出埃及記 第 26 章 - 台語漢字羅馬本

1

「你做會幕著用十幅的帳。諸個帳是用過紡的幼苧及藍色、紫色、朱紅色的料，也用奇巧的工織成兵來做的。

2

每幅帳著長二十八肘，闊四肘，帳攏著一樣的寸尺。

3

此五幅帳著逐幅相連；彼五幅帳也著逐幅相連。

4

佇此個相連的帳路尾幅的邊仔著做藍色的紐襻；佇彼個相連的帳路尾幅的邊仔亦著按呢做。

5

你佇此領帳做五十個紐襻；閣佇第二領帳，相連的邊仔，也做五十個鈕襻，紐襻攏著二個二個相對。

6

閣著做五十個金來，互帳相連，就成做一個會幕。

7

「你著用山羊毛織十一幅的帳，做會幕頂的布棚。

8

每幅帳著長三十肘，闊四肘；十一幅帳攏著一樣的寸尺。

9

著將五幅帳連做一幅，閣將六幅帳連做一幅，彼個第六幅的一半互伊垂落佇布棚的頭前。

10

佇此個相連的帳路尾幅的邊仔著做五十個紐襻；佇彼個相連路尾幅的邊仔也做五十個紐襻。

11

閣著做五十個銅，佇紐襻，互布棚連做一個。

12

布棚的帳所剩垂落來，就是所剩彼個半幅帳，著垂佇會幕後。

13

布棚的帳所剩的長，此旁一肘，彼旁一肘，著垂佇會幕的雙旁來遮伊。

14

閣著用染紅公的羊皮做布棚的蓋；閣用海狗皮做蓋佇頂面。

15

「你著用皂莢柴做會幕豎的板。

16

豎的板長十肘，闊一肘半；

17

逐塊板著有二個榫相排。會幕一切的板攏著照按呢做。

18

著做會幕的板，南旁的南勢二十塊板。

19

佇諸個二十塊板的下面著做四十個銀臼，一塊板的下面有二個臼來穿伊二支榫，閣一塊板的下面也有二個臼來穿伊二支榫。

20

會幕第二面，就是北面，也著做板二十塊，

21

及的銀臼四十個；此個板的下面有二個臼，彼個板的下面也有二個臼。

22

會幕的後面，就是西面，著做六塊板。

23

會幕後面的二個角頭著做二塊板。

24

板的下長二個相同，直到頂面第一個環攏是完整的；二塊攏是按呢欲做角頭的路用。

25

著有八個板及十六個銀臼；此個板的下面有二個臼，彼個板的下面也有二個臼。

26

「你著用皂莢柴做橫楗：

27

為著會幕此旁的板做五支，為著會幕彼旁的板做五支，閣為會幕後的西面做五支。

28

板的對中彼支橫楗，著對此頭透到彼頭。

29

板著用金包，閣著做板的金環來套楗；楗也著用金包。

30

著照佇山頂指示你的款式起會幕。

31

「你著用藍色、紫色、朱紅色的料，及過紡的幼苧織帳簾，此個帳簾用奇巧的工織成兵來做的。

32

你著用皂莢柴做四支柱，用金包伊來吊帳簾，柱的著金的，柱佇四個銀臼頂。

33

你吊帳簾著佇的下底的所在，將法櫃扛入帳簾內；此個帳簾是給恁隔開聖所及至聖所。

34

閣著將施恩所安佇至聖所內的法櫃頂，

35

你著用桌下佇帳簾外，也用燈台下佇會幕的南勢；及桌相對，彼個桌著下佇北勢。

36

「你著用藍色、紫色、朱紅色的料，及過紡的幼苧，用　花的工做布棚門的門簾。

37

著用皂莢柴給門簾做五支柱，用金包伊。柱的著金的；閣著給柱鑄五個銅臼。」