耶利米書 第 5 章

1

(THR) Lín tio̍h cháu-lâi cháu-khì tī Iâ-lō͘-sat-léng ê koe-lō͘ lâi khòaⁿ lâi thàm-thiaⁿ, tī i ê khoan-khoah ê só͘-chāi lâi chhē, khòaⁿ ōe tú-tio̍h chı̍t-lâng, á-sī ū lâng kiâⁿ kong-gī, kiû sêng-sı̍t; Góa chiū beh sià-bián chit ê siâⁿ.

(BCL) 恁著走來走去佇耶路撒冷的街路來看來探聽，佇伊的寬闊的所在來尋，看會抵著一人，抑是有人行公義求誠實？我就欲赦免此個城。

2

(THR) In sui-jiân kóng, Iâ-hô-hoa sī o̍ah--ê, in só͘ chiù ê chōa sı̍t-chāi sī ké.

(BCL) 雖然講耶和華是活者，所咒的誓實在是假。

3

(THR) Iâ-hô-hoa ah, Lí ê ba̍k-chiu kiám-m̄-sī ǹg sêng-sı̍t mah? Lí phah in, in iā bô iu-siong; Lí húi-bia̍t in, in m̄-khéng siū kàu-tok; in hō͘ in ê bīn pí chio̍h khah-tēng, m̄-khéng hôe-thâu.

(BCL) 耶和華啊，你的目睭豈呣是向誠實嗎？你拍，也無憂傷；你毀滅，呣肯受教督。互的面比石卡，呣肯回頭。

4

(THR) Góa chiū kóng, Chiah ê lâng sı̍t-chāi sī sòng-hiong, sī gû-gōng, in-ūi m̄-bat Iâ-hô-hoa ê lō͘, kap in ê Siōng-tè ê hoat-tō͘;

(BCL) 我就講：諸個人實在是喪鄉，是愚戇，因為呣識耶和華的路，及的上帝的法度。

5

(THR) góa beh khì kìⁿ in ê sè-ka, kap in kóng-ōe; in-ūi in bat Iâ-hô-hoa ê lō͘, kap in ê Siōng-tè ê hoat-tō͘. Nā-sī in tâng-sim at-chı̍h taⁿ, phah-tn̄g pa̍k i ê soh.

(BCL) 我欲去見的世家，及講話，因為識耶和華的路，及的上帝的法度。若是同心遏折軛，拍斷縳伊的索。

6

(THR) Só͘-í chhiū-nâ ê sai beh chhut-lâi kā-sí in; ê-hng-sî ê chhâi-lông beh thun-chia̍h in, pà beh tī chiah ê siâⁿ-gōa tng-tán in, kìⁿ-nā chhut-siâⁿ-ê tek-khak hō͘ in thiah-chhùi, in-ūi in ê chōe-kòa chin-chōe, pōe-ge̍k ná siong-tiōng.

(BCL) 所以，樹林的獅欲出來咬死；下昏時的豺狼欲吞食；豹欲佇諸個城外當等。見若出城的，的確互拆碎；因為的罪過真多，悖逆愈傷重。

7

(THR) Che Góa thái ōe sià-bián lí ah? lí ê kiáⁿ-jî lī-khui Góa, koh kí chiah ê m̄-sī Siōng-tè--ê lâi chiù-chōa; Góa hō͘ in pá-chiok, in chiū kiâⁿ kan-îm, kui-tīn chū-chı̍p tī chhiong-ki ê chhù.

(BCL) 這我豈會赦免你啊？你的子兒離開我，閣指諸個呣是上帝者來咒誓。我互飽足，就行姦淫，歸陣聚集佇娼妓的厝。

8

(THR) In chhin-chhiūⁿ chhī-pá ê bé sì-kòe pháu; ta̍k-ê ǹg i chhù-piⁿ ê bó͘ chhin-chhiūⁿ bé ki-ki-háu.

(BCL) 親像飼飽的馬四界跑，逐個向伊厝邊的某親像馬嘰嘰哮。

9

(THR) Iâ-hô-hoa kóng, Góa kiám bô in-ūi chiah ê sū lâi pān in mah? Góa ê sim kiám bô beh tùi chit hō ê kok-bîn lâi pò-siû mah?

(BCL) 耶和華講：我豈無因為諸個事來辦嗎？我的心豈無欲對此號的國民來報讎嗎？

10

(THR) Lín tio̍h chiūⁿ i ê phû-tô-hn̂g ê chhiûⁿ lâi húi-hōai i, chóng-sī m̄-thang húi kàu-liáu; tio̍h tû--khì i ê ki, in-ūi in bô sio̍k tī Iâ-hô-hoa.

