羅馬書 第 15 章

1

(THR) Lán chiah ê ōe ê lâng eng-kai tio̍h tam-tài bōe ê lâng ê lóan-jio̍k, m̄ thang kiû ka-kī ê hoaⁿ-hí.

(BCL) 咱諸個會的人應該著擔代的人的軟弱，呣通求家己的歡喜。

2

(THR) Lán ta̍k lâng tio̍h hō͘ chhù-piⁿ hoaⁿ-hí, hō͘ in tit-tio̍h hó lâi kiàn-lı̍p.

(BCL) 咱逐人著互厝邊歡喜，互得著好來建立。

3

(THR) In-ūi Ki-tok iā bô kiû ka-kī ê hoaⁿ-hí, chiū-sī chiàu só͘ kì-chài kóng, Lâng lóe-mē lí ê lóe-mē ū kàu tī góa.

(BCL) 因為基督也無求家己的歡喜，就是照所記載講：「人詈罵你的詈罵有到佇我。」

4

(THR) In-ūi chá só͘ kì-chài ê, lóng sī beh kà-sī lán, chiah lâi kì; hō͘ lán tùi thun-lún, tùi sèng-keng ê an-ùi, lâi tit-tio̍h ǹg-bāng.

(BCL) 因為早所記載的攏是欲教示咱才來記，互咱對吞，對聖經的安慰來得著向望。

5

(THR) Gōan siúⁿ-sù thun-lún an-ùi ê Siōng-tè hō͘ lín tāi-ke tâng sim-chì chiàu Ki-tok Iâ-so͘,

(BCL) 願賞賜吞　安慰的上帝互恁大家同心志，照基督耶穌，

6

(THR) hō͘ lín chı̍t iūⁿ sim chı̍t iūⁿ chhùi êng-kng Siōng-tè, chiū-sī lán ê Chú Iâ-so͘ Ki-tok ê Pē.

(BCL) 互恁一樣心一樣嘴榮光上帝──就是咱的主耶穌基督的父。

7

(THR) Só͘-í tio̍h saⁿ chiap-la̍p, chhin-chhiūⁿ Ki-tok iā ū chiap-la̍p lín, tì-kàu êng-kng kui tī Siōng-tè.

(BCL) 所以，著相接納，親像基督也有接納恁，致到榮光歸佇上帝。

8

(THR) In-ūi góa kóng, Ki-tok ūi-tio̍h Siōng-tè ê chin-sı̍t bat chòe hōng kat-lé ê lâng ê chhe-ēng, beh kian-kò͘ só͘ èng-ún lia̍t-chó͘ ê;

(BCL) 因為我講，基督為著上帝的真實曾做奉割禮的人的差用，欲堅固所應允列祖的，

9

(THR) iā hō͘ gōa-pang lâng ūi-tio̍h lîn-bín kui êng-kng Siōng-tè, chiàu só͘ kì-chài, kóng, In-ūi án-ni góa tī gōa-pang tiong beh chheng-ho͘ lí, Chhiùⁿ koa o-ló lí ê miâ.

(BCL) 也互外邦人為著憐憫歸榮光上帝。照所記載講：因為按呢我佇外邦中欲稱呼你，唱歌謳咾你的名；

10

(THR) Koh kóng, Lín gōa-pang lâng, tio̍h kap I ê peh-sìⁿ tâng hoaⁿ-hí.

(BCL) 閣講：恁外邦人著及伊的百姓同歡喜。

11

(THR) Iū-koh kóng, Lín chèng gōa-pang tio̍h chheng-chàn Chú, Lín bān peh-sìⁿ tio̍h o-ló I.

(BCL) 又閣講：恁眾外邦著稱讚主！恁萬百姓著謳咾伊！

12

(THR) Iū-koh Í-sài-a kóng, Beh ū Iâ-se ê kun-thâu, Kap heng-khí lâi tī-lí gōa-pang ê, Gōa-pang beh óa-khò I lâi ū ǹg-bāng.

