以賽亞書 第 14 章 - 台語漢字羅馬本

1

耶和華欲憐憫雅各，欲閣揀以色列，將安置佇本所在。寄腳的欲歸倚，及雅各家聯合。

2

列邦欲將帶倒來本所在；以色列家欲佇耶和華的地得著做奴僕女婢，亦欲搶掠前搶掠者，管轄前壓制者。

3

當耶和華互你脫離艱苦、煩惱，及人勉強你做的苦工，得著平安的日，

4

你欲做此個歌論巴比倫王講：制壓人的怎樣竟然無去？勒索人的怎樣竟然無去？

5

耶和華有遏折歹人的柺，及管轄人者的權柄，

6

就是佇受氣中連連拍諸個百姓的，佇受氣中管轄列國，行窘迫無人阻止的。

7

今全地得著安息、平靜；人攏出歡喜的聲。

8

松樹及黎巴嫩的柏香樹攏因為你歡喜，講：對你倒落去，無人閣上來剉阮。

9

你落去的時，陰間就為你振動來迎接你，閣因為你驚動許個曾佇世間做領袖的陰魂，亦互許個曾做列國的君王的，攏對伊的座位徛起來。

10

攏欲應你講：你亦變做軟弱親像阮嗎？你亦及阮相親像嗎？

11

你的威風及你的琴瑟的聲攏落到陰間。舖佇你的下面的是蟲，蓋佇你的頂面的是蛆。

12

天光早的啟明星啊，你怎樣對天墜落？你此個攻破列國的怎樣受砍倒佇地上？

13

你的心內曾講：我欲上到天頂；我欲舉起我的座位佇上帝眾星的頂面；我欲坐佇聚會的山，佇北方的極頭。

14

我欲上到比雲卡高的頂面；我欲及至高者平等。

15

總是，你欲墜落陰間，到深坑的極頭。

16

凡若看見你的攏欲注目看你，留心想你，講：

17

互大地搖泏，互列國振動，互世界拋荒，互城牆捙倒，無解放受掠的人倒去兜，是此個人嗎？

18

列國的君王攏逐個有榮光睏佇伊的墓。

19

獨獨你受擲，得著入你的墓，親像通厭賤的枝，用受的人做衫，就是受刀鑿死，墜落坑中石頭彼位者；你閣親像受　踏的身屍。

20

你得著及同埋葬；因為你敗壞你的國，死你的百姓。歹人的後裔的確永遠無名。

21

因為祖公的罪，著備辦死的子孫，免得興起，來佔地，起城遍世間。

22

萬軍的耶和華講：我欲起來攻擊，欲對巴比倫除滅伊的名及所剩的，以及伊的子伊的孫。這是耶和華講的。

23

我欲互伊的地做河豬所踮的位，閣變做水池；我欲用滅無的掃帚掃除伊。這是萬軍的耶和華講的。

24

萬軍的耶和華有咒誓講：我所想的，決斷欲成；我所定著的，決斷建立，

25

我欲拍敗亞述人佇我的地，　踏伊佇我的山。伊的軛欲離開我的百姓；伊的重擔欲離開我的百姓的肩頭。

26

這是已經定著欲行佇全地的旨意；這是伸佇萬國頂面的手，

27

萬軍的耶和華已經定著旨意，是誰會廢無伊？伊的手已經伸出，是誰會互伊勼倒轉？

28

亞哈斯王死彼年，有此個默示：

29

非利士的全地啊，莫得因為拍你的枴已經折來歡喜。因為對蛇的卵欲生出毒蛇；伊所生的是飛的火蛇。

30

喪鄉人的大子欲得著食；欠缺的人欲安然倒。我欲用飢荒餓死你的種類；伊欲死你所剩的。

31

門啊，著啼哭！城啊，著喉叫！非利士全地啊，你消無啦！因為有煙對北勢來，伊的兵丁無一個漏陣。

32

欲怎樣應列國的使者啊？著講：耶和華建立錫安；伊的百姓中困苦的人欲投歇佇彼內面。