以賽亞書 第 8 章 - 台語漢字羅馬本

1

耶和華對我講：「你提一個大的牌，用人通行的字來寫，論起『瑪黑珥．沙拉勒．哈施罷斯』。

2

我欲叫誠實的干證，就是祭司烏利亞及耶比利家的子撒迦利亞來做干證。」

3

我及先知娘同房；伊懷孕生子，耶和華就對我講：「給伊號名叫瑪黑珥．沙拉勒．哈施罷斯；

4

因為此個嬰仔曉叫阿爸、阿母的代先，大馬色的財寶及撒瑪利亞受搶的物攏搬佇亞述王的面前。」

5

耶和華閣對我講：

6

「因為此個百姓厭賤西羅亞慢慢流的水，歡喜利汛及利瑪利的子；

7

所以，主欲互彼個河真大真雄的水流來淹，就是亞述王及伊一切的榮光，欲過伊一切的水溝，漲滿伊諸個岸；

8

欲沖入猶大，漲滿四界淹，高到頷頸。以馬內利啊，伊的翅展開，遍滿你的地。」

9

列國的百姓啊，出在恁喧嘩，到尾的確破壞；遠的人啊，著俯耳孔來聽！出在恁縖腰，的確欲破壞；出在恁縖腰，的確欲破壞。

10

出在恁設計謀，的確歸空空；出在恁議論，的確成立；因為上帝及阮佇。

11

耶和華用大權能的手，指示我用話警戒我講，呣通行此個百姓所行的路，對我講：

12

「此個百姓所講叫做結黨的，恁莫得講做結黨。所驚的，恁莫得驚，亦莫得。

13

獨獨著尊萬軍的耶和華做聖，伊是恁所著驚者，所著者。

14

伊欲做聖所，亦欲向以色列二家做跋倒人的石，塞礙人的石磐；向耶路撒冷徛起的百姓做活罩及羅網。

15

多多人欲佇彼頂面著觸跋倒，跋到碎碎，亦互伊網著掠著。」

16

你著將干證的話捲緊緊，封密律法佇我學生的中間。

17

我欲聽候耶和華就是家己掩伊的面佇雅各的家者；我亦欲向望伊。

18

看啊，我及耶和華所互我的子，攏是萬軍的耶和華踮佇錫安山的，所用做兆頭記號佇以色列中者。

19

若有人對恁講：「恁著去問童乩及行邪術者，的聲音嘰嘰叫叫，言語細細。」著應講：「百姓豈呣著問伊的上帝嗎？豈通為活人去問許個死者嗎？」

20

人著照律法及干證的話；若無趁此個話來講，就得著看見早起時的光。

21

欲經過此個地，受艱苦，受枵餓；枵餓的時，心內家己受氣，咒詛的王及的上帝。

22

抬頭看天，俯落看地，無拍算，一盡是艱苦、黑暗，及痛苦的黑暗。受趕佇黑黑暗暗的內面。