路加福音 第 15 章

1

(THR) Chèng thiu-hiòng ê kap pháiⁿ lâng teh chiū-kūn Iâ-so͘ lâi thiaⁿ I.

(BCL) 眾抽餉的及歹人就近耶穌來聽伊。

2

(THR) Hoat-lī-sài lâng kap keng-ha̍k-sū nga̍uh-nga̍uh-liām kóng, Chit ê lâng chiap-la̍p pháiⁿ lâng, sòa kap in chia̍h.

(BCL) 法利賽人及經學士耦耦唸講：「此個人接納歹人，續及食。」

3

(THR) Iâ-so͘ siat chit ê phì-jū tùi in kóng,

(BCL) 耶穌設此個譬喻對講：

4

(THR) Lín tiong-kan sím-mı̍h lâng ū chı̍t-pah chiah iûⁿ, sit-lo̍h chı̍t chiah, kiám bô chhiáⁿ pàng káu-cha̍p-káu chiah tī soaⁿ-nı̍h, khì chhē só͘ sit-lo̍h ê kàu tit-tio̍h mah?

(BCL) 「恁中間甚麼人有一百隻羊失落一隻，豈無且放九十九隻佇山裡，去尋所失落的，到得著嗎？

5

(THR) Í-keng chhē-tio̍h chiū hoaⁿ-hí, pē i tī keng-thâu téng.

(BCL) 已經尋著，就歡喜背伊佇肩頭頂，

6

(THR) Kàu chhù chiū chū-chı̍p i ê pêng-iú chhù-piⁿ, kā in kóng, Tio̍h kap góa hoaⁿ-hí, in-ūi só͘ sit-lo̍h ê iûⁿ góa í-keng chhē-tio̍h.

(BCL) 到厝，就聚集伊的朋友厝邊，給講：『著及我歡喜，因為所失落的羊我已經尋著。』

7

(THR) Góa kā lín kóng, Pháiⁿ lâng tiong ū chı̍t lâng hóan-hóe, chiū tī thiⁿ-nı̍h iā beh án-ni ūi-tio̍h i hoaⁿ-hí, pí ūi-tio̍h káu-cha̍p-káu ê gī lâng m̄ bián hóan-hóe ê, koh khah hoaⁿ-hí.

(BCL) 我給恁講，歹人中有一人反悔，就佇天裡也欲按呢為著伊歡喜，比為著九十九個義人呣免反悔的閣卡歡喜。」

8

(THR) Á-sī sím-mı̍h hū-jîn-lâng ū cha̍p ê gûn-á, nā sit-lo̍h chı̍t ê, kiám bô tiám teng, sàu chhù, khûn-khûn chhē kàu tio̍h mah?

(BCL) 「抑是甚麼婦仁人有十個銀仔，若失落一個，豈無點燈，掃厝，勤勤尋到著嗎？

9

(THR) Í-keng chhē-tio̍h, chiū chū-chı̍p i ê pêng-iú chhù-piⁿ kóng, Tio̍h kap góa hoaⁿ-hí, in-ūi só͘ sit-lo̍h ê gûn-á góa í-keng chhē-tio̍h.

(BCL) 已經尋著，就聚集伊的朋友厝邊，講：『著及我歡喜，因為所失落的銀仔我已經尋著！』

10

(THR) Góa kā lín kóng, Pháiⁿ lâng tiong ū chı̍t lâng hóan-hóe, chiū tī Siōng-tè thiⁿ-sài ê bīn-chêng ūi-tio̍h i hoaⁿ-hí iā sī án-ni.

(BCL) 我給恁講，歹人中有一人反悔，就佇上帝天使的面前為著伊喜歡也是按呢。」

11

(THR) Koh kóng, Bó͘ lâng ū nn̄g ê kiáⁿ;

(BCL) 閣講：「某人有二個子。

12

(THR) hit-ê tē jī ê kā lāu-pē kóng, A-pà ah, chiong góa èng tit ê gia̍p, pun hō͘ góa. I ê lāu-pē chiū kā in pun ke-hé.

(BCL) 彼個第二個給老父講：『阿爸啊，將我應得的業分互我。』伊的老父就給分家伙。

13

(THR) Koh bô kúi jı̍t, hit ê tē jī kiáⁿ it-chīn siu-sı̍p i ê mı̍h, chhut-gōa khì hn̄g-hn̄g ê só͘-chāi; tī hia hòng-tōng húi-hōai i ê gia̍p.

(BCL) 閣無幾日，彼個第二子一盡收拾伊的物，出外去遠遠的所在。佇遐放蕩，毀壞伊的業。

14

(THR) Í-keng sńg liáu-liáu, tú-tio̍h hit só͘-chāi tōa ki-hng, i chiah chai khiàm-kheh ê kan-khó͘.

(BCL) 已經損了了，抵著彼所在大飢荒，伊才知欠缺的艱苦。

15

(THR) Chiū khì óa hit só͘-chāi chı̍t ê peh-sìⁿ; hit lâng chhe i khì soaⁿ-nı̍h chhī ti;

(BCL) 就去倚彼所在一個百姓；彼人差伊去山裡飼豬。

16

(THR) ài chiong ti só͘ chia̍h ê tāu-koeh lâi chí-ki, iā bô lâng hō͘ i.

(BCL) 愛將豬所食的豆莢來止飢，也無人互伊。

17

(THR) I chhíⁿ-gō͘ chiū kóng, Góa ê lāu-pē ū jōa chōe tn̂g-kang, bí-niû chia̍h ū chhun; nā-sī góa tī chia teh-beh gō-sí ah.

