出埃及記 第 27 章 - 台語漢字羅馬本

1

「你著用皂莢柴做壇。長五肘，闊五肘，此個壇是四方的，高三肘。

2

著佇壇的四角頭做四支角，及壇相連做一個，用銅包伊。

3

著做盆，來收伊的灰，閣做伊的托仔、伊的盤、伊的叉、伊的火鼎；伊一切的器具攏用銅做。

4

著用銅給伊做一個網，佇網的四角做四個銅環，

5

用網下佇壇四面圍腰板的下面，互網透到壇的半腰。

6

著用皂莢柴給壇做槓，用銅包伊。

7

許個槓著串佇環內槓著佇壇的雙旁，來扛伊。

8

著用板做壇，中央空殼，攏著照山頂指示你的款式來做。」

9

「你著做會幕的場。場的南面的南勢著用過紡的幼苧做帷佇一旁，長一百肘。

10

伊的柱二十支，銅臼二十個。柱的及橫杆攏著用銀做伊。

11

北面也著有帷，長一百肘，伊的柱二十支，銅臼二十個。柱的及橫杆攏著用銀做。

12

場的西面著有帷，闊五十肘，帷的柱十支，臼十個。

13

場的東面的東勢闊五十肘。

14

門此旁的帷著十五肘，帷的柱三支，臼三個，

15

門彼旁的帷也著十五肘，帷的柱三支，臼三個。

16

場的門著有門簾，闊二十肘，著用藍色、紫色、朱紅色的料，及過紡的幼苧，用　花的工做，柱四支，臼四個。

17

場四圍一切的柱攏著有銀的橫杆，銀的，銅的臼。

18

場的長一百肘，闊逐面五十肘，高五肘，帷著用過紡的幼苧做，伊的臼攏用銅做。

19

會幕所用逐項的器具，及所釘的釘，以及場內所釘的釘，攏著用銅做。」

20

「你著吩咐以色列人，將彼個為著欲照光所夾清的橄欖油提來互你，互燈常常點。

21

佇會幕中法櫃前的帳簾外，亞倫及伊的子，對下昏到天光，著佇耶和華面前料理伊。是做以色列人代代永遠的例。」