路加福音 第 22 章 - 台語漢字羅馬本

1

除酵節（也名過節）近啦。

2

諸個祭司頭及經學士尋看有甚麼法通害死耶穌，因為是驚百姓。

3

撒但入佇彼個叫做加略的猶大；伊是十二個學生的一個。

4

就去及諸個祭司頭有司官相及參詳，欲用甚麼法將耶穌交。

5

歡喜，約欲銀互伊。

6

猶大應伊，就尋機會，當百姓無佇的時將耶穌交。

7

除酵節，應該過節的羊羔，彼個日已經到。

8

耶穌差彼得、約翰講：「恁去替咱備辦過節的筵席，互咱通來食。」

9

給伊講：「愛阮佇甚麼所在備辦？」

10

伊給講：「恁去入城，就有一人帶水瓶欲抵著恁，著隨伊，入伊所入的厝，

11

給彼間厝的主人講：『先生問講：客廳佇叨落？我欲佇遐及我的學生食過節。』

12

伊欲用樓頂排設的大廳互恁看，恁著佇遐備辦。」

13

去，果然抵著照伊所給講的；就佇遐備辦過節。

14

時到，耶穌坐桌，使徒也及伊坐。

15

伊對講：「佇受害的代先我不止意愛及恁食此個過節。

16

因為我給恁講，我無欲閣食伊，到伊應驗佇上帝的國。」

17

就接杯，祝謝了，講：「恁將此個分互恁逐人。」

18

因為我給恁講，今了後，我無欲飲葡萄汁，到上帝的國來。」

19

閣提餅，祝謝，來擘互，講：「此個是我的身軀，為著恁來獻的，恁行此個，來記念我。」

20

食了後捧杯也是按呢，講：「此個杯是新約，佇我的血來設立的，就是為著恁流出的。

21

若是賣我的人，伊的手及我佇桌裡。

22

因為人子真正去照所定著的，若是伊互甚麼人賣，彼人有災禍！」

23

就相對問，其中甚麼人欲做此個代誌。

24

有相爭，看從中甚麼人算最大。

25

耶穌就給講：「列邦的君王做主來治理，管轄的稱做恩主。

26

若是恁就呣是按呢；恁中間最大的，著親像序細，做頭的，著親像差用。

27

甚麼號人最大？是坐桌的？抑是做差用的啊？豈呣是坐桌的嗎？若是我佇恁中間親像做差用的。

28

恁就是常常及我佇試煉中的。

29

我用國封恁，親像我的父曾用國封我一樣，

30

互恁佇我的國，飲食佇我的桌，恁也欲坐佇座位，審判以色列十二個支派。」

31

閣講：「西門！西門啊！你看，撒但曾愛得著恁，愛簸恁親像簸麥；

32

若是我有替你祈禱，互你的信無失落。你歸正了後，著堅固你的兄弟。」

33

彼得給伊講：「主啊，我便便及你關落監，也及你死。」

34

伊就講：「彼得啊，我給你講，今仔日雞猶未啼，你欲三擺呣認我。」

35

閣給學生講：「我前差恁無帶錢袋，及褡褳，及鞋，恁有欠甚麼無？」講：「無。」

36

伊就給講：「若是今有錢袋的著帶伊，有褡褳的也著按呢，無刀的著賣伊的衫來買刀。

37

因為我給恁講，所記載的講：『算伊及不法的人同列。』此句話的確應驗佇我，因為干涉我的今欲成啦。」

38

講：「主啊，你看！佇遮有二支刀。」伊給講：「夠額啦。」

39

耶穌出去，照常去橄欖山，學生也隨伊。

40

到彼所在，就給講：「恁著祈禱，免得入迷惑。」

41

就離開約略有石頭的遠，跪落去祈禱，講：

42

「父啊！你若肯，著將此個杯離開我；獨獨呣是我的意思，是你的意思著成。」

43

有一個天使對天出現，來壯伊的力。

44

耶穌苦痛到極，祈禱愈迫切，伊的汗是親像大點血滴落地。

45

祈禱息起來，去就近學生，看見為著憂悶睏，

46

就給講：「啥事睏？起來祈禱，免得入迷惑！」

47

猶講的時，有歸陣人到。十二學生的一個，彼個叫做猶大的，行佇的頭前，近倚耶穌欲給伊唚。

48

若是耶穌給伊講：「猶大！你用唚嘴賣人子嗎？」

49

左右的人看見所欲到的事，就講：「主啊！阮著用刀來嗎？」

50

其中一人祭司頭的奴僕，削去伊正旁的耳仔。

51

耶穌應講：「代誌到按呢，請容允這！」就摸伊的耳仔，來醫好伊。

52

耶穌對許個來攻擊伊的祭司頭、殿司、長老講：「恁抬刀及槌出來，親像攻擊賊嗎？

53

我日日及恁佇殿裡，恁無伸手攻擊我。若是此霎是恁的時，及黑暗的權勢。」

54

就掠伊，帶伊去，帶伊入祭司頭的厝。彼得遠遠隨伊。

55

人佇庭裡起火，相及坐；彼得也坐佇中間。

56

有一個女婢看見伊向火光坐，注目看伊，講：「此人也是及伊做陣。」

57

伊呣認講：「婦仁人啊，我呣識伊。」

58

霎仔久，閣一人看見，講：「你也是的人。」彼得講：「人啊！我呣是。」

59

過半時久，閣一人出力講：「此人真正及伊做陣，因為伊也是加利利人。」

60

若是彼得講：「人啊！你所講的我呣知。」猶講的時，雞連鞭啼。

61

主越頭看彼得，彼得就記得主的話有怎樣給伊講：「今仔日雞啼的代先，你欲三擺呣認我。」

62

伊就出去外面大啼哭。

63

顧守耶穌的人戲弄伊，拍伊，

64

掩伊的面，問伊講：「你著做先知來講，拍你的是是誰啊？」

65

閣講多多項來褻瀆伊。

66

到天光，百姓的長老會聚集，其中有諸個祭司頭及經學士，就帶耶穌到的公會，

67

講：「你若是基督，著給阮講。」耶穌給講：「我若給恁講，恁呣信；

68

若問恁，恁也呣應。

69

總是今了後人子欲坐佇上帝權能的大旁。」

70

大家講：「按呢，就你是上帝的子嗎？」伊對講：「恁講我就是。」

71

講：「乜使用別項的干證？咱本身有聽見伊親嘴所講的。」