出埃及記 第 6 章 - 台語漢字羅馬本

1

耶和華對摩西講：「我所欲行佇法老的，今你欲看見，因為用權能的手，伊欲准去，閣用權能的手，伊欲趕出伊的地。」

2

上帝閣對摩西講：「我就是耶和華。

3

我名做全能的上帝出現佇亞伯拉罕、以撒、雅各；總是我的名做耶和華，我未有互識我。

4

我閣及立我堅固的約，欲將所出外的迦南地賞賜，就是寄腳的地。

5

我也聽見以色列人譆譆孱，就是埃及人督做苦工，我也記念我的約。

6

所以你著給以色列人講：『我是耶和華，我欲對埃及人所互恁擔的重擔導恁出來，閣欲救恁脫離所互恁做的苦工，我也欲用伸出的手及大的審判救贖恁。

7

我也欲掠恁做我的百姓，我也欲做恁的上帝。恁欲知我是耶和華──恁的上帝，是對埃及人所互恁擔的重擔導恁出來。

8

我咒誓應允欲互亞伯拉罕、以撒、雅各彼個地，我欲導恁入去遐，將彼個地賞賜恁做業。我是耶和華。』」

9

摩西將此個給以色列人講，總是為著心內憂悶，也做苦工，呣肯聽摩西。

10

耶和華吩咐摩西講：

11

「你入去給埃及王法老講，著准以色列人出伊的地。」

12

摩西佇耶和華的面前講：「看啊！以色列人尚且呣聽我，法老豈可欲聽我此個嘴舌鈍的人啊？」」

13

耶和華吩咐摩西、亞倫著傳命互以色列人及埃及王法老，通導以色列人出埃及地。

14

以色列諸個房長的名記佇下底。以色列大子流便的子哈諾、法路、希斯崙、迦米；諸個是流便許個家。

15

西緬的子耶某利、雅憫、阿轄、雅斤、瑣轄，以及迦南地的查某子所生的掃羅；諸個是西緬許個家。

16

利未諸個子的名照的世系記佇下底：革順、哥轄、米拉利。利未享壽一百三十七歲。

17

革順的子照的家族立尼、示每。

18

哥轄的子暗蘭、以斯哈、希伯倫、烏設。哥轄享壽一百三十三歲。

19

米拉利的子抹利、某示；諸個是利未許個家，照的世系。

20

暗蘭娶伊的姑約基別做某，伊給伊生亞倫及摩西。暗蘭享壽一百三十七歲。

21

以斯哈的子可拉、尼斐、細基利。

22

烏設的子米沙利、以利撒反、西提利。

23

亞倫娶亞米拿達的查某子，拿順的小妹，以利沙巴做某，伊給伊生拿答、亞比戶、以利亞撒、以他瑪。

24

可拉的子亞瑟、以利加拿、亞比亞撒；諸個是可拉許個家。

25

亞倫的子以利亞撒娶普鐵一個查某子做某，伊給伊生非尼哈。諸個是利未人的房長，照的家族。

26

此個亞倫、摩西就是耶和華對講：「著導以色列人照的軍隊出埃及地的。」

27

對埃及王法老講欲導以色列人出埃及的，就是此個摩西、亞倫。

28

當耶和華佇埃及地對摩西講話的日，

29

耶和華對摩西講：「我就是耶和華；我對你所講一切的話，你攏著給埃及王法老講。」

30

摩西佇耶和華的面前講：「看啊，我是嘴舌鈍的人，法老豈可欲聽我啊？」