耶利米書 第 32 章

1

(THR) Iû-tāi ông Se-tí-ka tē cha̍p--nî, chiū-sī Nî-pò͘-kah-nî-sat cha̍p-poeh nî, ū Iâ-hô-hoa ê ōe lîm-kàu Iâ-lī-bí.

(BCL) 猶大王西底家第十年，就是尼布甲尼撒十八年，有耶和華的話臨到耶利米。

2

(THR) Hit-sî Pa-pí-lûn ông ê kun-tūi ûi-khùn Iâ-lō͘-sat-léng, sian-ti Iâ-lī-bí koaiⁿ tī khu-liû-só͘ ê īⁿ, tī Iû-tāi ông ê chhù.

(BCL) 彼時，巴比倫王的軍隊圍困耶路撒冷，先知耶利米關佇拘留所的院，佇猶大王的厝；

3

(THR) In-ūi Iû-tāi ông Se-tí-ka í-keng chiong i koaiⁿ-kìm, kóng, Lí siáⁿ-sū chhàm-gú kóng, Iâ-hô-hoa án-ni kóng, Khòaⁿ ah, Góa beh chiong chit ê siâⁿ kau tī Pa-pí-lûn ông ê chhiú, i beh chhú--i;

(BCL) 因為猶大王西底家已經將伊關禁，講：「你啥事讖語講，耶和華按呢講：『看啊，我欲將此個城交佇巴比倫王的手，伊欲取伊。

4

(THR) Iû-tāi ông Se-tí-ka tek-khak bōe thoat-lī Ka-le̍k-tí lâng ê chhiú, tiāⁿ-tio̍h beh kau tī Pa-pí-lûn ông ê chhiú, ia̍h beh kap i kóng ōe, chhùi tùi chhùi, i ê ba̍k-chiu ia̍h beh khòaⁿ i ê ba̍k-chiu,

(BCL) 猶大王西底家的確脫離迦勒底人的手，定著欲交佇巴比倫王的手，亦欲及伊講話，嘴對嘴，伊的目睭亦欲看伊的目睭。

5

(THR) Se-tí-ka beh hō͘ i tòa kàu Pa-pí-lûn, tòa tī-hia, kàu Góa kòan-kò͘ i ê sî; lín sui-jiân kap Ka-le̍k-tí lâng kau-chiàn, ia̍h bô lī-ek? che sī Iâ-hô-hoa kóng--ê.

(BCL) 西底家欲互伊帶到巴比倫；住佇遐，到我眷顧伊的時。恁雖然及迦勒底人交戰，亦無利益。這是耶和華講的。』」

6

(THR) Iâ-lī-bí kóng, Iâ-hô-hoa ê ōe lîm-kàu góa kóng,

(BCL) 耶利米講：「耶和華的話臨到我講：

7

(THR) Khòaⁿ ah, lí ê chek Sa-liông ê kiáⁿ Hap-ná-bia̍t beh lâi kìⁿ lí, kóng, Góa tī A-ná-tu̍t hit khu chhân, chhiáⁿ lí bóe--i; in-ūi sio̍k-hôe ê kôan chāi-tī lí, lí thang bóe.

(BCL) 『看啊，你的叔沙龍的子合拿篾欲來見你，講：我佇亞拿突彼區田，請你買伊；因為贖回的權在佇你，你通買。』」

8

(THR) Góa ê chek ê kiáⁿ Hap-ná-bia̍t kó-jiân chiàu Iâ-hô-hoa ê ōe lâi khu-liû-só͘ ê īⁿ chhē góa, tùi góa kóng, Góa tī Piān-ngá-bín ê kéng-lāi, A-ná-tu̍t hit khu chhân, chhiáⁿ lí bóe; in-ūi sêng-chiap kap sio̍k-hôe ê kôan chāi-tī lí, lí tio̍h bóe chòe lí-ê; góa chiū chai che sī Iâ-hô-hoa ê ōe.

(BCL) 我的叔的子哈拿篾果然照耶和華的話來拘留所的院尋我，對我講：「我佇便雅憫的境內，亞拿突彼區田，請你買；因為承接及贖回的權在佇你。你著買做你的！」我就知這是耶和華的話。

9

(THR) Góa chiū tùi góa ê chek ê kiáⁿ, Hap-ná-bia̍t, bóe A-ná-tu̍t hit khu chhân, phêng hit ê kè-gûn hō͘ i, kiōng cha̍p-chhit sià-khek-le̍k.

