民數記 第 35 章

1

(THR) Iâ-hô-hoa tī Mô͘-ap ê pîⁿ-iûⁿ, Iok-tàn hô-piⁿ, Iâ-lī-ko tùi-bīn, hoan-hù Mô͘-se kóng,

(BCL) 耶和華佇摩押的平洋──約但河邊、耶利哥對面吩咐摩西講：

2

(THR) Lí bēng-lēng Í-sek-lia̍t lâng, tio̍h tùi in só͘ tit-tio̍h ê gia̍p, ēng siâⁿ hō͘ Lī-bī lâng khiā-khí; iā tio̍h ēng siâⁿ sì-ûi ê kau-iá hō͘ Lī-bī lâng.

(BCL) 「你命令以色列人，著對所得著的業用城互利未人徛起，也著用城四圍的郊野互利未人。

3

(THR) Siâⁿ beh hō͘ in khiā-khí; kau-iá beh chòe in ê gû, iûⁿ, châi-bu̍t, kap ta̍k-iūⁿ cheng-siⁿ ê lō͘-ēng.

(BCL) 城欲互徛起，郊野欲做的牛、羊、財物，及逐樣精牲的路用。

4

(THR) Lín só͘ hō͘ Lī-bī lâng siâⁿ-gōa ê kau-iá, tùi siâⁿ-kha sì-ûi niû-chhut chı̍t-chheng tiú.

(BCL) 恁所互利未人城外的郊野，對城腳四圍量出一千肘。

5

(THR) Lí tī siâⁿ-gōa niû i, tang-sì nn̄g-chheng tiú, lâm-sì nn̄g-chheng tiú, sai-sì nn̄g-chheng tiú, pak-sì nn̄g-chheng tiú, siâⁿ tī tiong-ng; che sī beh hō͘ in chòe siâⁿ ê kau-iá.

(BCL) 你佇城外量伊，東勢二千肘，南勢二千肘，西勢二千肘，北勢二千肘，城佇中央；這是欲互做城的郊野。

6

(THR) Lín só͘ hō͘ Lī-bī lâng hiah ê siâⁿ, kî-tiong tio̍h la̍k ê tô-siám ê siâⁿ; lín tio̍h siat-lı̍p i, hō͘ thâi-sí lâng-ê thang tô-cháu tī-hia; chiah-ê í-gōa, tio̍h koh hō͘ in sì-cha̍p-jī ê siâⁿ.

(BCL) 恁所互利未人許個城，其中著六個逃閃的城，恁著設立伊互死人的通逃走佇遐。諸個以外著閣互四十二個城。

7

(THR) Lín tio̍h hō͘ Lī-bī lâng ê siâⁿ, kiōng sì-cha̍p-poeh; siâⁿ kap kau-iá, lóng tio̍h hō͘ in.

(BCL) 恁著互利未人的城，共四十八，城及郊野攏著互。

8

(THR) Lūn-kàu lín tùi Í-sek-lia̍t lâng ê sán-gia̍p-tiong, só͘ hō͘ Lī-bī lâng ê siâⁿ, tùi gia̍p chōe-ê, chhú khah-chōe siâⁿ, tùi gia̍p chió-ê, chhú chió; kok chiàu só͘ sêng-chiap ê gia̍p poah-chhut siâⁿ hō͘ Lī-bī lâng.

(BCL) 論到恁對以色列人的產業中所互利未人的城；對業多的取卡多城，對業少的取少；各照所承接的業撥出城互利未人。」

9

(THR) Iâ-hô-hoa hoan-hù Mô͘-se kóng,

(BCL) 耶和華吩咐摩西講：

10

(THR) Lí tio̍h hoan-hù Í-sek-lia̍t lâng, kā in kóng, Lín kè Iok-tàn hô, jı̍p Ka-lâm tōe,

(BCL) 「你著吩咐以色列人給講：恁過約但河，入迦南地，

11

(THR) chiū tio̍h poah-chhut kúi ê siâⁿ, hō͘ lín chòe tô-siám ê siâⁿ, hō͘ chhò-gō͘ thâi-sí lâng ê hiong-sin thang tô-cháu tī-hia.

(BCL) 就著撥出幾個城，互恁做逃閃的城，互錯誤死人的兇身通逃走佇遐。

12

(THR) Chiah ê siâⁿ thang hō͘ lín siám-pī hit ê pò-siû ê lâng, hō͘ hiong-sin bô tì-kàu sí; thèng-hāu i khiā tī hōe-chiòng ê bīn-chêng siū sím-phòaⁿ.

