撒母耳記上 第 12 章 - 台語漢字羅馬本

1

撒母耳給以色列眾人講：「見若恁對我所講的話，我攏有聽見，設立一個王管恁；

2

看啊，今有一個王行佇恁的面前。我已經老頭毛白，我的子攏佇恁遮。我對少年到今攏行佇恁的面前。

3

我佇遮，恁著佇耶和華的面前及伊所抹油者的面前給我做干證。我有牽是誰的牛，牽是誰的驢，欺負是誰，壓制是誰，對是誰的手受賄賂致到遮我的目睭？若有，我欲還恁。」

4

講：「你呣曾欺負阮，呣曾壓制阮，也呣曾對人的手提甚麼物。」

5

伊給講：「恁佇我的手無尋著甚麼物，今仔日耶和華對恁做干證伊所抹油者也做干證。」講：「伊做干證。」

6

撒母耳給百姓講：「前設立摩西、亞倫者，導恁的列祖出埃及的是耶和華。

7

今恁著徛，我欲佇耶和華的面前及恁辯論耶和華對恁及恁的列祖所行一切公義的事。

8

前雅各到埃及，也恁的列祖求叫耶和華，彼時耶和華就差摩西、亞倫導恁的列祖出埃及，互徛起佇此個所在。

9

總是記得耶和華──的上帝，伊就賣互夏瑣的軍長西西拉的手，及非利士人的手及摩押王的手。致到許個人來攻擊。

10

求叫耶和華講：『阮有罪啦，因為阮有離開耶和華，去服事巴力及亞斯他錄。今求你救阮脫離阮的對敵的手，阮欲服事你。』

11

耶和華就差耶路巴力、比但、耶弗他、撒母耳救恁脫離四圍的對敵的手，恁才平安徛起。

12

恁看見亞捫人的王拿轄來攻擊恁，就對我講：『呣啊，阮定著欲一個王管理阮。』其實耶和華──恁的上帝是恁的王。

13

今，看恁所揀所求的王佇遮。看啊，耶和華已經設立王管恁。

14

恁若敬畏耶和華，服事伊，聽伊的話，無違背耶和華的命令，恁及管轄恁的王也順趁耶和華──恁的上帝就好。

15

設使恁呣聽趁耶和華的話，違背耶和華的命令，耶和華的手欲攻擊恁，親像前攻擊恁的祖公一樣。

16

今恁著徛，來看耶和華佇恁的目睭前所欲行的大事。

17

今仔日豈呣是割小麥的時嗎？我求耶和華，伊欲起雷落雨，互恁也知也看出，恁為家己求設立王的事是佇耶和華的面前所犯的罪真大。」

18

對按呢撒母耳求叫耶和華，耶和華就佇此日起雷落雨，眾百姓就真驚耶和華及撒母耳。

19

眾百姓給撒母耳講：「求你替你諸個奴僕求耶和華──你的上帝，免得阮死無，因為阮為家己求一個王，真正是加添罪佇罪的頂面。」

20

撒母耳給百姓講：「莫得驚！恁雖然行此個歹，總是呣通偏離無隨耶和華，獨獨著盡心服事耶和華。

21

呣通偏離，因為偏離就是趁虛假的物無利益也無拯救的因為是虛假。

22

耶和華為著家己的大名的確無棄拺伊的百姓，因為耶和華歡喜用恁做伊的百姓。

23

論到我，替恁祈禱決斷無停息，致到得罪耶和華。我欲用好閣正直的路指示恁。

24

獨獨恁著敬畏耶和華，誠心實意服事伊，因為恁著數念伊為恁所行的事怎樣的大。

25

恁若猶原做歹，恁及恁的王欲做一下滅無。」