(BCL) 我就對我的叔的子哈拿篾買亞拿突彼區田，秤彼個價銀互伊，共十七舍客勒。

10

(THR) Góa tī khòe-bīn chhiam miâ, chiong khòe hong-ba̍t; koh chhiáⁿ lâng lâi chòe ti-kìⁿ, ia̍h ēng thian-phêng phêng gûn hō͘ i.

(BCL) 我佇契面簽名，將契封密，閣請人來做知見，亦用天秤秤銀互伊。

11

(THR) Góa chiū the̍h chiàu kui-lē só͘ lı̍p ê bóe-khòe, chiū-sī hong-ba̍t--ê hit-tiuⁿ, kap bô hong--ê hit-tiuⁿ;

(BCL) 我就提照規例所立的買契，就是封密的彼張，及無封的彼張，

12

(THR) tng góa ê chek ê kiáⁿ Hap-ná-bia̍t, kap chhiam-miâ tī khòe-bīn chiah ê ti-kìⁿ, í-kı̍p chē tī khu-liû-só͘ īⁿ-lāi it-chhè Iû-tāi lâng ê bīn-chêng, chiong bóe-bōe ê khòe kau hō͘ Má-se-ngá ê sun, Nî-lī-a ê kiáⁿ, Pa-lio̍k.

(BCL) 當我的叔的子哈拿篾及簽名佇契面諸個知見，以及坐佇拘留院內一切猶大人的面前，將買賣的契交互瑪西雅的孫尼利亞的子巴錄。

13

(THR) Tng in bīn-chêng, góa hoan-hù Pa-lio̍k kóng,

(BCL) 當面前，我吩咐巴錄講：

14

(THR) Bān-kun ê Iâ-hô-hoa, Í-sek-lia̍t ê Siōng-tè, án-ni kóng, Tio̍h chiong hong-ba̍t--ê kap bô hong--ê, chí(**chit) nn̄g tiuⁿ khòe, siu tī hûi-khì ê lāi-bīn, thang liû-chûn chōe-chōe jı̍t.

(BCL) 「萬軍的耶和華──以色列的上帝按呢講：著將封密的及無封的此二張契收佇磁器的內面，通留存多多日。

15

(THR) In-ūi bān-kun ê Iâ-hô-hoa, Í-sek-lia̍t ê Siōng-tè, án-ni kóng, Chiong-lâi tī chit só͘-chāi lâng beh koh bóe chhù-the̍h, chhân-hn̂g, kap phû-tô-hn̂g.

(BCL) 因為萬軍的耶和華──以色列的上帝按呢講：將來佇此所在人欲閣買厝宅、田園，及葡萄園。」

16

(THR) Góa chiong bóe-khòe kau hō͘ Nî-lī-a ê kiáⁿ Pa-lio̍k í-āu, chiū kî-tó Iâ-hô-hoa kóng,

(BCL) 我將買契交互尼利亞的子巴錄以後，就祈禱耶和華講：

17

(THR) Chú Iâ-hô-hoa ah, Lí bat ēng tōa kôan-lêng kap chhun-chhut ê chhiú, chhòng-chō thiⁿ tōe; chāi-tī Lí bô chı̍t-hāng oh-chiâⁿ ê sū;

(BCL) 「主耶和華啊，你曾用大權能及伸出的手創造天地，在佇你無一項成的事。

18

(THR) Lí si chû-ài hō͘ chheng-bān lâng, koh chiong lāu-pē ê chōe-kòa pò-èng tī i hō͘-è ê sin-chiūⁿ; chì-tōa chôan-lêng ê Siōng-tè, bān-kun ê Iâ-hô-hoa, sī I ê miâ.

(BCL) 你施慈愛互千萬人，閣將老父的罪過報應佇伊後裔的身上，至大全能的上帝，萬軍的耶和華是伊的名。

19

(THR) Lí ê kè-e̍k ū tōa pún-sū, kiâⁿ tāi-chì ū tōa kôan-lêng, chù-ba̍k khòaⁿ sè-kan lâng it-chhè ê kiâⁿ-chòe, chiàu ta̍k-lâng ê só͘-kiâⁿ, kap in ê só͘-chòe ê hāu-kó, lâi pò-èng i.

