以賽亞書 第 38 章 - 台語漢字羅馬本

1

許個日的中間希西家破病欲死，亞摩斯的子先知以賽亞去見伊，對伊講：「耶和華按呢講：你著設法你的家事，因為你欲死活。」

2

希西家就越轉面向壁，祈禱耶和華講：

3

「耶和華啊，求你記念我佇你的面前怎樣存完全的心，照誠實來行，閣做你所看做好的。」希西家就大聲啼哭。

4

對按呢耶和華的話臨到以賽亞講：

5

「你去給希西家講，你的祖大衛的上帝──耶和華按呢講：我已經聽見你的祈禱，看見你的目屎。看啊，我欲加添你的歲壽十五年；

6

閣我欲救你及此個城脫離亞述王的手，亦欲保護此個城。

7

「耶和華欲成伊所講的。這是耶和華欲互你的兆頭，

8

看啊，亞哈斯的日晷，隨日進前的影我欲互伊退後十度。」對按呢，進前的日影，果然佇日晷的頂面退後十度。

9

猶大王希西家破病已經好，就做詩講：

10

我講：抵抵佇我中年的日欲入陰間的門；得通享受我猶剩的年。

11

我講：我見著耶和華，就是佇活人的地見著耶和華；我得通及踮地上的百姓相及看人的面。

12

我徛起的所在受遷徙離開我，親像顧羊的人的布棚一樣；我將生命捲起來，親像織布的人捲布一樣。伊欲將我對布機頭剪斷，對早起到下昏，你欲互我結局。

13

我互家己安靜到天光；伊親像獅遏折我一切的骨頭，對早起到下昏，你欲互我結局。

14

我親像燕仔，親像白鶴狋哞狋嘵；閣親像鳩鵻哀叫；我因為抬頭看，目睭煙暈。耶和華啊，我受壓制，求你給我保認。

15

我欲講甚麼啊？伊給我講的，亦給我成啦。我因為心內的苦楚，佇一生的年日欲緩緩仔行。

16

主啊，人得著活是在佇諸個。我的心神活亦攏是對按呢。所以求你互我閣好，猶原活。

17

看啊。我受真大的艱苦，是為著欲互我得著平安；你因為疼我的靈魂就救我脫離滅無的坑，因為你將我一切的罪，佇你的尻脊後。

18

因為陰間會感謝你，死無會謳咾你；落墳墓的人會向望你的誠實。

19

只有活人，活人欲感謝你，親像我今仔日感謝你一樣。做老父的，欲互子兒知你的誠實。

20

耶和華便便欲救我，所以，阮在生的日欲佇耶和華的厝，用絲弦的樂器唱我的詩歌。

21

以賽亞曾講：「著提一塊無花果餅，來貼佇仔，王就得著好。」

22

希西家也曾講：「我會上耶和華的厝，有甚麼兆頭？」