以西結書 第 4 章

1

(THR) Jîn-chú ah, lí tio̍h the̍h chı̍t tè chng, hē tī lí ê bīn-chêng; ūi Iâ-lō͘-sat-léng siâⁿ tī hí téng-bīn.

(BCL) 「人子啊，你著提一塊磚，下佇你的面前，為耶路撒冷城佇彼頂面，

2

(THR) Koh ûi-khùn kong-kek--i, khí thô͘-tui kong-kek--i, tī sì-ûi an-siat tōa-thûi kong-kek--i.

(BCL) 閣圍困攻擊伊，起土堆攻擊伊，佇四圍安設大錘攻擊伊，

3

(THR) Koh tio̍h the̍h thih-pán, hē tī lí kap siâⁿ ê tiong-kan, chún-chòe thih-chhiûⁿ; lí ê bīn tiāⁿ-tiāⁿ ǹg--i, chiū siâⁿ siū ûi-khùn, lí beh ûi-khùn i. Che thang chòe tiāu-thâu tī Í-sek-lia̍t ke.

(BCL) 閣著提鐵板，下佇你及城的中間，準做鐵牆。你的面定定向伊，就城受圍困，你欲圍困伊；這通做兆頭佇以色列家。

4

(THR) Lí tio̍h khi tò-pêng tó-teh, tam-tng Í-sek-lia̍t ke ê chōe; chiàu lí khi tò-pêng tó--teh ê jı̍t jōa-chōe, lí tam-tng in ê chōe iā sī án-ni.

(BCL) 「你著敧倒旁倒，擔當以色列家的罪；照你敧倒旁倒的日偌多，你擔當的罪也是按呢。

5

(THR) Góa chiong in hōan-chōe ê nî hō͘ lí ēng jı̍t ê siàu-gia̍h lâi tí--i, chiū-sī saⁿ-pah káu-cha̍p jı̍t; lí chiàu án-ni tam-tng Í-sek-lia̍t ke ê chōe-kòa.

(BCL) 我將犯罪的年互你用日的數額來抵伊，就是三百九十日，你照按呢擔當以色列家的罪過。

6

(THR) Lí í-keng móa chiah ê jı̍t, tio̍h koh khi chiàⁿ-pêng tó-teh, tam-tng Iû-tāi ke ê chōe-kòa, Góa kā lí hān sì-cha̍p jı̍t, chı̍t-jı̍t tí chı̍t-nî.

(BCL) 你已經滿諸個日，著閣敧正旁倒，擔當猶大家的罪過。我給你限四十日，一日抵一年。

7

(THR) Só͘-í lí ê bīn tio̍h tiāⁿ-tiāⁿ ǹg siū ûi-khùn ê Iâ-lō͘-sat-léng, chhiú-kut le̍k theh-theh, soan-thôan lâi kong-kek--i.

(BCL) 所以你的面著定定向受圍困的耶路撒冷，手骨露裼裼，宣傳來攻擊伊。

8

(THR) Khòaⁿ ah, Góa beh ēng soh hē tī lí ê sin-chiūⁿ; tì-kàu lí bōe-ōe hoan kè-pêng, kàu lí ûi-khùn siâⁿ ê jı̍t móa.

(BCL) 看啊，我欲用索下佇你的身上，致到你會翻過旁，到你圍困城的日滿。

9

(THR) Lí tio̍h the̍h sió-be̍h, tōa-be̍h, tāu-á, âng-tāu, sóe-á, kap chho͘-be̍h, tóe tī chı̍t ê khì-kū-lāi; ūi-tio̍h pún-sin ēng--i lâi chòe-piáⁿ, chiàu lí tó thán-khi ê jı̍t ê siàu-gia̍h, chiū-sī saⁿ-pah káu-cha̍p jı̍t, lí tio̍h chia̍h--i.

(BCL) 「你著提小麥、大麥、豆仔、紅豆、黍仔、及粗麥，貯佇一個器具內，為著本身用伊來做餅；照你倒坦敧的日的數額，就是三百九十日你著食伊。

10

(THR) Lí só͘ chia̍h ê sı̍t-bu̍t, tio̍h chiàu chhìn-tāng, ta̍k-jı̍t chia̍h jī-cha̍p sià-khek-le̍k, chiàu-sî lâi chia̍h.

(BCL) 你所食的食物著照秤重，逐日食二十舍客勒，照時來食。

11

(THR) Lí lim chúi ia̍h tio̍h chiàu niû, ta̍k-jı̍t chı̍t-him ê la̍k-hūn-chı̍t; chiàu-sî lâi lim.

(BCL) 你飲水亦著照量，逐日一欣的六份一，照時來飲。

12

(THR) Lí chia̍h chit ê piáⁿ, chhin-chhiūⁿ chia̍h tōa-be̍h-piáⁿ chı̍t-iūⁿ; tio̍h ēng lâng só͘ pàng ê pùn, pek--i tī chèng-lâng ê ba̍k-chiu-chêng.

(BCL) 你食此個餅親像食大麥餅一樣，著用人所放的糞，伊佇眾人的目睭前。」

13

(THR) Iâ-hô-hoa kóng, Í-sek-lia̍t lâng tī Góa só͘ kóaⁿ in kàu ê lia̍t-kok-tiong, ia̍h tek-khak án-ni chia̍h bô chheng-khì ê piáⁿ.

(BCL) 耶和華講：「以色列人佇我所趕到的列國中，亦的確按呢食無清氣的餅。」

14

(THR) Góa kóng, Ai ah, Chú Iâ-hô-hoa ah, góa pêng-sò͘ bē-bat bak-tio̍h lâ-sâm, tùi sòe-hàn kàu-taⁿ, bē-bat chia̍h ka-kī sí--ê, á-sī hō͘ iá-siù thiah-lı̍h--ê; hit ê khó-ò͘ⁿ ê bah, ia̍h bē-bat jı̍p góa ê chhùi.

(BCL) 我講：「唉啊！主耶和華啊，我平素未曾染著垃墋，對細漢到今未曾食家己死者，抑是互野獸拆裂者，彼個可惡的肉亦未曾入我的嘴。」

15

(THR) Tùi án-ni I tùi góa kóng, Khòaⁿ ah, Góa hō͘ lí ēng gû-sái lâi thòe lâng ê pùn; lí tio̍h chiong lí ê piáⁿ pek tī hit téng-bīn.

(BCL) 對按呢伊對我講：「看啊，我互你用牛屎來替人的糞，你著將你的餅佇彼頂面。」

16

(THR) I koh tùi góa kóng, Jîn-chú ah, khòaⁿ ah, Góa beh tī Iâ-lō͘-sat-léng tōan-cho̍at in só͘ óa-khò ê bí-niû; in chia̍h-piáⁿ tio̍h chiàu chhìn, chún-chat lâi chia̍h; lim chúi ia̍h tio̍h chiàu niû, gông-ngia̍h lâi lim.

(BCL) 伊閣對我講：「人子啊，看啊，我欲佇耶路撒冷斷絕所倚靠的米糧。食餅著照秤，撙節來食；飲水亦著照量，卬愕來飲；

17

(THR) Hō͘ in khiàm-kheh piáⁿ kap chúi, saⁿ-kap gông-ngia̍h, koh tī in ê chōe-kòa lâi siau-bia̍t.

(BCL) 互欠缺餅及水，相及卬愕，閣佇的罪過來消滅。」

Bible Color Mark

• 台語漢字羅馬本
• 巴克禮全羅