約書亞記 第 2 章 - 台語漢字羅馬本

1

嫩的子約書亞對什亭暗靜差二人做偵探，吩咐講：「恁去看彼個地及耶利哥。」就去，到一個娼妓喇合的厝，就歇佇遐。

2

有人報耶利哥王講：「看啊，今暗有以色列人來遮偷看此個地。」

3

耶利哥王差人去喇合遐講：「許個來你遮、入你的厝的人，你著導出來，因為來，是欲偷看此個全地。」

4

婦仁人將彼二人囥密，就應講：「真正有人來我遮；總是對叨落來我呣知。

5

日暗、欲關城門的時，許個人出去，去叨落我呣知。恁緊緊去，就會著。」（

6

總是婦仁人已經導上厝頂，將所排佇厝頂的麻稿來蓋。）

7

許個人就按約但彼條路伊。到路頭的人一下出去，城門就關。

8

二人猶未去睏，婦仁人就上厝頂，到遐，

9

對講：「我知耶和華已經將此個地賞賜恁，閣因為恁的緣故阮攏驚。此所在一切徛起的百姓佇恁的面前攏失膽；

10

因為阮有聽見恁出埃及的時，耶和華怎樣佇恁的頭前互紅海的水乾去，閣恁怎樣款待約但彼旁二個亞摩利王西宏及噩，就是恁所毀滅的。

11

阮一下聽見諸個事，就失膽。因為恁的緣故，逐個神不附體。因為耶和華──恁的上帝佇天頂地下做上帝。

12

今我已經好款待恁，請恁指耶和華對我咒誓，欲好款待我老父的家，續互我一個實在的記號，

13

欲救活我的老父老母、我的兄弟、姊妹，及一切屬所有的，拯救阮的生命免死。」

14

二人應伊講：「你若無漏洩阮此個事，阮甘願用阮的生命替恁。到耶和華將此個地賞賜阮的時，阮欲用慈愛誠實款待你。」

15

對按呢伊用索對窗仔給墜落去；因為伊的厝起佇城牆，伊也徛起佇牆頂。

16

伊對講：「恁著上去山裡，驚了追的人抵著恁，著佇遐匿三日，聽候追的人倒來，然後才通行恁的路。」

17

二人對伊講：「你教阮所咒誓的，阮的確無為著彼個來犯罪。

18

阮若到此所在的時，你著將此條朱紅的索縛佇墜阮落去的窗仔裡，也著聚集你的老父老母、兄弟、及你的老父全家攏踮你的厝內。

19

見若出你的家的門去街路的，伊的死是自取的，無阮的罪。見若及你佇厝內的，若有人下手害伊，就伊的死是阮的罪。

20

總是你若漏洩阮此個事，就你所教阮咒誓的及阮無干涉。

21

伊講：「通照恁的話來行！」對按呢伊差去，就去，伊用朱紅的索縛佇窗仔。

22

二人去到山裡，踮遐三日，聽候追的人倒去。追的人沿路尋，也尋無著。

23

二人就落山倒來，過河，到嫩的子約書亞遐，對伊講起所抵著一切的事；

24

閣對約書亞講：「耶和華果然用彼個全地交佇咱的手；彼所在一切徛起的百姓佇咱的面前攏失膽。」