路加福音 第 16 章

1

(THR) Iâ-so͘ koh tùi ha̍k-seng kóng, Bó͘ ê hó-gia̍h lâng ū chı̍t ê kóan-ke ê; ū lâng chiong i phòa-hùi chú-lâng ê gia̍p tùi i ê chú-lâng kò i.

(BCL) 耶穌閣對學生講：「某個好額人有一個管家的，有人將伊破費主人的業對伊的主人告伊。

2

(THR) Chú-lâng kiò i lâi kā i kóng, Góa só͘ thiaⁿ-kìⁿ lí chit ê tāi-chì sī cháiⁿ-iūⁿ? Taⁿ lí kóan-ke ê sū tio̍h kap góa chheng-chhó, in-ūi lí bōe-ōe iû-gôan chòe kóan-ke.

(BCL) 主人叫伊來，給伊講：『我所聽見你此個代誌是怎樣？今你管家的事著及我清楚，因為你會猶原做管家。』

3

(THR) Kóan-ke ê sim-lāi siūⁿ kóng, Chú-lâng lut góa kóan-ke ê chit, góa beh cháiⁿ-iūⁿ ah? kia̍h tî-thâu bô khùi-la̍t, chòe khit-chia̍h mī kiàn-siàu.

(BCL) 管家的心內想講：『主人　我管家的職，我欲怎樣啊？抬鋤頭？無氣力；做乞食？乜見誚。

4

(THR) Taⁿ góa chai só͘ tio̍h chòe lah, kàu lut kóan-ke ê chit, hit sî lâng chiah beh chiap-la̍p góa jı̍p in ê ke.

(BCL) 今我知所著做啦，到　管家的職，彼時人才欲接納我入的家。』

5

(THR) I chiū kiò khiàm i chú-lâng ê chè ê, chı̍t-ê chı̍t-ê lâi; kā thâu-chı̍t-ê kóng, Lí khiàm góa ê chú-lâng jōa chōe?

(BCL) 伊就叫欠伊主人的債的，一個一個來，給頭一個講：『你欠我的主人偌多？』

6

(THR) Ìn kóng, Iû, chı̍t-pah tháng. Chiū kā i kóng, The̍h lí ê siàu, kín-kín chē, siá gō͘-cha̍p.

(BCL) 應講：『油一百桶。』就給伊講：『提你的數，緊緊坐，寫五十。』

7

(THR) Koh kā pa̍t-ê kóng, Lí khiàm jōa chōe? I kóng, Be̍h, chı̍t-pah chio̍h. Kā i kóng, The̍h lí ê siàu, siá poeh-cha̍p.

(BCL) 閣給別個講：『你欠偌多？』伊講：『麥一百石。』給伊講：『提你的數，寫八十。』

8

(THR) Chú-lâng chiū o-ló chit ê put-gī ê kóan-ke, ūi-tio̍h i só͘ chòe ū tì-sek; in-ūi chit sè-kan ê lâng ūi-tio̍h sè-chêng lâi tô͘-bô͘, pí kng-bêng ê lâng khah ū tì-sek.

(BCL) 主人就謳咾此個不義的管家為著伊所做有智識；因為此世間的人，為著世情來圖謀，比光明的人卡有智識。

9

(THR) Góa iā kā lín kóng, Tio̍h ēng put-gī ê chîⁿ-châi kiat-kau pêng-iú, kàu chîⁿ-châi liáu-khì ê sî, in chiah beh chiap-la̍p lín jı̍p éng-óan ê tiùⁿ-pâng.

(BCL) 我也給恁講，著用不義的錢財結交朋友，到錢財了去的時，才欲接納恁入永遠的帳房。

10

(THR) Tī chì sió-khóa ê sū chīn-tiong ê, tī tōa ê iā chīn-tiong; tī chì sió-khóa ê sū put-gī ê, tī tōa ê iā put-gī.

