以賽亞書 第 11 章 - 台語漢字羅馬本

1

對耶西的樹頭欲發一支芛；對伊的根所生的枝欲結果子。

2

耶和華的神欲踮佇伊，就是智慧及聰明的神，計劃及能力的神，智識及敬畏耶和華的神。

3

伊欲掠敬畏耶和華做歡喜；伊呣是憑目睭所看見來審判，亦呣是憑耳孔所聽見來擬斷；

4

伊欲用公義審判喪鄉人，用正直擬斷世上謙卑的人，用嘴中的柺拍世界，用嘴唇的氣死歹人。

5

公義欲做伊的腰帶；信實欲做伊的身軀的帶。

6

豺狼欲及綿羊仔相及住，豹及山羊子相及倒；牛仔及細隻獅及肥的精牲；最細漢的囝仔欲牽。

7

牛及熊欲相及食；的子欲相及倒；獅欲食草親像牛。

8

食奶的囝仔欲佇惡蛇的孔口；斷奶的囝仔欲下手佇毒蛇的穴。

9

佇我的聖山的遍地，的確無損傷無陷害；因為認識耶和華的知識欲充滿地上，親像水淹滿佇洋海。

10

到彼日，耶西的根頭　做萬百姓的大旗；列邦欲歸倚伊，伊安息的所在有大榮光。

11

當彼日，主欲第二擺伸手救贖伊的百姓中所剩者，對亞述、埃及、巴忒羅、古實、以攔、示拿、哈瑪，及眾海嶼倒來。

12

伊欲向列國　大旗，招集以色列受趕散的人，聚集猶大四散的人，對地的四極來。

13

以法蓮的怨妒欲消無；猶大的對敵欲除滅。以法蓮無欲怨妒猶大，猶大無欲對敵以法蓮。

14

欲向西飛去，拍佇非利士人的肩頭頂，相及搶東方的人，伸手佇以東及摩押；亞捫族亦欲順服。

15

耶和華欲互埃及海的港乾去，用大風拽伊的手佇大河的頂面，互河分做七條，人拖鞋會得過去。

16

為著伊所剩的百姓，就是對亞述剩倒來者，欲有一條大路，親像當日為著以色列對埃及地上來者一樣。