(BCL) 伊醒悟，就講：『我的老父有偌多長工，米糧食有剩，若是我佇遮欲餓死啊！

18

(THR) Góa beh khí-lâi khì chhē góa ê lāu-pē, kā i kóng, A-pà ah, góa ū tek-chōe thiⁿ kap tī lí ê bīn-chêng;

(BCL) 我欲起來，去尋我的老父，給伊講：阿爸啊！我有得罪天，及佇你的面前；

19

(THR) taⁿ liáu-āu góa bōe kham-tit kiò chòe lí ê kiáⁿ, tio̍h hō͘ góa chhin-chhiūⁿ lí ê tn̂g-kang ê chı̍t ê.

(BCL) 今了後，我堪得叫做你的子，著互我親像你的長工的一個。』

20

(THR) Chiū khí-lâi khì chhē i ê lāu-pē. Saⁿ-lī iáu-kú hn̄g, i ê lāu-pē khòaⁿ-kìⁿ i, chiū lîn-bín i, cháu-khì phō i ê ām-kún, tı̍t-tı̍t kā i chim.

(BCL) 就起來，去尋伊的老父。相離猶久遠，伊的老父看見伊，就憐憫伊，走去抱伊的頷頸，直直給伊唚。

21

(THR) Kiáⁿ chiū kā i kóng, A-pà ah, góa ū tek-chōe thiⁿ kap tī lí ê bīn-chêng; taⁿ liáu-āu bōe kham-tit kiò chòe lí ê kiáⁿ.

(BCL) 子就給伊講：『阿爸啊！我有得罪天，及佇你的面前；今了後，堪得叫做你的子。』

22

(THR) Nā-sī lāu-pē tùi i hiah ê lô͘-po̍k kóng, Kín-kín hiaⁿh siōng-hó ê saⁿ lâi kā i chhēng, koh kā i kòa chhiú-chí, sòa kā i chhēng ôe;

(BCL) 若是老父對伊許個奴僕講：『緊緊　上好的衫來給伊穿；閣給伊掛手指；續給伊穿鞋；

23

(THR) iā khan hit chiah pûi ê gû-á lâi thâi, lán chia̍h lâi hoaⁿ-hí.

(BCL) 也牽彼隻肥的牛仔來，咱食來歡喜；

24

(THR) In-ūi góa chit ê kiáⁿ sí ū koh-o̍ah, sit-lo̍h ū koh tit-tio̍h. In chiū saⁿ-kap hoaⁿ-hí.

(BCL) 因為我此個子死有復活，失落有閣得著。』就相及歡喜。

25

(THR) Hit sî i ê tōa-kiáⁿ tī hn̂g-nı̍h; tò-lâi beh kàu chhù, thiaⁿ-kìⁿ chok-ga̍k kap thiàu-bú ê siaⁿ.

(BCL) 彼時，伊的大子佇園裡。倒來欲到厝，聽見作樂及跳舞的聲，

26

(THR) Chiū kiò chı̍t ê lô͘-po̍k lâi mn̄g i teh siáⁿ tāi.

(BCL) 就叫一個奴僕來，問伊啥代。

27

(THR) I kā i kóng, Lín sió-tī lâi lah; lín lāu-pē in-ūi tit-tio̍h i hó-hó tò-lâi, só͘-í thâi hit chiah pûi ê gû-á.

(BCL) 伊給伊講：『恁小弟來啦；恁老父因為得著伊好好倒來，所以彼隻肥的牛仔。』

28

(THR) Tōa-kiáⁿ siū-khì, m̄ jı̍p-khì; i ê lāu-pē chhut-lâi khǹg i.

(BCL) 大子受氣，呣入去；伊的老父出來勸伊。

29

(THR) I ìn i ê lāu-pē kóng, Lí khòaⁿ, góa ho̍k-sāi lí hiah chōe nî, lóng bē bat ûi-ke̍h lí ê bēng-lēng; lí iā bē bat hō͘ góa chı̍t chiah iûⁿ-á-kiáⁿ, thang kap góa ê pêng-iú saⁿ-kap hoaⁿ-hí.

(BCL) 伊應伊的老父講：『你看，我服事你許多年，攏未曾違逆你的命令，你也未曾互我一隻羊仔子，通及我的朋友相及喜歡。

30

(THR) Chóng-sī lí chit ê kiáⁿ, kau-pôe chhiong-ki, it-chīn phòa-hùi lí ê gia̍p, chı̍t-ē tò-lâi, lí chiū ūi-tio̍h i thâi pûi ê gû-á.

(BCL) 總是你此個子，交陪娼妓一盡破費你的業，一下倒來，你就為著伊肥的牛仔。』

31

(THR) Lāu-pē chiū kā i kóng, Kiáⁿ ah, lí siông-siông kap góa tī-teh, hōan góa só͘ ū ê lóng sī lí ê; nā-sī lí chit ê sió-tī sí ū koh-o̍ah, sit-lo̍h ū koh tit-tio̍h, lán eng-kai tio̍h hoaⁿ-hí khòai-lo̍k.

(BCL) 老父就給伊講：『子啊！你常常及我佇，凡我所有的攏是你的；

32

(THR) 若是你此個小弟死有復活，失落有閣得著，咱應該著歡喜快樂。』」

Bible Color Mark

• 台語漢字羅馬本
• 巴克禮全羅