出埃及記 第 7 章 - 台語漢字羅馬本

1

耶和華對摩西講：「看啊，我互你對佇法老做上帝，你的兄亞倫欲做你的先知。

2

見若我所吩咐你的，你攏著講伊。你的兄亞倫著對法老講，互伊准以色列人出伊的地。

3

我欲互法老的心硬，也欲佇埃及地行我多多的神蹟奇事。

4

總是法老無欲聽恁；我欲伸我的手佇埃及，用大的審判導我的軍隊，我的百姓以色列人出埃及地。

5

我伸我的手佇埃及，導以色列人對中間出來的時，埃及人就知我是耶和華。」

6

摩西、亞倫就按呢行；耶和華怎樣吩咐，就照按呢行。

7

及法老講話的時，摩西八十歲，亞倫八十三歲。

8

耶和華對摩西、對亞倫講：

9

「法老若對恁講：『恁著行一件奇事來看覓唧！』你著對亞倫講：『抬你的枴仔來佇法老的面前，互伊變做蛇。』」

10

摩西、亞倫入去見法老，就按呢行照耶和華所吩咐的。亞倫將伊的枴仔佇法老及伊的人臣的面前，枴仔就變做蛇。

11

法老也召智慧的人及師公來；是埃及的博士，也用的邪術照按呢行。

12

逐人的枴仔，攏變做蛇；總是亞倫的枴仔吞的枴仔。

13

法老的心硬，無欲聽，抵抵照耶和華所講的。

14

耶和華對摩西講：「法老的心固執，伊呣准百姓去。

15

天光早，你去見法老，看啊，伊出去水邊，你著徛佇河邊等接伊，你的手著抬彼支變蛇的枴仔，

16

對伊講：『耶和華──希伯來人的上帝差我來見你，講：准我的百姓去，通佇曠野服事我。看啊，到今你猶未有聽。

17

耶和華按呢講：你欲對此一件知我是耶和華。看啊，我欲用我手裡的枴仔拍河中的水，水就變做血；

18

河裡的魚欲死，河也欲臭味，埃及人厭賤呣愛飲河的水。』」

19

耶和華對摩西講：「你著給亞倫講：『抬你的枴仔伸你的手佇埃及諸個水的頂面，就是佇的江、河、池及一切的水窟的頂面，互攏變做血。佇埃及遍地，無論柴的器具、石的器具，攏欲有血。』」

20

摩西、亞倫就按呢行照耶和華所吩咐。佇法老及伊的人臣的面前抬起枴仔拍河裡的水，河裡的水攏變做血。

21

河裡的魚攏死，河也臭味，埃及人會飲河裡的水；埃及遍地攏有血。

22

埃及的博士，也用的邪術照按呢行。法老的心硬，呣聽，抵抵照耶和華所講的。

23

法老倒去伊的宮內，此個事伊也無掛心。

24

埃及人佇河的雙旁掘地，愛得著水通飲，因為河的水飲得。

25

耶和華拍河了後歷過七日。