馬太福音 第 10 章

1

(THR) Iâ-so͘ chiū kiò I cha̍p-jī ê ha̍k-seng lâi, hō͘ in ū chè-ap siâ-sîn ê kôan, lâi kóaⁿ-tio̍k in, sòa i-hó ta̍k iūⁿ ê chèng-thâu, ta̍k iūⁿ ê pīⁿ-thiàⁿ.

(BCL) 耶穌就叫伊十二個學生來，互有制壓邪神的權，來趕逐，續醫好逐樣的症頭逐樣的病疼。

2

(THR) Cha̍p-jī sù-tô͘ ê miâ chiū-sī chiah-ê: thâu-chı̍t-ê Se-bûn( kiò chòe Pí-tek), kap i ê hiaⁿ-tī An-tek-lia̍t; Se-pí-thài ê kiáⁿ Ngá-kok, kap i ê hiaⁿ-tī Iok-hān;

(BCL) 十二使徒的名就是諸個：頭一個西門（叫做彼得），及伊的兄弟安得烈，西庇太的子雅各及伊的兄弟約翰，

3

(THR) Hui-le̍k, kap Pa-to-lô-mái; To-má, kap thiu-hiòng ê Má-thài; A-le̍k-hui ê kiáⁿ Ngá-kok, kap Ta̍t-thài;

(BCL) 腓力及巴多羅買，多馬及抽餉的馬太，亞勒腓的子雅各，及達太，

4

(THR) Ka-ná-nî ê Se-bûn, kap Ka-lio̍k lâng Iû-tāi, chiū-sī bōe Iâ-so͘ ê.

(BCL) 加拿尼的西門，及加略人猶大就是賣耶穌的。

5

(THR) Iâ-so͘ chhe chí cha̍p-jī lâng, sòa hoan-hù in kóng, Gōa-pang ê lō͘ bo̍h-tit kiâⁿ, Sat-má-lī-a lâng ê siâⁿ bo̍h-tit jı̍p;

(BCL) 耶穌差此十二人，續吩咐講：「外邦的路，莫得行；撒瑪利亞人的城，莫得入；

6

(THR) khah hó tio̍h khì chiū-kūn Í-sek-lia̍t ke sit-lo̍h ê iûⁿ.

(BCL) 卡好著去就近以色列家失落的羊，

7

(THR) Kiâⁿ ê sî, tio̍h thôan kóng, Thian-kok kūn lah.

(BCL) 行的時著傳，講『天國近啦！』

8

(THR) I-hó ū pīⁿ ê; hō͘ sí ê koh-o̍ah; hō͘ thái-ko ê chheng-khì; kóaⁿ kúi; lín pe̍h-pe̍h tit-tio̍h, tio̍h pe̍h-pe̍h hō͘ lâng.

(BCL) 醫好有病的，互死的復活，互癩的清氣，趕鬼。恁白白得著，著白白互人。

9

(THR) Lín ê io-tó͘ lāi, lóng m̄-thang ū kim, gûn, tâng;

(BCL) 恁的腰肚內，攏呣通有金銀銅；

10

(THR) lō͘-nı̍h ia̍h bo̍h-tit ū tah-liân, bo̍h-tit nn̄g niá saⁿ, bo̍h-tit ôe, bo̍h-tit kóaiⁿ-á; in-ūi chòe-kang lâng kham-tit tit-tio̍h i ê lim-chia̍h.

(BCL) 路裡亦莫得有褡褳；莫得二領衫，莫得鞋，莫得枴仔。因為做工人堪得得著伊的飲食。

11

(THR) Lín só͘ jı̍p ê, bô lūn sím-mı̍h siâⁿ, sím-mı̍h hiuⁿ-lí, tio̍h thàm-thiaⁿ kî-tiong chī-chūi ōe kham-tit, chiū tiàm tī hia, kàu lī-khui ê sî.

(BCL) 恁所入的無論甚麼城，甚麼鄉里，著探聽其中是誰會堪得，就佇遐，到離開的時。

12

(THR) Jı̍p hit ê chhù, tio̍h kā i chhéng-an.

(BCL) 入彼個厝，著給伊請安。

13

(THR) Hit ê chhù nā ōe kham-tit, chiū hō͘ lín ê pêng-an kàu tī i; nā bōe kham-tit, chiū hō͘ lín ê pêng-an kui tī lín.

(BCL) 彼個厝若會堪得，就互恁的平安到佇伊，若堪得，就互恁的平安歸佇恁。

14

(THR) Kìⁿ-nā m̄ chiap-la̍p lín, m̄ thiaⁿ lín ê ōe ê, chhut hit ê chhù, hit ê siâⁿ ê sî, tio̍h pōaⁿ-khì lín kha-nı̍h ê thô͘-hún.

(BCL) 見若呣接納恁、呣聽恁的話的，出彼個厝，彼個城的時，著拂去恁腳裡的土粉。

15

(THR) Góa sı̍t-chāi kā lín kóng, Tng sím-phòaⁿ ê jı̍t, Só͘-to-má kap Gô͘-mô͘-la̍h ê tōe-hng pí hit ê siâⁿ iáu khah khòai tam-tng.