(BCL) 又閣以賽亞講：欲有耶西的根頭，及興起來治理外邦的；外邦欲倚靠伊來有向望。

13

(THR) Gōan siúⁿ-sù ǹg-bāng ê Siōng-tè hō͘ lín tùi sìn lâi chhiong-móa ta̍k iūⁿ ê hoaⁿ-hí pêng-an; hō͘ lín tī Sèng Sîn ê kôan-lêng tit-tio̍h móa-móa ê ǹg-bāng.

(BCL) 願賞賜向望的上帝，互恁對信來充滿逐樣的歡喜、平安，互恁佇聖神的權能得著滿滿的向望。

14

(THR) Góa ê hiaⁿ-tī ah, góa ka-kī iā chhim sìn lín móa-móa siān-liông, chhiong-chiok ta̍k iūⁿ ê tì-sek, iā ōe tāi-ke saⁿ khòan-bián.

(BCL) 我的兄弟啊，我家己也深信恁滿滿善良，充足逐樣的智識，也會大家相勸勉。

15

(THR) Chóng-sī góa siá phoe hō͘ lín, ū tām-po̍h khah hó-táⁿ, beh hō͘ lín koh ōe kì-tit; che sī tùi Siōng-tè só͘ hō͘ góa ê un-tián,

(BCL) 總是我寫批互恁有淡薄卡好膽，欲互恁閣會記得，這是對上帝所互我的恩典，

16

(THR) hō͘ góa tī gōa-pang chòe Ki-tok Iâ-so͘ ê chip-sū, ēng Siōng-tè ê hok-im lâi ho̍k-sāi, beh hō͘ só͘ hiàn ê gōa-pang lâng, tī Sèng Sîn chiâⁿ-sèng ê tit-tio̍h chiap-la̍p.

(BCL) 互我佇外邦做基督耶穌的執事，用上帝的福音來服事，欲互所獻的外邦人，佇聖神成聖的得著接納。

17

(THR) Só͘-í lūn Siōng-tè ê sū, góa tī Ki-tok Iâ-so͘ ū thang khoa-kháu.

(BCL) 所以論上帝的事，我佇基督耶穌有通誇口。

18

(THR) In-ūi tû Ki-tok ēng góa só͘ kiâⁿ ê í-gōa, góa m̄ káⁿ kóng sím-mı̍h; chí ū kóng I ēng góa ê giân-gú kap kiâⁿ-chòe,

(BCL) 因為除基督用我所行的以外，我呣敢講甚麼，只有講伊用我的言語及行做，佇神蹟及奇事的權能，及佇聖神的權能，互外邦順服；

19

(THR) tī sîn-jiah kap kî-sū ê kôan-lêng, kap tī Sèng Sîn ê kôan-lêng, hō͘ gōa-pang sūn-ho̍k; án-ni góa tùi Iâ-lō͘-sat-léng se̍h kàu Í-lī-lí-kó͘, piàn thôan Ki-tok ê hok-im.

(BCL) 按呢我對耶路撒冷踅到以利哩古，遍傳基督的福音。

20

(THR) Koh góa lı̍p-chì thôan hok-im bô tī Ki-tok í-keng siū chheng-ho͘ ê só͘-chāi, kiaⁿ-liáu khí tī pa̍t lâng ê tōe-ki téng;

(BCL) 閣我立志傳福音無佇基督已經受稱呼的所在，驚了起佇別人的地基頂。

21

(THR) chiū-sī chiàu só͘ kì-chài kóng, Bē tit-tio̍h I ê siau-sit ê beh khòaⁿ-kìⁿ, Bē thiaⁿ-kìⁿ ê beh hiáu-ngō͘.

