路加福音 第 21 章 - 台語漢字羅馬本

1

耶穌抬目看見諸個好額人將所獻的落庫房，

2

閣看見一個喪鄉的守寡人將二個半厘落去，

3

就講：「我真實給恁講，此個喪鄉的守寡人所的比眾人所的卡多，

4

因為眾人是對有剩的，落去獻，若是此個婦仁人是對伊的無夠的，一盡伊所倚靠來活的。」

5

有人講起殿堂是用好石及所獻的物來妝飾；彼時耶穌講：

6

「恁所看見許個物，日子欲到，佇遮欲無一塊石留佇石的頂面，也無捙落去。」

7

就問伊講：「先生啊！按呢甚麼時欲有許個事？閣諸個事欲成的時有甚麼兆頭啊？」

8

耶穌講：「著謹慎，免得受迷惑；因為欲有多多人託我的名來，講：『我就是基督』，閣講：『時近啦』，恁呣通去隨！

9

恁欲聽見交戰及擾亂的事，彼時呣免驚惶；因為諸個代誌的確代先有，總是末期無連鞭到。」

10

就給講：「百姓欲起來攻擊百姓，國也欲起來攻擊國；

11

地欲大振動，也多多所在有飢荒、瘟疫，對天裡也欲有通驚的象及大的神蹟。

12

諸個事的代先，人欲下手掠恁，窘逐恁，將恁送交佇會堂，及監牢，也為著我的名帶恁到佇君王、官府的面前。

13

諸個事欲成做恁的干證。

14

所以，恁的心志著決斷，無代先掛慮欲怎樣分訴；

15

因為我欲賞賜恁口才、智慧，就是恁的眾對敵所會抵當、辯駁的。

16

恁也欲互父母、兄弟、親戚、朋友解送；

17

恁中間有的欲互害死。恁因為我的名欲互眾人怨恨，

18

總是，恁一支頭毛也失落。

19

恁用吞，得著恁的活命。」

20

「恁看見耶路撒冷互軍兵所圍，就知伊的拋荒近啦。

21

彼時，佇猶太的著走去山裡；佇城內的著出來；佇園裡的呣通入城；

22

因為諸個日是伸冤的日，互所有記載的攏應驗。

23

當許個日，有娠孕及互嬰仔食奶的婦仁人有災禍！因為欲有大的困苦到佇彼個地方，也受氣到佇此個百姓。

24

欲互刀死，受掠到萬邦。耶路撒冷欲互列邦人睭踏，到列邦的期滿。」

25

佇日、月、星辰欲有兆頭，佇地上列邦困苦；為著海及湧的嘩嘩哮，就紛亂。

26

人對驚惶以及聽候所欲到佇天下的事，就昏去，因為天象欲振動。

27

佇彼時，欲看見人子用權能，及大榮光坐雲來。

28

抵抵有諸個事，恁著挺身起來抬頭，因為恁的贖回近啦。」

29

閣用譬喻給講：「試看無花果及攏總的樹；

30

發芛的時，恁看見，就家己知夏天近啦。

31

按呢，恁看見諸個事，就著知上帝的國近啦。

32

我實在給恁講，此世代猶未過去，諸個代誌攏欲成。

33

天及地欲無去，我的話無去。」

34

「若是恁著家己謹慎，驚了恁的心互貪食、酒醉，及此世間的掛慮拍亂，就彼日親像活罩忽然到佇恁；

35

因為彼日欲親像按呢到佇見若徛起全地面的眾人。

36

若是恁著逐時警醒，祈禱，互恁會得閃避將來攏總的事，來徛佇人子的面前。」

37

耶穌日時佇殿裡教示人，暝時出去，歇佇彼個名做橄欖的山。

38

眾百姓透早去殿裡尋伊，愛欲聽伊。