以賽亞書 第 18 章 - 台語漢字羅馬本

1

哈啊！古實諸個河外，伊的翅撇撇哮的地，

2

伊差使者過海，坐蘆葦的船佇水面。講：恁諸個緊快的使者，著到高大光滑的百姓遐。對開國以來，許個百姓極其通驚，是分地界睭踏人的；的地有江河分開。

3

世上一切徛起的百姓及踮佇地上的人啊，山頂　大旗的時恁著看；歕哨角的時恁著聽。

4

因為耶和華對我按呢講：當日時有天氣的炎熱，收割的熱天有露水的雲霧的時，我佇我徛起的所在，欲靜靜坐看。

5

收割的代先，花已經開謝，花亦結成欲熟的葡萄；伊欲用鐮仔割去軟的枝，閣欲剪除艷艷的藤，

6

攏欲互山間的鷹鳥及地上的野獸。夏天的鷹鳥欲歇佇遐；冬天的野獸攏欲倒佇遐。

7

到彼時，此個高大光滑的百姓，就是對開國以來極其通驚、分地界　踏人的，的地有江河分開；欲將禮物獻互萬軍的耶和華，就是獻到錫安山──耶和華安置伊的名的所在。