(BCL) 就是照所記載講：未得著伊的消息的，欲看見；未聽見的，欲曉悟。

22

(THR) In-ūi án-ni góa chōe-chōe pái tú-tio̍h chó͘-tòng, bōe tit thang chiū-kūn lín;

(BCL) 因為按呢我多多擺抵著阻擋，得通就近恁。

23

(THR) nā-sī hiān-kim tī chiah ê tōe-hng bô koh ū só͘-chāi thang khì, í-keng chōe-chōe nî ū him-bō͘ beh chiū-kūn lín;

(BCL) 若是現今，佇諸個地方無閣有所在通去，已經多多年有欣慕欲就近恁，聽候我去士斑雅的時，

24

(THR) thèng-hāu góa khì Sū-pan-ngá ê sî, (in-ūi góa ǹg-bāng keng-kè ê sî kìⁿ-tio̍h lín, tāi-seng kap lín kau-pôe lio̍h-lio̍h-á móa-ì, āu-lâi tit-tio̍h lín sòng-hêng khì hia);

(BCL) 因為我向望經過的時，見著恁，代先及恁交陪略略仔滿意，後來得著恁送行去遐。

25

(THR) chóng-sī hiān-chāi góa khì Iâ-lō͘-sat-léng kiong-kip sèng-tô͘.

(BCL) 總是現在，我去耶路撒冷供給聖徒。

26

(THR) In-ūi Má-kî-tùn A-kai-a lâng hoaⁿ-hí saⁿ-kap tôe-iân pang-chān Iâ-lō͘-sat-léng sèng-tô͘ tiong ê sòng-hiong lâng.

(BCL) 因為馬其頓、亞該亞人歡喜相及兌捐幫助耶路撒冷聖徒中的喪鄉人。

27

(THR) In chin-chiàⁿ sī hoaⁿ-hí; khiok iā sī khiàm in ê chè. In-ūi gōa-pang lâng kì-jiân saⁿ-kap ū hūn tī in sîn-lêng ê sū, chū-jiân tio̍h ēng jio̍k-thé ê mı̍h ho̍k-sāi in.

(BCL) 真正是歡喜，卻也是欠的債；因為外邦人既然相及有份佇神靈的事，自然著用肉體的物服事。

28

(THR) Thèng-hāu góa chòe ôan chit ê sū, chiong chit ê iân-hāng kau-hù in bêng-pe̍k, góa beh tùi lín hia khì Sū-pan-ngá.

(BCL) 聽候我做完此個事，將此個捐項交付明白，我欲對恁遐去士斑雅。

29

(THR) Góa iā chai chiū-kūn lín ê sî, beh ū Ki-tok hong-sēng ê chiok-hok sūn-sòa khì.

(BCL) 我也知就近恁的時，欲有基督豐盛的祝福順續去。

30

(THR) Hiaⁿ-tī ah, góa tùi lán ê Chú Iâ-so͘ Ki-tok, iā tùi Sèng Sîn ê thiàⁿ, khǹg lín kap góa tâng chīn-la̍t, thòe góa kî-kiû Siōng-tè,

(BCL) 兄弟啊，我對咱的主耶穌基督，也對聖神的疼，勸恁及我同盡力，替我祈求上帝，

31

(THR) kiù góa thoat-lī Iû-thài tōe hiah ê m̄ sūn-ho̍k ê lâng, iā hō͘ góa ūi-tio̍h Iâ-lō͘-sat-léng só͘ chòe kiong-kip ê sū tit-tio̍h sèng-tô͘ chiap-la̍p;

(BCL) 救我脫離猶太地許個呣順服的人，也互我為著耶路撒冷所做供給的事得著聖徒接納，

32

(THR) hō͘ góa tùi Siōng-tè ê chí-ì kàu lín hia ū hoaⁿ-hí, iā kap lín saⁿ-kap tit-tio̍h an-hioh.

(BCL) 互我對上帝的旨意到恁遐有歡喜，也及恁相及得著安息。

33

(THR) Gōan siúⁿ-sù pêng-an ê Siōng-tè kap lín chèng lâng tī-teh: À-bēng.

(BCL) 願賞賜平安的上帝及恁眾人佇。阿們！

Bible Color Mark

• 台語漢字羅馬本
• 巴克禮全羅