(BCL) 你的計劃有大本事，行代誌有大權能，注目看世間人一切的行做，照逐人的所行及的所做的效果，來報應伊。

20

(THR) Tī Ai-kı̍p tōe hián-chhut sîn-jiah kî-sū, tı̍t-kàu kin-á-jı̍t; tī Í-sek-lia̍t kap pa̍t-lâng ê tiong-kan, ia̍h sī án-ni; hō͘ Lí tit-tio̍h miâ-siaⁿ, chhin-chhiūⁿ kin-á-jı̍t chı̍t-iūⁿ;

(BCL) 佇埃及地顯出神蹟奇事，直到今仔日佇以色列及別人的中間亦是按呢，互你得著名聲，親像今仔日一樣。

21

(THR) ēng sîn-jiah kî-sū, kap tōa kôan-lêng ê chhiú, kap chhun-chhut ê chhiú-kut, kap tōa thang kiaⁿ ê sū, chhōa Lí ê peh-sìⁿ Í-sek-lia̍t chhut Ai-kı̍p tōe;

(BCL) 用神蹟奇事及大權能的手，及伸出的手骨及大通驚的事，導你的百姓以色列出埃及地。

22

(THR) chiong chit ê lâu ni kap bı̍t ê tōe siúⁿ-sù in, chiū-sī Lí tùi in ê lia̍t-chó͘ chiù-chōa beh hō͘ in-ê.

(BCL) 將此個流奶及蜜的地賞賜，就是你對的列祖咒誓欲互的。

23

(THR) In jı̍p--lâi tit-tio̍h i chòe-gia̍p; chóng-sī bô thàn Lí ê ōe, bô kiâⁿ Lí ê lu̍t-hoat; Lí it-chhè bēng-lēng in kiâⁿ--ê, in bô kiâⁿ chı̍t-hāng; só͘-í Lí hō͘ lóng-chóng ê chai-ē kàu tī in.

(BCL) 入來得著伊做業，總是無趁你的話，無行你的律法；你一切命令行的，無行一項，所以你互攏總的災禍到佇。

24

(THR) Khòaⁿ ah, ū kôaiⁿ ê thô͘-tui, in í-keng pek-óa chit ê siâⁿ, beh chhú--i; siâⁿ ia̍h in-ūi to-kiàm, ki-hng, un-e̍k, kau hō͘ kong-kek i ê Ka-le̍k-tí lâng ê chhiú, Lí só͘ kóng--ê í-keng chiâⁿ, Lí ia̍h chhin-ba̍k khòaⁿ-kìⁿ.

(BCL) 看啊，有高的土堆，已經逼倚此個城欲取伊；城亦因為刀劍、飢荒、瘟疫，交互攻擊伊的迦勒底人的手。你所講的已經成，你亦親目看見。

25

(THR) Chú Iâ-hô-hoa ah, Lí kā góa kóng, tio̍h ūi ka-kī ēng gûn bóe chhân, koh chhiáⁿ lâng chòe ti-kìⁿ; taⁿ chit ê siâⁿ í-keng kau tī Ka-le̍k-tí lâng ê chhiú lah.

(BCL) 主耶和華啊，你給我講：著為家己用銀買田，閣請人做知見。今此個城已經交佇迦勒底人的手啦。」

26

(THR) Iâ-hô-hoa ê ōe lîm-kàu Iâ-lī-bí kóng,

(BCL) 耶和華的話臨到耶利米講：

27

(THR) Khòaⁿ ah, Góa sī Iâ-hô-hoa, sī kìⁿ-ū hiat-khì--ê ê Siōng-tè, chāi-tī Góa kiám ū chı̍t-hāng oh-chiâⁿ ê sū?

(BCL) 「看啊，我是耶和華，是見有血氣者的上帝，在佇我豈有一項成的事？

28

(THR) Só͘-í Iâ-hô-hoa án-ni kóng, Khòaⁿ ah, Góa beh chiong chit ê siâⁿ kau hō͘ Ka-le̍k-tí lâng ê chhiú, kap Pa-pí-lûn ông Nî-pò͘-kah-nî-sat ê chhiú, i beh chhú--i.

