路得記 第 4 章 - 台語漢字羅馬本

1

波阿斯上到城門，坐佇遐，抵當波阿斯所講彼個該親的對遐過。伊就對伊講：「某人啊，請你越來遮坐。」伊就越去坐。

2

波阿斯閣對本城的長老中叫十人來，給講：「請恁坐踮遮。」就坐。

3

波阿斯對彼個至親的講：「對摩押地倒來的拿俄米，今賣伊彼份的園是本屬咱的兄以利米勒的；

4

我意思欲通知你講，著佇諸個坐的人的面前及我的百姓的長老的面前，買伊。你若欲贖，就贖伊，若呣贖伊，就明明講互我知，因為你以外無別人通贖伊，第二就是我。」伊應講：「我欲贖伊。」

5

波阿斯講：「你對拿俄米的手買彼份園的日，也著對死人的某摩押的查某子路得買伊，來建立死人的名佇伊的業。」

6

彼個至親的講：「我會為家己贖伊，驚了我礙著家己的業。我贖業的權你通為家己掌伊，因為我會贖伊。」

7

前，佇以色列中欲決定甚麼事，或是贖回，或是交換，此人著褪鞋互彼人。以色列人攏用此個做證據的例。

8

彼個至親對波阿斯講：「你為家己買伊！」伊就褪家己的鞋。

9

波阿斯給長老及眾百姓講：「恁今仔日做干證，見若屬以利米勒見若屬基連、瑪倫的，我攏對拿俄米的手買來；

10

閣買瑪倫的某摩押的查某子路得做我的某，通建立死人的名佇伊的業，互死人的名無絕佇伊的兄弟中及伊的本城。恁今仔日做干證。」

11

佇城門坐許個眾百姓及長老講：「阮做干證。願耶和華互入你的家的婦仁人，親像建立以色列家拉結、利亞二人一樣。閣願你佇以法他做豪傑，佇伯利恆做有名聲的。

12

也願你的家對耶和華用此個查某子所欲賞賜你的後裔，成做親像法勒斯的家就是他瑪給猶大所生的。」

13

對按呢，波阿斯娶路得做某，已經及伊同房。耶和華互伊懷孕生一個子。

14

許個婦仁人對拿俄米講：「耶和華是應該謳咾的！因為伊今仔日無放拺你，致到你無至親的人。願此個囝仔佇以色列中得著名聲。

15

伊欲復倒你的精英，奉養你的年老，因為生伊者就是你彼個疼你的媳婦。對佇你比七個子猶卡好的！」

16

拿俄米抱彼個囝仔下佇伊的胸前，育伊親像老母。

17

厝邊許個婦仁人就給伊號名講：「拿俄米有得著囝仔啦！」就叫伊的名俄備得。伊是耶西的老父，耶西是大衛的老父。

18

法勒斯的後裔記佇下底：法勒斯生希斯崙；

19

希斯崙生蘭；蘭生亞米拿達；

20

亞米拿達生拿順；拿順生撒門；

21

撒門生波阿斯；波阿斯生俄備得；

22

俄備得生耶西；耶西生大衛。