(BCL) 佇至小可的事盡忠的，佇大的也盡忠；佇至小可的事不義的，佇大的也不義。

11

(THR) Tī put-gī ê chîⁿ-châi lín nā bô chīn-tiong, chī-chūi beh ēng chin-ê thok-tiōng lín?

(BCL) 佇不義的錢財恁若無盡忠，是誰欲用真的託仗恁？

12

(THR) Koh tī sio̍k pa̍t lâng ê, lín nā bô chīn-tiong, chī-chūi beh ēng sio̍k lín ê hō͘ lín ah?

(BCL) 閣佇屬別人的恁若無盡忠，是誰欲用屬恁的互恁啊？

13

(THR) Chı̍t ê lô͘-po̍k bōe-ōe ho̍k-sāi nn̄g ê chú-lâng; in-ūi i ōe òan-hūn chit-ê, thiàⁿ hit-ê; á-sī ōe tùi-tiōng chit-ê, khòaⁿ-khin hit-ê; lín bōe-ōe ho̍k-sāi Siōng-tè sòa ho̍k-sāi chîⁿ-châi.

(BCL) 一個奴僕會服事二個主人；因為伊會怨恨此個，疼彼個。抑是會對重此個看輕彼個。恁會服事上帝，續服事錢財。」

14

(THR) Hoat-lī-sài lâng sī tham châi ê, thiaⁿ-kìⁿ chiah ê lóng-chóng ê ōe, chiū léng-chhiò I.

(BCL) 法利賽人是貪財的；聽見諸個攏總的話，就冷笑伊。

15

(THR) Iâ-so͘ kā in kóng, Lín sī tī lâng ê bīn-chêng ka-kī chheng-chòe-gī ê, nā-sī Siōng-tè chai lín ê sim; in-ūi tī lâng ê tiong-kan só͘ chhui-chun ê tī Siōng-tè ê bīn-chêng sī khó-ò͘ⁿ.

(BCL) 耶穌給講：「恁是佇人的面前家己稱做義的，若是上帝知恁的心；因為佇人的中間所推尊的，佇上帝的面前是可惡。

16

(THR) Lu̍t-hoat kap sian-ti kàu Iok-hān; tùi hit sî Siōng-tè kok ê hok-im thôan-pò, lâng chīn la̍t lâi jı̍p.

(BCL) 律法及先知到約翰，對彼時上帝國的福音傳報，人盡力來入。

17

(THR) Thiⁿ tōe ê hòe-bô pí lu̍t-hoat chı̍t u̍ih ê sit-lo̍h sī khah khòai.

(BCL) 天地的廢無比律法一畫的失落是卡快。

18

(THR) Kìⁿ-nā lî i ê bó͘ lâi chhōa pa̍t lâng sī kiâⁿ kan-îm; chhōa pa̍t lâng só͘ lî ê, iā sī kiâⁿ kan-îm.

(BCL) 見若離伊的某來娶別人是行姦淫；娶別人所離的也是行姦淫。」

19

(THR) Ū chı̍t ê pù lâng chhēng chí-sek kap iù-tōe pò͘ ê i-chiûⁿ, ta̍k jı̍t chhia-hôa iàn-lo̍k;

(BCL) 「有一個富人穿紫色及幼苧布的衣裳，逐日奢華宴樂。

20

(THR) koh ū chı̍t ê khit-chia̍h miâ Lia̍p-sat-lō͘, piàn-sin siⁿ-thiàⁿ;

(BCL) 閣有一個乞食，名拉撒路，遍身生疼，

21

(THR) lâng hē i tī pù lâng ê tōa-mn̂g-kháu, ài chiong pù lâng toh-kha só͘ ka-la̍uh ê lâi tō͘-pá; káu iā lâi chī i siⁿ-thiàⁿ ê ūi.