(BCL) 我實在給恁講，當審判的日，所多瑪及蛾摩拉的地方，比彼個城猶卡快擔當！」

16

(THR) Taⁿ góa chhe lín chhin-chhiūⁿ iûⁿ tī chhâi-lông ê tiong-kan; só͘-í lín tio̍h tì-sek chhin-chhiūⁿ chôa, sûn-liông chhin-chhiūⁿ chíⁿ-á.

(BCL) 「今我差恁，親像羊佇豺狼的中間；所以恁著智識親像蛇，純良親像鴿仔。

17

(THR) Chóng-sī tio̍h tî-hông lâng; in-ūi in beh chiong lín kau hō͘ kong-hōe, ia̍h beh tī lín ê hōe-tn̂g piⁿ-phah lín;

(BCL) 總是著持防人；因為欲將恁交互公會，亦欲佇的會堂鞭拍恁，

18

(THR) koh lín ia̍h beh ūi-tio̍h góa ê iân-kò͘, siū thoa kàu chóng-tok kap kun-ông ê bīn-chêng, lâi chòe kan-chèng tī in kap gōa-pang lâng.

(BCL) 閣恁亦欲為著我的緣故受拖到總督及君王的面前，來做干證佇及外邦人。

19

(THR) Nā-sī lín siū sàng-kau ê sî, bo̍h-tit khòa-lū beh cháiⁿ-iūⁿ kóng, á-sī kóng sím-mı̍h ōe; in-ūi só͘ tio̍h kóng ê, beh tī hit sî siúⁿ-sù lín.

(BCL) 若是恁受送交的時，莫得掛慮欲怎樣講，抑是講甚麼話。因為所著講的，欲佇彼時賞賜恁；

20

(THR) In-ūi m̄ sī lín ka-kī kóng, sī lín ê Pē ê Sîn tiàm-tī lín teh kóng.

(BCL) 因為呣是恁家己講，是恁的父的神佇恁講。

21

(THR) Hiaⁿ-tī beh chiong hiaⁿ-tī sàng-kau khì sí, pē khóan-thāi kiáⁿ ia̍h án-ni; kiáⁿ-jî beh khí-lâi kong-kek pē-bú, hō͘ in sí.

(BCL) 兄弟欲將兄弟送交去死，父款待子亦按呢；子兒欲起來攻擊父母，互死；

22

(THR) Ia̍h lín in-ūi góa ê miâ beh hō͘ chèng lâng òan-hūn, to̍k-to̍k thun-lún kàu lō͘-bé ê, i beh tit-tio̍h kiù.

(BCL) 亦恁因為我的名欲互眾人怨恨。獨獨吞到路尾的伊欲得著救。

23

(THR) Tī chit ê siâⁿ khún-tio̍k lín, tio̍h cháu kàu hit siâⁿ; góa sı̍t-chāi kā lín kóng, Í-sek-lia̍t chiah ê siâⁿ, lín kiâⁿ bē thàng, Jîn-chú chiū kàu.

(BCL) 佇此個城窘逐恁，著走到彼城。我實在給恁講，以色列諸個城，恁行未，人子就到。

24

(THR) Ha̍k-seng bōe pôaⁿ-kè sian-siⁿ, lô͘-po̍k bōe pôaⁿ-kè chú-lâng.

(BCL) 學生過先生；奴僕過主人。

25

(THR) Ha̍k-seng chhin-chhiūⁿ sian-siⁿ, lô͘-po̍k chhin-chhiūⁿ chú-lâng, chiū kàu-gia̍h. Lâng kì-jiân kiò ke-chú chòe Pia̍t-se-pok, hô-hòng kiò i ke-lāi ê lâng.

(BCL) 學生親像先生，奴僕親像主人，就夠額。人既然叫家主做別西卜，何況叫伊家內的人？」

26

(THR) Só͘-í bo̍h-tit kiaⁿ in; in-ūi bô ū khàm-ba̍t āu-lâi bô lō͘-chhut ê sū; ia̍h bô ū ún-ba̍t āu-lâi bô hō͘ lâng chai ê.

(BCL) 「所以，莫得驚；因為無有蓋密後來無露出的事，亦無有隱密後來無互人知的。

27

(THR) Góa tī àm-tiong kā lín kóng ê, lín tio̍h tī kng-bêng ê só͘-chāi kóng-chhut; àⁿ tī hī-khang kā lín kóng ê, tio̍h tī chhù-téng thôan i.

(BCL) 我佇暗中給恁講的，恁著佇光明的所在講出；俯佇耳孔給恁講的，著佇厝頂傳伊。

28

(THR) Hiah ê hāi-sí sin-khu, bōe hāi-sí lêng-hûn ê, bo̍h-tit kiaⁿ in; to̍k-to̍k hit-ê ōe bia̍t lêng-hûn kap sin-khu tī tē-ge̍k ê, khah tio̍h kiaⁿ.