(BCL) 恁著上伊的葡萄園的牆來毀壞伊，總是呣通毀到了，著除去伊的枝，因為無屬佇耶和華。

11

(THR) In-ūi Í-sek-lia̍t ke kap Iû-tāi ke tōa-tōa kiâⁿ khúi-chà, kong-kek Góa; che sī Iâ-hô-hoa kóng ê.

(BCL) 因為以色列家及猶大家大大行詭詐攻擊我。這是耶和華講的。

12

(THR) In m̄-jīn Iâ-hô-hoa, chiū kóng, Che pēng m̄-sī I; chai-ē bô beh lîm-kàu góan; to-kiàm kap ki-hng góan iā bōe-ōe tú-tio̍h.

(BCL) 呣認耶和華，就講：這並呣是伊，災禍無欲臨到阮；刀劍及飢荒，阮也會抵著。

13

(THR) Sian-ti ê ōe beh chiâⁿ-chòe hong, Chú ê ōe bô tī in ê sim; beh chiàu án-ni hō͘ in tú-tio̍h.

(BCL) 先知的話欲成做風；主的話無佇的心。欲照按呢互抵著。

14

(THR) Só͘-í bān-kun ê Siōng-tè Iâ-hô-hoa kóng, In-ūi lín kóng chit ê ōe; khòaⁿ ah, Góa beh hō͘ Góa ê ōe tī lí ê chhùi chòe hé, hō͘ chit ê peh-sìⁿ chòe chhâ, chit ê hé beh sio-bia̍t in.

(BCL) 所以萬軍的上帝──耶和華講：因為恁講此個話，看啊，我欲互我的話佇你的嘴做火，互此個百姓做柴；此個火欲燒滅。

15

(THR) Iâ-hô-hoa kóng, Í-sek-lia̍t ê ke ah, lí khòaⁿ, Góa beh hō͘ chı̍t-kok tùi hn̄g-hn̄g lâi kong-kek lín, chiū-sī kiông ê kok, tùi kó͘-chá chiū ū ê kok, i ê giân-gú lí bōe hiáu-tit, iā bōe bêng-pe̍k i só͘ kóng--ê.

(BCL) 耶和華講：以色列的家啊，你看，我欲互一國對遠遠來攻擊恁，就是強的國，對古早就有的國。伊的言語你曉得，也明白伊所講的。

16

(THR) In ê chìⁿ-tē sī khui-khui ê bōng; in lóng sī ióng-sū.

(BCL) 的箭袋是開開的墓；攏是勇士。

17

(THR) In beh chia̍h-liáu lí ê gō͘-kak kap lí ê bí-niû, chiū-sī lí ê kiáⁿ cha-bó͘-kiáⁿ só͘ tio̍h chia̍h ê; iā beh chia̍h-liáu lí ê iûⁿ-kûn, gû-kûn; chia̍h-liáu lí ê phû-tô kap bû-hoa-kó; koh beh ēng to húi-hōai lí só͘ óa-khò kian-kò͘ ê siâⁿ.

(BCL) 欲食了你的五穀及你的米糧，就是你的子查某子所著食的；也欲食了你的羊群、牛群，食了你的葡萄及無花果；閣欲用刀毀壞你所倚靠堅固的城。

18

(THR) Iâ-hô-hoa kóng, Chiū-nā kàu hit-sî Góa iā bô beh it-chīn châu-bia̍t lín.

(BCL) 耶和華講：「就若到彼時，我也無欲一盡剿滅恁。

19

(THR) Hit-sî lín nā kóng, Iâ-hô-hoa góan ê Siōng-tè ūi-tio̍h siáⁿ-sū tùi góan kiâⁿ che it-chhè ê sū ah? lí tio̍h ìn i kóng, Chhin-chhiūⁿ lín í-keng pàng-sak Góa, ho̍k-sāi pa̍t-hō ê siōng-tè tī lín ê tōe-hng, án-ni lín iā beh ho̍k-sāi gōa-pang lâng tī bô sio̍k lín ê tōe-hng.

