馬可福音 第 14 章 - 台語漢字羅馬本

1

過二日就是過，及除酵的節，諸個祭司頭及經學士尋看著用甚麼詭計掠耶穌，來害死伊。

2

因為講：「當節期呣通，驚了百姓有擾亂。」

3

耶穌佇伯大尼癩西門的厝坐桌的時，有婦仁人來，帶玉瓶內面貯極貴氣真的哪噠香油，叩破玉瓶，傾佇耶穌的頭殼。

4

有幾若人受氣，相及講：「按呢破費此個香油有甚麼路用？

5

因為此個香油會賣得銀仔三百外個來互喪鄉人。」就呣願伊。

6

若是耶穌講：「出在伊！恁啥事刁難伊？伊所行來款待我的是好事。

7

因為常常有喪鄉人及恁佇，愛好款待不管時攏會；若是我無常常及恁佇。

8

此個婦仁人是盡伊所會的來做；伊代先將油抹我的身軀來備辦埋葬。

9

我實在給恁講，普天下，無論甚麼所在傳福音，也欲講起此個婦仁人所行，來紀念伊。」

10

十二個學生的一個，加略人猶大去見許個祭司頭，欲將耶穌交互。

11

聽見就歡喜，閣允欲互伊銀；伊就尋看有甚麼機會通將耶穌交互。

12

除酵節的頭一日，就是過節的羊羔的日，學生問伊講：「你愛阮去甚麼所在備辦互你食過節啊？」

13

耶穌差二個學生，給講：「恁入城，就有一人帶水瓶欲抵著恁，恁著隨伊去。

14

佇伊所入的所在，給彼個家主講：『先生講：我的客廳佇叨落？我欲佇遐及我的學生食過節。』

15

伊欲用樓頂一間大廳排設便便互恁看，恁佇遐通為著咱代先備辦。」

16

學生出去，入城，既然抵著照伊所給講的。就備辦過節。

17

到日暗，耶穌及十二個學生來。

18

坐食的時，耶穌講：「我實在給恁講，恁中間一人，及我相及食者欲賣我。」

19

眾人憂悶，一個一個問伊講：「總無是我哦？」

20

伊給講：「十二學生的一個，及我相及搵佇盤裡者就是。」

21

因為人子倒去，照所記載指伊的話；若是賣人子者有災禍啊！彼人無出世卡好。」

22

食的時，耶穌提餅，祝謝，就擘破，互，講：「提去，此個是我的身軀」；

23

捧杯，祝謝，互；攏飲。

24

耶穌給講：「此個是我的血就是盟約的血，為著多多人來流出的。

25

我實在給恁講，今了後我無閣飲葡萄的汁，聽候彼日我飲彼個新的佇上帝的國。」

26

已經吟詩，就出來，去橄欖山。

27

耶穌給講：「恁攏欲受塞礙，因為有記載講：我欲拍牧者，羊就四散。

28

若是我復活了後，欲代先恁去加利利。」

29

彼得給伊講：「眾人雖然受塞礙，若是我無按呢。」

30

耶穌給伊講：「我實在給你講，今仔日就是佇今暝，雞啼二落的代先，你欲三擺呣認我。」

31

彼得盡力講：「我就若著及你死，也決斷無呣認你。」眾人也攏是按呢講。

32

相及到一所在，名叫客西馬尼。耶穌給伊的學生講：「恁坐住遮，聽候我祈禱。」

33

就帶彼得、雅各、約翰及伊相及去，耶穌卬愕慘慼，

34

給講：「我的心真憂悶，到欲死；恁著住遮來警醒。」

35

略仔進前，仆佇地裡，祈求：「若會做得，就互伊免抵著此個時。」

36

閣講：「阿爸！父啊！你萬事攏會；願你互此個杯離開我。總是，呣是照我所愛，是照你所愛。」

37

閣來，看見睏，就給彼得講：「西門，你睏嗎？會警醒一時久嗎？

38

恁著警醒祈禱，免得入佇迷惑。心神甘願，若是肉體軟茈。」

39

閣再去祈禱，也是講許個話，

40

閣來看見睏，因為的目睭真澀；也呣知著應怎樣。

41

第三擺來，給講：「今通睏來安息啦！好啦！時到啦。人子受賣佇罪人的手啦。

42

起來！相及去。你看，賣我的人近啦！」

43

猶講的時，連鞭有十二個學生的一個猶大來，也有歸陣人抬刀及槌仔，對祭司頭、經學士及長老遐相及來。

44

賣伊的曾及套暗號，講：「我給伊唚者，彼人就是。恁通掠伊，細膩拖伊去。」

45

已經到，即時就近耶穌，講：「拉比」，就直直給伊唚。

46

就下手掠伊。

47

邊頭徛的一人，拔刀，祭司頭的奴僕，削去伊一個耳仔。

48

耶穌給講：「恁抬刀及槌仔出來掠我，親像欲掠賊嗎？

49

我日日佇殿內教示人，及恁相及佇恁無掠我。總是按呢就是欲應驗聖經。」

50

學生攏離開伊，走。

51

有一個少年人，褪裼幼苧布，隨耶穌，掠伊。

52

就棄拺幼苧布，褪裼來走。

53

許個人帶耶穌到祭司頭的所在，也有眾祭司頭、長老、經學士攏來及伊相及聚集。

54

彼得遠遠隨耶穌，到祭司頭的院，入內面及許個差役坐烘火。

55

諸個祭司頭及全公會尋干證攻擊耶穌，欲互伊死，也無得著。

56

因為濫糝干證來攻擊伊的多多，若是所干證的無對同。

57

也有幾若人起來濫糝干證伊，講：

58

「阮曾聽見伊講：『我欲毀壞此間人的手所起的殿，三日內閣起此間呣是人的手所起的。』」

59

干證按呢，也無對同。

60

祭司頭起來徛佇中間，問耶穌講：「你攏無應嗎？諸個人所干證你的是甚麼？」

61

耶穌靜靜，攏無應。祭司頭閣問伊講：「你是通謳咾者的子基督抑呣是？」

62

耶穌講：「我是。恁欲看見人子坐佇有權能者的大旁，及天的雲來。」

63

祭司頭拆裂家己的衫，講：「咱猶欠甚麼干證啊？

64

恁已經聽見伊的僭權褻瀆啦。恁拍算按怎樣？」攏擬伊該死。

65

彼時有人就呸涎伊，掩伊的面，用拳頭拇掙伊，給伊講：「你著做先知來講！」許個差役帶去，用手拍伊。

66

彼得佇下面外院的時；有祭司頭一個女婢來，

67

看見彼得烘火，相伊，講：「你也曾及彼個拿撒勒人耶穌做陣。」

68

伊呣認，講：「我呣知，也曉得你講甚麼。」就出去，到前院，雞就啼。

69

彼個女婢看見伊，閣給邊仔徛的人講：「此個也是屬佇的黨。」

70

伊閣呣認。閣霎仔久，邊仔徛者閣給彼得講：「你屬的黨！因為你是加利利人。」

71

伊就咒詛閣咒誓講：「恁所講彼個人我呣識伊。」

72

雞即時啼二落。彼得就記得耶穌所給伊講的話講：「雞啼二落的代先，你欲三擺呣認我。」想著，就啼哭。