羅馬書 第 8 章 - 台語漢字羅馬本

1

所以，許個佇基督耶穌的，今攏無定罪。

2

因為活命的神的法，佇基督耶穌已經解放我脫離罪及死的法。

3

因為律法所會的，是對肉體才無力，上帝就差家己的子，佇有罪的肉體的形狀，閣為著罪的緣故，佇肉體中來擬定罪惡，

4

互律法的義佇咱會得滿足，就是無照肉體、是照神來行的。

5

因為照肉體的，意向肉體的事；照神的，意向神的事。

6

因為肉體的意向，是死；神的意向，是活閣平安。

7

因為肉體的意向，是對敵上帝；因為伊無降服上帝的律法，也會降服，

8

閣佇肉體的，會互上帝歡喜。

9

獨獨上帝的神若徛起佇恁，就恁無佇肉體，是佇神。無有基督的神的，呣是伊的人。

10

基督若佇恁，就恁的身軀因為罪死，神因為義活。

11

獨獨互耶穌對死人中復活的，伊的神若徛起佇恁，就互基督耶穌對死人中復活的，也欲將伊的神就是徛起佇恁的，互恁會死的身軀復活。

12

按呢，兄弟啊，咱呣是欠肉體的債致到照肉體來活。

13

因為恁若照肉體來活，就會死；若用神拍死身軀的所做，就會活。

14

凡若互上帝的神所導的，是做上帝的子。

15

因為恁呣是受著奴僕的神，致到閣驚惶；就是受著設立做子的神，對按呢咱叫講：「阿爸！父啊！」

16

聖神家己及咱的神相及干證咱做上帝的子；

17

既然做子就做後嗣，就是做上帝的後嗣，及基督同做後嗣。咱若及伊同受苦，是欲互咱及伊同榮光。

18

因為我算現時的艱苦堪得比並所欲顯明到佇咱的榮光。

19

因為受造的物抬頭向望，聽候上帝眾子的顯明。

20

因為受造的物降服佇空虛，呣是伊甘願，就是對彼個互伊降服的。

21

是向望連受造的物也欲得著解放脫離敗壞的拘束，來入佇上帝的子兒榮光的自由。

22

因為咱知一切受造的物到此時猶相及吐氣、苦痛。

23

呣若按呢，就咱本身得著聖神頭水的果子的，也心內家己吐氣，聽候設立做子，就是咱的身軀的贖回。

24

因為咱得救是對向望；若是已經看見的向望呣是向望，因為所看見的甚麼人向望伊？

25

獨獨咱若向望彼個所無看見的，咱就吞聽候。

26

閣聖神也親像按呢扶持咱的軟茈，因為咱呣知影著怎樣祈禱照所應該的，獨獨聖神家己用講出的吐氣替咱求。

27

鑑察人的心的，也知聖神的意思，因為伊照上帝的意思來替聖徒求。

28

閣咱知萬項事相及來互疼上帝的人得著利益，就是照伊定著的旨意來受召者。

29

因為伊所代先知的，就代先定著及伊的子的像同款，互伊佇多多兄弟的中間做大子。

30

閣所代先定著的就召；所召的就稱做義，所稱做義者，就互有榮光。

31

論到諸個事咱欲怎樣講？上帝若為咱，是誰會對敵咱？

32

伊既然無惜家己的子，為著咱眾人獻伊，豈無續將萬物白白互咱嗎？

33

是誰欲告上帝所揀的百姓啊？稱做義的是上帝。

34

是誰定的罪啊？基督耶穌已經死，尚且對死人中閣起來，坐佇上帝的大旁，也替咱祈禱。

35

是誰欲隔斷咱佇基督的疼？或是患難？或是困苦？或是窘逐？或是枵餓？或是褪裼？或是危險？或是利刀啊？

36

親像所記載講：阮為著你的緣故終日受死；看做親像欲的羊。

37

反轉佇諸個攏總的事，咱對疼咱者得勝到有剩。

38

因為我深信無論是死、是活，是天使、是掌權的，是現今的、是將來的，有權能的，

39

是高、是深，抑是別個受造的物，攏會隔斷咱佇上帝的疼；就是佇咱的主基督耶穌所有的疼。