(BCL) 彼時恁若講：『耶和華──阮的上帝為著啥事對阮行這一切的事啊？』你著應伊講：『親像恁已經放拺我，服事別號的上帝佇恁的地方，按呢恁也欲服事外邦人佇無屬恁的地方。』」

20

(THR) Lín tio̍h thôan tī Ngá-kok ke, pò tī Iû-tāi kóng,

(BCL) 恁著傳佇雅各家，報佇猶大講：

21

(THR) Gōng-gōng bû-ti ê peh-sìⁿ ah, lín ū ba̍k-chiu bōe khòaⁿ, ū hī-khang bōe thiaⁿ, taⁿ tio̍h thiaⁿ chit ê ōe;

(BCL) 戇戇無知的百姓啊，恁有目睭看，有耳孔聽，今著聽此個話。

22

(THR) Iâ-hô-hoa kóng, Lín m̄ kiaⁿ Góa mah? bô ngia̍uh-ngia̍uh-chhoah tī Góa ê bīn-chêng mah? Góa siat éng-óan ê lē, ēng soa chòe hái ê kài-hān, i bōe pôaⁿ-kè; i ê éng sui-jiân giâ kôaiⁿ, iā bōe-ōe iâⁿ; sui-jiân hōa-hōa-háu, iā bōe-ōe pôaⁿ-kè.

(BCL) 耶和華講：恁呣驚我嗎？無愕愕惙佇我的面前嗎？我設永遠的例，用沙做海的界限，伊過。伊的湧雖然夯高，也會贏；雖然嘩嘩哮，也會過。

23

(THR) To̍k-to̍k chit ê peh-sìⁿ ū hóan-pōan pōe-ge̍k ê sim; in pōe-ge̍k Góa chòe in khì.

(BCL) 獨獨此個百姓有反叛悖逆的心；悖逆我做去，

24

(THR) In sim-lāi iā bô kóng, Taⁿ lán tio̍h kèng-ùi Iâ-hô-hoa lán ê Siōng-tè, I chiàu-sî siúⁿ-sù hō͘-chúi, chiū-sī chêng ê hō͘; āu ê hō͘; I iā ū tēng chiah ê siu-sêng ê sî-kî, lâu-teh hō͘ lán.

(BCL) 心內也無講：今咱著敬畏耶和華──咱的上帝；伊照時賞賜雨水，就是前的雨，後的雨，伊也有定諸個收成的時期，留互咱。

25

(THR) Lín ê chōe-gia̍t hō͘ chiah ê sū hóan-tńg lī-khui lín; lín ê chōe-ok hō͘ lín bōe-ōe tit-tio̍h hok-khì.

(BCL) 恁的罪孽互諸個事反轉離開恁；恁的罪惡互恁會得著福氣。

26

(THR) In-ūi tī Góa ê peh-sìⁿ-tiong ū chhē-tio̍h pháiⁿ-lâng; in bih--teh, chhin-chhiūⁿ siat o̍ah-tauh ê lâng teh tng-tán; in tiuⁿ lô-bāng lâi lia̍h lâng.

(BCL) 因為佇我的百姓中有尋著歹人。匿，親像設活罩的人當等；張羅網來掠人。

27

(THR) In ê chhù ū khúi-chà móa-móa, sī chhin-chhiūⁿ chiáu-lâng-lāi ū chiáu móa-móa; só͘-í in chiâⁿ-chòe tōa koh hó-gia̍h.

(BCL) 的厝有詭詐滿滿，是親像鳥籠內有鳥滿滿；所以成做大，閣好額。

28

(THR) In pûi koh kng-siⁿ, chòe pháiⁿ kè-thâu; bô ūi-tio̍h lâng sin-oan, chiū-sī bô ūi-tio̍h bô-pē ê kiáⁿ sin-oan, hō͘ i heng-thong; ia̍h bô in-ūi sòng-hiong lâng phòaⁿ-tòan.

(BCL) 肥閣光生，做歹過頭，無為著人伸冤！就是無為著無父的子伸冤，互伊亨通，亦無因為喪鄉人判斷。

29

(THR) Iâ-hô-hoa kóng, Góa kiám bô in-ūi chiah ê sū lâi pān in mah? Góa ê sim kiám bô beh tùi chit-hō ê kok-bîn lâi pò-siû mah?

(BCL) 耶和華講：我豈無因為諸個事來辦嗎？我的心豈無欲對此號的國民來報讎嗎？

30

(THR) Chit ê thó͘-tōe ū kî-īⁿ khó-ò͘ⁿ ê sū;

(BCL) 此個土地有奇異、可惡的事；

31

(THR) sian-ti thôan hu-ké, chè-si óa-khò in lâi pà-kôan; Góa ê peh-sìⁿ ia̍h ài i án-ni; kàu kiat-kio̍k, lín beh cháiⁿ-iūⁿ chòe?

(BCL) 先知傳虛假，祭司倚靠來把權；我的百姓亦愛伊按呢，到結局恁欲怎樣做？

Bible Color Mark

• 台語漢字羅馬本
• 巴克禮全羅