詩篇 第 40 章 - 台語漢字羅馬本

1

〔大衛的詩，交互樂官。〕我曾吞聽候耶和華；伊俯落向我，聽我的求叫。

2

伊對通驚的陷坑，對土糜中，牽我起來，互我的腳徛佇石磐頂，互我的腳步在伍。

3

伊互我的嘴唱新的歌，就是謳咾阮的上帝的。多多人欲看見來驚畏，亦欲倚靠耶和華。

4

獨獨倚靠耶和華、無插許個驕傲，以及偏向虛假的人，此號人有福氣！

5

耶和華──我的上帝啊，你所行的奇事，以及你對阮所存的念頭真多，會對你排列；我若欲提起來講，彼個數額算了。

6

祭祀及禮物，你無歡喜；你有開我的耳孔。燒祭及贖罪祭你無愛揲。

7

彼時我講：你看，我來啦！我的事已經記佇冊裡。

8

我的上帝啊，你的旨意我歡喜趁；你的律法佇我的心內。

9

我佇大聚會的中間宣傳公義的好消息；我無欲停止我的嘴唇。耶和華啊，這是你所知的。

10

我未曾將你的公義蓋密佇我的心內；我已經排列你的信實及你的救恩；我對大聚會未曾隱囥你的慈愛及誠實。

11

耶和華啊，求你呣通對我停止你的慈悲！願你的慈愛及誠實常常保護我！

12

因為有算得的災禍圍困我，我的罪惡著我，互我會抬目；諸個罪惡比我的頭毛卡多，我的心續離開我。

13

耶和華啊，求你歡喜拯救我！耶和華啊，求你緊緊幫助我！

14

願許個數想欲害我生命者，做一下見誚漏氣！願許個歡喜我受陷害者，越倒轉受凌辱！

15

願許個對我講呼哉、呼哉的，因為見誚來敗無！

16

願一切尋你的，因為你來歡喜快樂！願許個欣慕你救恩者，常常講：著尊耶和華做大！

17

總是我是困苦喪鄉者，主猶久數念我；你是幫助我者，拯救我者。我的上帝啊，求你呣通延延！