(BCL) 許個害死身軀、害死靈魂的，莫得驚；獨獨彼個會滅靈魂及身軀佇地獄的，卡著驚。

29

(THR) Nn̄g chiah chhek-chiáu-á kiám m̄ sī bōe chı̍t hun gûn mah? nā m̄ sī lín ê Pē ū chún, chı̍t chiah ia̍h bōe ka-la̍uh tōe;

(BCL) 二隻雀鳥仔豈呣是賣一分銀嗎？若呣是恁的父有准，一隻亦磕落地；

30

(THR) chiū lín ê thâu-mn̂g ia̍h lóng kè-sǹg.

(BCL) 就恁的頭毛亦攏過算。

31

(THR) Só͘-í lín bo̍h-tit kiaⁿ; lín pí chōe-chōe chhek-chiáu-á khah kùi-khì.

(BCL) 所以，恁莫得驚，恁比多多雀鳥仔卡貴氣！」

32

(THR) Só͘-í kìⁿ-nā tī lâng ê bīn-chêng jīn góa ê, góa ia̍h tī góa tī thiⁿ-nı̍h ê Pē ê bīn-chêng beh jīn i.

(BCL) 「所以見若佇人的面前認我的，我亦佇我佇天裡的父的面前欲認伊；

33

(THR) Kìⁿ-nā tī lâng ê bīn-chêng m̄ jīn góa ê, góa ia̍h tī góa tī thiⁿ-nı̍h ê Pē ê bīn-chêng beh m̄ jīn i.

(BCL) 見若佇人的面前呣認我的，我亦佇我佇天裡的父的面前欲呣認伊。」

34

(THR) Bo̍h-tit phah-sǹg góa lâi sī beh hō͘ tōe-chiūⁿ hô-pêng; góa lâi m̄ sī beh hō͘ i hô-pêng, chiū-sī hiat-lo̍h to-kiàm.

(BCL) 「莫得拍算我來是欲互地上和平；我來呣是欲互伊和平，就是落刀劍。

35

(THR) In-ūi góa lâi, sī hō͘ kiáⁿ kap i ê lāu-pē cho̍at-chêng, cha-bó͘-kiáⁿ kap i ê lāu-bú, sim-pū kap i ê ta-ke, ia̍h beh án-ni.

(BCL) 因為我來是互子及伊的老父絕情，查某子及伊的老母，媳婦及伊的乾家，亦欲按呢。

36

(THR) Koh lâng ê tùi-te̍k chiū-sī i ka-kī ke-lāi ê lâng.

(BCL) 閣人的對敵就是伊家己家內的人。

37

(THR) Thiàⁿ pē-bú khah kè-thâu tī thiàⁿ góa ê, bōe kham-tit tī góa; thiàⁿ kiáⁿ cha-bó͘-kiáⁿ khah kè-thâu tī thiàⁿ góa ê, bōe kham-tit tī góa;

(BCL) 「疼父母卡過頭佇疼我的，堪得佇我；疼子查某子卡過頭佇疼我的，堪得佇我；

38

(THR) m̄ pē ka-kī ê sı̍p-jī-kè lâi tè tī góa ê āu-bīn ê, ia̍h bōe kham-tit tī góa.

(BCL) 呣背家己的十字架來隨佇我的後面的，亦堪得佇我。

39

(THR) Tit-tio̍h i ê sìⁿ-miā ê lâng, beh sit-lo̍h i; ūi-tio̍h góa sit-lo̍h i ê sìⁿ-miā ê lâng, beh tit-tio̍h i.

(BCL) 得著伊的生命的人，欲失落伊；為著我失落伊的生命的人，欲得著伊。」

40

(THR) Chiap-la̍p lín ê, chiū-sī chiap-la̍p góa; chiap-la̍p góa ê, chiū-sī chiap-la̍p chhe góa ê.

(BCL) 「接納恁的就是接納我；接納我的就是接納差我的。

41

(THR) Ūi-tio̍h sian-ti ê miâ lâi chiap-la̍p sian-ti ê, beh tit-tio̍h sian-ti ê siúⁿ; ūi-tio̍h gī lâng ê miâ lâi chiap-la̍p gī lâng ê, beh tit-tio̍h gī lâng ê siúⁿ.

(BCL) 為著先知的名來接納先知的，欲得著先知的賞；為著義人的名來接納義人的，欲得著義人的賞。

42

(THR) Kìⁿ-nā ūi-tio̍h ha̍k-seng ê miâ, kan-ta ēng chı̍t poe léng-chúi hō͘ chiah ê sòe-kiáⁿ ê chı̍t ê lim ê, góa sı̍t-chāi kā lín kóng, i koat-tòan bōe sit-lo̍h i ê siúⁿ.

(BCL) 見若為著學生的名，干單用一杯冷水互諸個細子的一個飲的，我實在給恁講，伊決斷失落伊的賞。」

Bible Color Mark

• 台語漢字羅馬本
• 巴克禮全羅