(BCL) 所以耶和華按呢講：看啊，我欲將此個城交互迦勒底人的手及巴比倫王尼布甲尼撒的手，伊欲取伊。

29

(THR) Kong siâⁿ ê Ka-le̍k-tí lâng beh lâi, pàng hé sio chit ê siâⁿ, í-kı̍p chhù-the̍h; tī chiah ê chhù-téng, lâng bat ǹg Pa-le̍k sio-hiuⁿ, ǹg pa̍t ê siōng-tè kòan-tiān, jiá Góa ê siū-khì.

(BCL) 攻城的迦勒底人欲來放火燒此個城以及厝宅。佇諸個厝頂，人曾向巴力燒香，向別個上帝灌奠，惹我的受氣。

30

(THR) Í-sek-lia̍t lâng kap Iû-tāi lâng, tùi siàu-liân í-lâi, choan-choan kiâⁿ Góa ba̍k-chiu-tiong khòaⁿ-chòe pháiⁿ ê sū; Í-sek-lia̍t lâng it-chīn ēng chhiú só͘ chòe--ê, jiá Góa ê siū-khì; che sī Iâ-hô-hoa kóng--ê.

(BCL) 以色列人及猶大人對少年以來，專專行我目睭中看做歹的事；以色列人一盡用手所做的惹我的受氣。這是耶和華講的。

31

(THR) Chit ê siâⁿ tùi khí-chō ê jı̍t kàu kin-á-jı̍t, siông-siông jiá Góa ê siū-khì, hō͘ góa àu-náu; tì-kàu Góa kā i tû--khì lī-khui Góa ê bīn-chêng.

(BCL) 此個城對起造的日到今仔日，常常惹我的受氣互我懊惱，致到我給伊除去離開我的面前；

32

(THR) Sī in-ūi Í-sek-lia̍t lâng kap Iû-tāi lâng it-chhè ê siâ-ok; chiū-sī in kap in ê kun-ông, kùi-cho̍k, chè-si, sian-ti, kap Iû-tāi ê chèng-lâng, í-kı̍p Iâ-lō͘-sat-léng khiā-khí ê peh-sìⁿ, só͘ kiâⁿ--ê, jiá Góa ê siū-khì.

(BCL) 是因為以色列人及猶大人一切的邪惡，就是及的君王、貴族、祭司、先知，及猶大的眾人，以及耶路撒冷徛起的百姓所行的，惹我的受氣。

33

(THR) In ēng ka-chiah ǹg Góa, bô ēng bīn; Góa sui-jiân kà-sī in, sī chá-chá khí-lâi kà-sī in; chóng-sī in bô thiaⁿ-thàn, lâi siū kà-sī.

(BCL) 用尻脊向我，無用面；我雖然教示，是早早起來教示，總是無聽趁，來受教示，

34

(THR) In kéng-jiân ēng in khó-ò͘ⁿ ê mı̍h, hē tī ēng Góa ê miâ só͘ chheng ê chhù, lâi phah lâ-sâm--i.

(BCL) 竟然用可惡的物下佇用我的名所稱的厝，來拍垃墋伊。

35

(THR) In tī Piān-him-lùn ê soaⁿ-kok khí Pa-le̍k ê kôaiⁿ-tâi, beh hō͘ in ê kiáⁿ cha-bó͘-kiáⁿ keng-kè hé kui Mô͘-lo̍k; in kiâⁿ che khó-ò͘ⁿ ê sū, hō͘ Iû-tāi hām-lo̍h chōe; che m̄-sī Góa só͘ bēng-lēng--ê, ia̍h m̄-sī Góa ê sim só͘ siūⁿ--ê.