(BCL) 人下伊佇富人的大門口，愛將富人桌腳所磕落的來度飽，狗也來舐伊生疼的位。

22

(THR) Sòng-hiong lâng sí, hō͘ thiⁿ-sài hû i kàu A-pek-la̍h-hán ê heng-chêng; pù lâng iā sí, sòa bâi-chòng.

(BCL) 喪鄉人死，互天使扶伊到亞伯拉罕的胸前。富人也死，續埋葬。

23

(THR) Tī im-kan, thòng-khó͘ ê tiong-kan, kia̍h ba̍k hn̄g-hn̄g khòaⁿ-kìⁿ A-pek-la̍h-hán, koh Lia̍p-sat-lō͘ tī i ê heng-chêng.

(BCL) 佇陰間痛苦的中間，抬目遠遠看見亞伯拉罕，閣拉撒路佇伊的胸前，

24

(THR) Chiū kiò kóng, Góa ê chó͘ A-pek-la̍h-hán ah, khó-lîn góa, chhe Lia̍p-sat-lō͘ ēng chńg-thâu-á bé ùn chúi lâi liâng góa ê chı̍h, in-ūi góa tī chit hé-iām tiong chin chhiⁿ-chhám.

(BCL) 就叫講：『我的祖亞伯拉罕啊，可憐我！差拉撒路用指頭仔尾搵水來涼我的舌；因為我佇此火焰中，真悽慘。』

25

(THR) Nā-sī A-pek-la̍h-hán kóng, Kiáⁿ ah, tio̍h kì-tit lí chāi-siⁿ hióng-siū lí ê hok-khì, Lia̍p-sat-lō͘ siū-tio̍h kan-khó͘; taⁿ i tī chia tit-tio̍h an-ùi, iā lí siū chhiⁿ-chhám.

(BCL) 若是亞伯拉罕講：『子啊，著記得你在生享受你的福氣，拉撒路受著艱苦；今伊佇遮得著安慰，也你受淒慘。

26

(THR) M̄-nā án-ni, tī góan kap lín ê tiong-kan ū tōa chhim-ian keh-teh, tì-kàu beh tùi chia kè-khì lín hia bōe-ōe, tùi hia kè-lâi góan chia iā bōe-ōe.

(BCL) 呣若按呢，佇阮及恁的中間，有大深淵隔，致到欲對遮過去恁遐會；對遐過來阮遮也會。』

27

(THR) I chiū kóng, Kì-jiân án-ni, kiû chó͘ lí chhe Lia̍p-sat-lō͘ khì góan pē ê chhù;

(BCL) 伊就講：『既然按呢，求祖你差拉撒路去阮父的厝；

28

(THR) in-ūi góa ū gō͘ ê hiaⁿ-tī, hō͘ i tùi in chòe kan-chèng, bián-tit in iā kàu chit ê thòng-khó͘ ê só͘-chāi.

(BCL) 因為我有五個兄弟，互伊對做干證，免得也到此個痛苦的所在。』

29

(THR) A-pek-la̍h-hán kóng, In ū Mô͘-se kap hiah ê sian-ti, thang thiaⁿ in.

(BCL) 亞伯拉罕講：『有摩西及許個先知通聽。』

30

(THR) Ìn kóng, Góa ê chó͘ A-pek-la̍h-hán ah, bōe lah; nā ū lâng tùi sí-lâng tiong khì chhē in, in chiū beh hóan-hóe.

(BCL) 應講：『我的祖亞伯拉罕啊，啦，若有人對死人中去尋，就欲反悔。』

31

(THR) A-pek-la̍h-hán kā i kóng, In nā m̄ thiaⁿ Mô͘-se kap sian-ti, chiū ū lâng tùi sí-lâng tiong koh-o̍ah, in iā m̄ siū khó͘-khǹg.

(BCL) 亞伯拉罕給伊講：『若呣聽摩西及先知，就有人對死人中復活，也呣受苦勸。』」

Bible Color Mark

• 台語漢字羅馬本
• 巴克禮全羅