，

3

講：恁著聽主耶和華的話。主耶和華按呢講：我的聖所受拍垃墋，以色列地抵著拋荒，猶大家互人掠；彼時，你因為諸個事用話攻擊講：『呼哉！』。

4

看啊，所以我欲將你交互東方的人做業；欲佇你的所在紮營徛起，食你的果子，飲你的奶。

5

我欲互拉巴做駱駝的　，互亞捫族的地做羊群倒的所在，恁就知我是耶和華。」

6

主耶和華按呢講：「因為你搭手頓腳，滿心藐視，向以色列地歡喜，

7

看啊，所以我伸我的手攻擊你，將你交互列國搶去。我欲對列邦中剪除你，互你佇萬國中敗無。我欲除滅你，你就知我是耶和華。」

8

主耶和華按呢講：「因為摩押及西珥有講：『看啊，猶大家及眾國無各樣』，

9

看啊，因為按呢我欲開摩押的邊界對諸個城，對伊邊界諸個城做伊本國的榮光的，就是伯耶西末、巴力免、基列亭，

10

互伊及亞捫族攏交佇東方的百姓做業，互亞門族無閣受記念佇列邦中。

11

我也欲審判摩押，就知我是耶和華。」

12

主耶和華按呢講：「因為以東的所行，就是攻擊猶大家來報讎，對的報讎，來犯重罪，

13

所以主耶和華按呢講：我欲伸我的手攻擊以東，剪除遐的人及精牲，互伊拋荒對提幔，到底但，人攏死佇刀下。

14

閣我欲用我的百姓以色列的手來報我的仇讎佇以東；欲照我的受氣，照我的大受氣來行佇以東，就欲知我的報讎。這是主耶和華講的。」

15

主耶和華按呢講：「因為非利士人行報讎，存心藐視來報讎，結死怨，欲剿滅，

16

所以主耶和華按呢講：看啊，我欲伸我的手攻擊非利士人，我欲剪除基提人，滅無沿海所剩的百姓。

17

我欲用大受氣的責罰，對行大的報讎。我對報讎的時，就知我是耶和華。」