(BCL) 佇便欣嫩的山谷起巴力的高台，欲互的子，查某子經過火歸摩洛；行這可惡的事，互猶大陷落罪，這呣是我所命令的，亦呣是我的心所想的。」

36

(THR) Taⁿ lūn-kàu chit ê siâⁿ, sī lín só͘ kóng í-keng in-ūi to-kiàm, ki-hng, un-e̍k, kau tī Pa-pí-lûn ông ê chhiú--ê; Í-sek-lia̍t ê Siōng-tè Iâ-hô-hoa án-ni kóng:

(BCL) 今論到此個城，是恁所講已經因為刀劍、飢荒、瘟疫交佇巴比倫王的手的，以色列的上帝──耶和華按呢講：

37

(THR) Khòaⁿ ah, Góa tī siū-khì, àu-náu, tōa siū-khì ê tiong-kan, chiong in kóaⁿ kàu ta̍k-kok, āu-lâi Góa beh tùi-hia chio-chı̍p in chhut--lâi, chhōa in tò-lâi chit só͘-chāi, hō͘ in an-jiân khiā-khí.

(BCL) 「看啊，我佇受氣、懊惱、大受氣的中間，將趕到逐國。後來我欲對遐招集出來，導倒來此所在，互安然徛起。

38

(THR) In beh chòe Góa ê peh-sìⁿ, Góa beh chòe in ê Siōng-tè.

(BCL) 欲做我的百姓，我欲做的上帝。

39

(THR) Góa beh hō͘ in it-sim it-lō͘, hō͘ in siông-siông kèng-ùi Góa, hō͘ in kap in ê kiáⁿ-sun tit-tio̍h hok-khì.

(BCL) 我欲互一心一路，互常常敬畏我，互及的子孫得著福氣，

40

(THR) Góa beh kap in lı̍p éng-óan ê iok, chiū-sī bô o̍at-tńg lī-khui in, sī beh sù-hok hō͘ in; koh hō͘ in chûn-sim kèng-ùi Góa, bô o̍at-tńg lī-khui Góa.

(BCL) 我欲及立永遠的約，就是無越轉離開，是欲賜福互，閣互存心敬畏我，無越轉離開我。

41

(THR) Góa beh hoaⁿ-hí in, sù-hok hō͘ in, Góa sı̍t-chāi beh chīn-sim chīn-ì, chai-pôe in tī chit ê só͘-chāi.

(BCL) 我欲歡喜，賜福互，我實在欲盡心盡意栽培佇此個所在。

42

(THR) In-ūi Iâ-hô-hoa án-ni kóng, Góa cháiⁿ-iūⁿ hō͘ chit-ê it-chhè tōa ê chai-ē lîm-kàu chit ê peh-sìⁿ, Góa ia̍h beh án-ni hō͘ Góa só͘ èng-ún in it-chhè ê hok-khì lîm-kàu in.

(BCL) 「因為耶和華按呢講：我怎樣互此個一切大的災禍臨到此個百姓，我亦欲按呢互我所應允一切的福氣臨到。

43

(THR) Lín kóng, Chit ê só͘-chāi sī pha-hng, bô lâng, bô cheng-siⁿ; sī kau hō͘ Ka-le̍k-tí lâng ê chhiú--ê; chiong-lâi lâng beh koh tī chit só͘-chāi bóe chhân-hn̂g.

(BCL) 恁講：此個所在是拋荒、無人、無精牲，是交互迦勒底人的手的。將來人欲閣佇此所在買田園。

44

(THR) Tī Piān-ngá-bín tōe, tī Iâ-lō͘-sat-léng ê sì-ûi, tī Iû-tāi chiah ê siâⁿ, tī soaⁿ-tōe chiah ê siâⁿ, tī pîⁿ-iûⁿ chiah ê siâⁿ, kap tī lâm-hng chiah ê siâⁿ, lâng beh ēng gûn bóe-chhân, tī khòe-bīn chhiam-miâ, chiong khòe hong-ba̍t, chhiáⁿ lâng chòe ti-kìⁿ; in-ūi Góa beh hō͘ siū-lia̍h ê lâng tò--lâi; che sī Iâ-hô-hoa kóng--ê.

(BCL) 佇便雅憫地、佇耶路撒冷的四圍、佇猶大諸個城、佇山地諸個城、佇平洋諸個城，及佇南方諸個城，人欲用銀買田，佇契面簽名，將契封密，請人做知見；因為我欲互受掠的人倒來。這是耶和華講的。」

Bible Color Mark

• 台語漢字羅馬本
• 巴克禮全羅