(BCL) 諸個城通互恁閃避彼個報仇的人，互兇身無致到死，聽候伊徛佇會眾的面前受審判。

13

(THR) Lín só͘ poah-chhut-lâi ê siâⁿ, tio̍h chòe lín la̍k ê tô-siám ê siâⁿ.

(BCL) 恁所撥出來的城，著做恁六個逃閃的城。

14

(THR) Tī Iok-tàn hô-gōa tio̍h poah-chhut saⁿ ê siâⁿ, tī Ka-lâm tōe iā tio̍h poah-chhut saⁿ ê siâⁿ, chòe tô-siám ê siâⁿ.

(BCL) 佇約但河外著撥出三個城，佇迦南地也著撥出三個城，做逃閃的城。

15

(THR) Chit la̍k ê siâⁿ tio̍h hō͘ Í-sek-lia̍t lâng, kap in tiong-kan ê chhut-gōa lâng, kap kià-kha-ê, chòe tô-siám ê lō͘-ēng; hō͘ chhò-gō͘ thâi-lâng-ê thang cháu-khì hia.

(BCL) 此六個城著互以色列人及中間的出外人，及寄腳的，做逃閃的路用，互錯誤人的通走去遐。

16

(THR) Siat-sú lâng ēng thih-khì phah lâng, tì-kàu sí, i chiū-sī hiong-hōan, hiong-hōan tek-khak tio̍h hō͘ i sí.

(BCL) 「設使人用鐵器拍人，致到死，伊就是兇犯；兇犯的確著互伊死。

17

(THR) I ê chhiú nā ēng ōe hō͘ lâng sí ê chio̍h tìm lâng, tì-kàu lâng sí, i chiū-sī hiong-hōan, hiong-hōan tek-khak tio̍h sí.

(BCL) 伊的手若用會互人死的石擲人，致到人死，伊就是兇犯；兇犯的確著死。

18

(THR) I ê chhiú nā ēng ōe hō͘ lâng sí ê chhâ phah lâng, tì-kàu lâng sí, i chiū-sī hiong-hōan, hiong-hōan tek-khak tio̍h sí.

(BCL) 伊的手若用會互人死的柴拍人，致到人死，伊就是兇犯；兇犯的確著死。

19

(THR) Pò jîn-bēng-ê, pún-sin tio̍h thâi-sí hit ê hiong-hōan; chı̍t-ē tú-tio̍h-i chiū tio̍h thâi i.

(BCL) 報人命的本身著死彼個兇犯，一下抵著伊就著伊。

20

(THR) Lâng nā òan-hūn hit-lâng lâi kā i chhia-tó, á-sī bih-teh ēng-mı̍h tìm i, tì-kàu sí;

(BCL) 人若怨恨彼人來給伊捙倒，抑是匿用物擲伊，致到死，

21

(THR) kiám-chhái in-ūi hia̍p-hūn ēng chhiú phah lâng tì-kàu sí, chiū hit ê phah-lâng-ê tek-khak tio̍h sí, in-ūi i chin-chiàⁿ sī hiong-hōan, pò jîn-bēng-ê tú-tio̍h hiong-hōan, chiū thâi-sí i.

(BCL) 豈採因為挾恨用手拍人，致到死，就彼個拍人的的確著死。因為伊真正是兇犯；報人命的抵著兇犯就死伊。

22

(THR) Siat-sú lâng bô hia̍p-hūn, hut-jiân chhia i, á-sī bô bih-teh, ēng mı̍h tìm i;

(BCL) 「設使人無挾恨，忽然捙伊，抑是無匿用物擲伊，

23

(THR) á-sī bô khòaⁿ-kìⁿ ê sî, ēng ōe-phah-sí lâng ê chio̍h-thâu tìm-tio̍h i, lâi tì-kàu sí, kap i pún bô oan-siû, iā bô ì-sù beh hāi i,

(BCL) 抑是無看見的時用會拍死人的石頭擲著伊，來致到死，及伊本無冤讎，也無意思欲害伊。

24

(THR) hōe-chiòng chiū tio̍h chiàu hiah ê hoat-tō͘, tī phah-sí-lâng-ê kap pò jîn-bēng-ê ê tiong-kan sím-phòaⁿ i.

