詩篇 第 6 章 - 台語漢字羅馬本

1

〔大衛的詩，交互樂官。用絲弦的樂器，調用第八。〕耶和華啊，呣通佇你的受氣中責備我，亦呣通佇你大受氣中譴責我！

2

耶和華啊，求你可憐我，因為我衰膦。耶和華啊，求你醫治我，因為我的骨頭愕愕惙。

3

我的心大大驚惶。耶和華啊，你欲到底時才救我？

4

耶和華啊，求你越倒轉救我的生命！為著你的慈愛來救我。

5

因為，死無的中間無記念你，陰府的中間是誰感謝你？

6

我因為哼哼孱來厭倦；我逐暝流目屎淹我的眠床，濕透我的褥仔。

7

我因為憂悶目睭拍歹，閣因為我一切的對敵來目睭花。

8

恁一切做歹的人，著離開我！因為耶和華聽見我啼哭的聲。

9

耶和華有聽我的懇求；耶和華欲接納我的祈禱。

10

我的對敵攏欲見誚，大大驚惶；欲退倒轉，忽然見誚。