路加福音 第 16 章 - 台語漢字羅馬本

1

耶穌閣對學生講：「某個好額人有一個管家的，有人將伊破費主人的業對伊的主人告伊。

2

主人叫伊來，給伊講：『我所聽見你此個代誌是怎樣？今你管家的事著及我清楚，因為你會猶原做管家。』

3

管家的心內想講：『主人　我管家的職，我欲怎樣啊？抬鋤頭？無氣力；做乞食？乜見誚。

4

今我知所著做啦，到　管家的職，彼時人才欲接納我入的家。』

5

伊就叫欠伊主人的債的，一個一個來，給頭一個講：『你欠我的主人偌多？』

6

應講：『油一百桶。』就給伊講：『提你的數，緊緊坐，寫五十。』

7

閣給別個講：『你欠偌多？』伊講：『麥一百石。』給伊講：『提你的數，寫八十。』

8

主人就謳咾此個不義的管家為著伊所做有智識；因為此世間的人，為著世情來圖謀，比光明的人卡有智識。

9

我也給恁講，著用不義的錢財結交朋友，到錢財了去的時，才欲接納恁入永遠的帳房。

10

佇至小可的事盡忠的，佇大的也盡忠；佇至小可的事不義的，佇大的也不義。

11

佇不義的錢財恁若無盡忠，是誰欲用真的託仗恁？

12

閣佇屬別人的恁若無盡忠，是誰欲用屬恁的互恁啊？

13

一個奴僕會服事二個主人；因為伊會怨恨此個，疼彼個。抑是會對重此個看輕彼個。恁會服事上帝，續服事錢財。」

14

法利賽人是貪財的；聽見諸個攏總的話，就冷笑伊。

15

耶穌給講：「恁是佇人的面前家己稱做義的，若是上帝知恁的心；因為佇人的中間所推尊的，佇上帝的面前是可惡。

16

律法及先知到約翰，對彼時上帝國的福音傳報，人盡力來入。

17

天地的廢無比律法一畫的失落是卡快。

18

見若離伊的某來娶別人是行姦淫；娶別人所離的也是行姦淫。」

19

「有一個富人穿紫色及幼苧布的衣裳，逐日奢華宴樂。

20

閣有一個乞食，名拉撒路，遍身生疼，

21

人下伊佇富人的大門口，愛將富人桌腳所磕落的來度飽，狗也來舐伊生疼的位。

22

喪鄉人死，互天使扶伊到亞伯拉罕的胸前。富人也死，續埋葬。

23

佇陰間痛苦的中間，抬目遠遠看見亞伯拉罕，閣拉撒路佇伊的胸前，

24

就叫講：『我的祖亞伯拉罕啊，可憐我！差拉撒路用指頭仔尾搵水來涼我的舌；因為我佇此火焰中，真悽慘。』

25

若是亞伯拉罕講：『子啊，著記得你在生享受你的福氣，拉撒路受著艱苦；今伊佇遮得著安慰，也你受淒慘。

26

呣若按呢，佇阮及恁的中間，有大深淵隔，致到欲對遮過去恁遐會；對遐過來阮遮也會。』

27

伊就講：『既然按呢，求祖你差拉撒路去阮父的厝；

28

因為我有五個兄弟，互伊對做干證，免得也到此個痛苦的所在。』

29

亞伯拉罕講：『有摩西及許個先知通聽。』

30

應講：『我的祖亞伯拉罕啊，啦，若有人對死人中去尋，就欲反悔。』

31

亞伯拉罕給伊講：『若呣聽摩西及先知，就有人對死人中復活，也呣受苦勸。』」