(BCL) 會眾就著照許個法度，佇拍死人的及報人命者的中間審判伊。

25

(THR) Hōe-chiòng tio̍h kiù hit ê chhò-gō͘ thâi-lâng-ê thoat-lī pò jîn-bēng-ê ê chhiú; hōe-chiòng iā tio̍h hō͘ i tò-tńg i só͘ cháu-jı̍p tô-siám ê siâⁿ, i tio̍h tiàm tī hí lāi-bīn, thèng-hāu kàu boah sèng-iû ê chè-si-thâu sí.

(BCL) 會眾著救彼個錯誤人的脫離報人命者的手，會眾也著互伊倒轉伊所走入逃閃的城。伊著踮佇彼內面，聽候到抹聖油的祭司頭死。

26

(THR) Chóng-sī chhò-gō͘ thâi-sí-lâng-ê, bô-lūn cháiⁿ-iūⁿ, nā chhut-khì i só͘ cháu-jı̍p tô-siám ê siâⁿ ê kéng-gōa,

(BCL) 總是錯誤死人的，無論怎樣，若出去伊所走入逃閃的城的境外，

27

(THR) pò-jîn-bēng-ê nā tī tô-siám ê siâⁿ ê kéng-gōa tú-tio̍h i, lâi thâi-sí hit ê hiong-hōan, pò-jîn-bēng-ê chiū bô thâi-sí lâng ê chōe.

(BCL) 報人命的若佇逃閃的城的境外抵著伊，來死彼個兇犯，報人命的就無死人的罪。

28

(THR) In-ūi i eng-kai tio̍h tiàm i tô-siám ê siâⁿ, thèng-hāu chè-si-thâu sí; chè-si-thâu sí liáu-āu, chhò-gō͘ thâi-lâng-ê chiah thang tò-khì i sán-gia̍p ê tōe.

(BCL) 因為伊應該著踮伊逃閃的城，聽候祭司頭死。祭司頭死了後，錯誤人的才通倒去伊產業的地。

29

(THR) Che tī lín it-chhè khiā-khí ê só͘-chāi beh chòe lín ta̍k sè-tāi ê hoat-lu̍t.

(BCL) 這佇恁一切徛起的所在，欲做恁恁逐世代的法律。

30

(THR) Kìⁿ-nā thâi-sí lâng, hit ê hiong-hōan tio̍h chiàu kúi-nā ê kan-chèng ê lâng ê ōe lâi hō͘ i sí; nā chí-ū chı̍t-lâng chòe kan-chèng, chiū m̄-thang hō͘ lâng sí.

(BCL) 「見若死人，彼個兇犯著照幾若個干證的人的話來互伊死，若只有一人做干證就呣通互人死。

31

(THR) Thâi-sí-lâng hōan-tio̍h sí-chōe ê, lín m̄-thang siu sio̍k-hôe sìⁿ-miā ê kè-chîⁿ; tek-khak tio̍h hō͘ i sí.

(BCL) 死人、犯著死罪的，恁呣通收贖回生命的價錢；的確著互伊死。

32

(THR) Hit ê cháu kàu tô-siám ê siâⁿ ê lâng, lín m̄-thang kā i the̍h sio̍k-hôe ê kè, hō͘ i tī chè-si bē sí ê tāi-seng, koh lâi tiàm pún-tōe.

(BCL) 彼個走到逃閃的城的人，恁呣通給伊提贖回的價，互伊佇祭司未死的代先閣來踮本地。

33

(THR) Án-ni, lín chiū bô phah lâ-sâm lín só͘ khiā-khí ê tōe; in-ūi huih sī phah lâ-sâm tōe ê; nā ū huih lâu tī tōe-nı̍h, siat-sú m̄-sī lâu hit ê thâi-lâng-ê ê huih, hit ê tōe chiū bōe tit-tio̍h chheng-khì.

(BCL) 按呢，恁就無拍垃墋恁所徛起的地，因為血是拍垃墋地的；若有血流佇地裡，設使呣是流彼個人者的血，彼個地就得著清氣。

34

(THR) Lín m̄-thang phah lâ-sâm lín só͘ tiàm ê tōe, chiū-sī Góa tiàm tī hit tiong-kan ê tōe; in-ūi Góa Iâ-hô-hoa tiàm tī Í-sek-lia̍t lâng ê tiong-kan.

(BCL) 恁呣通拍垃墋恁所踮的地，就是我踮佇彼中間的地，因為我──耶和華踮佇以色列人的中間。」

Bible Color Mark

• 台語漢字羅馬本
• 巴克禮全羅