以賽亞書 第 26 章 - 台語漢字羅馬本

1

當彼日，佇猶大地，人的確唱此個歌講：阮有堅固的城。伊欲用救恩立做城牆，做外重城。

2

著開諸個門，互守信實、義的百姓得著進入。

3

堅心倚靠你的，你欲保守伊十分平安，因為伊倚靠你。

4

恁著倚靠耶和華直到永遠，因為主耶和華是永遠的石磐。

5

伊互踮佇高的所在者及高的城做一下敗落去，伊欲捙倒伊佇地裡，落到塵埃，

6

腳欲　踏伊，就是喪鄉人的腳，困苦的人的腳步。

7

義人路是正直；你正直的啊，修平義人的路。

8

耶和華啊，阮佇你審判的路聽候你；阮的心所欣慕者，是你的名及記念你。

9

我用我的心，暝間欣慕你；亦用我的神，天光早尋你。因為你審判世上的時，就地上的百姓欲學習義。

10

用恩惠款待歹人，伊猶原呣學習義；佇正直的地方，伊欲行不義，亦無注意耶和華的威嚴。

11

耶和華啊，你的手抬高，猶原呣看；欲看見你為著百姓的熱心，來見誚，閣有火燒滅你的對敵。

12

耶和華啊，你欲注定阮得著平安，因為阮所做一切的事攏是你給阮成的。

13

耶和華──阮的上帝啊，你以外曾有別個主管轄阮，總是阮欲專專倚靠你，記念你的名。

14

死了，的確會復活；的陰魂，閣起來；因為你臨到，剿滅，互的名攏無去。

15

耶和華啊，你加添國民，你加添國民；你得著榮光，閣開闊此個地四面的境界。

16

耶和華啊，佇患難中尋你；你的警戒到身上，就傾心祈禱你。

17

親像婦仁人懷孕，欲生的時，就攪絞佇痛苦的時喉叫；耶和華啊，阮佇你的面前亦是按呢。

18

阮亦曾懷孕曾攪絞，所生者竟然親像風。阮佇地裡未曾行甚麼拯救的事；世上徛起的百姓亦無跋落。

19

你的死人欲復活，我諸個身屍欲閣起來。倒佇塵埃者啊，恁著精神起來唱歌！因為你的露水親像草菜頂的露水，地亦欲交出陰魂。

20

我的百姓啊，恁著入密房，關你的門，匿霎仔久，聽候受氣過去。

21

因為耶和華對伊的所在出來，欲刑罰地上徛起的百姓的罪惡。地亦欲露出伊所有的血，無閣遮蓋受的人。