路加福音 第 15 章 - 台語漢字羅馬本

1

眾抽餉的及歹人就近耶穌來聽伊。

2

法利賽人及經學士耦耦唸講：「此個人接納歹人，續及食。」

3

耶穌設此個譬喻對講：

4

「恁中間甚麼人有一百隻羊失落一隻，豈無且放九十九隻佇山裡，去尋所失落的，到得著嗎？

5

已經尋著，就歡喜背伊佇肩頭頂，

6

到厝，就聚集伊的朋友厝邊，給講：『著及我歡喜，因為所失落的羊我已經尋著。』

7

我給恁講，歹人中有一人反悔，就佇天裡也欲按呢為著伊歡喜，比為著九十九個義人呣免反悔的閣卡歡喜。」

8

「抑是甚麼婦仁人有十個銀仔，若失落一個，豈無點燈，掃厝，勤勤尋到著嗎？

9

已經尋著，就聚集伊的朋友厝邊，講：『著及我歡喜，因為所失落的銀仔我已經尋著！』

10

我給恁講，歹人中有一人反悔，就佇上帝天使的面前為著伊喜歡也是按呢。」

11

閣講：「某人有二個子。

12

彼個第二個給老父講：『阿爸啊，將我應得的業分互我。』伊的老父就給分家伙。

13

閣無幾日，彼個第二子一盡收拾伊的物，出外去遠遠的所在。佇遐放蕩，毀壞伊的業。

14

已經損了了，抵著彼所在大飢荒，伊才知欠缺的艱苦。

15

就去倚彼所在一個百姓；彼人差伊去山裡飼豬。

16

愛將豬所食的豆莢來止飢，也無人互伊。

17

伊醒悟，就講：『我的老父有偌多長工，米糧食有剩，若是我佇遮欲餓死啊！

18

我欲起來，去尋我的老父，給伊講：阿爸啊！我有得罪天，及佇你的面前；

19

今了後，我堪得叫做你的子，著互我親像你的長工的一個。』

20

就起來，去尋伊的老父。相離猶久遠，伊的老父看見伊，就憐憫伊，走去抱伊的頷頸，直直給伊唚。

21

子就給伊講：『阿爸啊！我有得罪天，及佇你的面前；今了後，堪得叫做你的子。』

22

若是老父對伊許個奴僕講：『緊緊　上好的衫來給伊穿；閣給伊掛手指；續給伊穿鞋；

23

也牽彼隻肥的牛仔來，咱食來歡喜；

24

因為我此個子死有復活，失落有閣得著。』就相及歡喜。

25

彼時，伊的大子佇園裡。倒來欲到厝，聽見作樂及跳舞的聲，

26

就叫一個奴僕來，問伊啥代。

27

伊給伊講：『恁小弟來啦；恁老父因為得著伊好好倒來，所以彼隻肥的牛仔。』

28

大子受氣，呣入去；伊的老父出來勸伊。

29

伊應伊的老父講：『你看，我服事你許多年，攏未曾違逆你的命令，你也未曾互我一隻羊仔子，通及我的朋友相及喜歡。

30

總是你此個子，交陪娼妓一盡破費你的業，一下倒來，你就為著伊肥的牛仔。』

31

老父就給伊講：『子啊！你常常及我佇，凡我所有的攏是你的；

32

若是你此個小弟死有復活，失落有閣得著，咱應該著歡喜快樂。』」