詩篇 第 7 章 - 台語漢字羅馬本

1

〔大衛指便雅憫人古實的話，向耶和華唱歌；調用詩偕韻（譯音）。〕耶和華──我的上帝啊，我倚靠你！求你救我脫離一切追趕我的人，救我出來！

2

驚了伊親像獅拆裂我，拆到碎碎，無拯救我者。

3

耶和華──我的上帝啊，我若行此個，若有罪惡佇我的手，

4

我若用歹報彼個及我和好的人──其實連彼個無緣故及我做對敵的人，我亦有救伊，

5

就出在對敵追我，到著，將我的生命踏佇土腳，將我的榮光下佇土粉。（細拉）

6

耶和華啊，求你佇你的受氣中起來，絔起來徛，抵當我的對敵的大受氣！求你為著我來醒！照你所定著來審判！

7

願列邦的會圍你！願你倒轉佇高位佇的頂面！

8

耶和華審判眾百姓；耶和華啊，求你判斷我照我的義及我心內的正直。

9

願歹人的歹到遮息！義人你互伊徛在！因為公義的上帝鑑察人的心腸。

10

我的盾牌在佇上帝；伊拯救心內正直的人。

11

上帝是公義的審判司，亦是日日發出受氣的上帝。

12

人若呣反悔，伊欲磨伊的刀，伊有張伊的弓，備辦便便。

13

伊備辦會互人死的家私；伊所射的箭是火箭。

14

你看，歹人圖謀奸惡，懷孕毒害，生出虛假。

15

伊開窟，掘互伊深，竟然跋落佇伊所開的陷坑。

16

伊的毒害欲倒轉到伊的頭殼；伊的強暴欲落佇伊的頭殼頂。

17

我欲照耶和華的公義感謝伊，閣謳咾至高耶和華的名。